原帖由 kaiyip24 於 2014-6-24 09:23 發表 
由沙田RDP初版到修訂版，我係第一次發聲，睇住某位打手誓死擁護原稿，當中言辭語氣尖酸刻薄，有佢講無人講，
面對反對聲音唔係細心聆聽，釋除相關居民疑慮，而係又威又嚇，嫌人阻住佢做生意，點解九巴會請個咁樣惡劣態度
的員工？佢當日係點樣過到關俾人請？識用Google Map？
咁你又唔好咁講, 人地好慘架, 明知區議會制度扭曲, 成為山頭主義的溫床,
仲列舉過往因被區議會否決導致重組擱置或者延遲的例子 , 連區議會文件都有記錄, 本版舊文都有紀錄,
可以話係鐵證如山, 所以先冒住生命危險, 敢於現時的政治氣候中講真話.
可惜丫, 部份板友唔去思想區會制度的問題,
仲要對講真話的人惡言相向, 不斷為扭曲的區議會制度護航, 根住乘機上綱上線罵政府,
罵九巴, 反重組. 咩惡毒說話都出晒, 人地真係忍辱負重架.
仲有就係人地見到青沙可以慳時間, 獅隧南昌街塞車, 政府推青沙轉乘站可善用青沙公路,
點不知有班牛鬼蛇神唔理石硤尾需求遠低於深長荔, 更加唔理有轉乘補償, 堅持要直線,
仲有班人不斷反青沙撐獅隧, 無視獅隧早繁日日塞車塞到新田圍, 無視青沙"零塞車"的事實.
咁你話, 人地 一人力戰多達十數位裝睡的資深板友, 真係辛苦架.
沙田區重組做埋諮詢會添, 結果班政棍都係唔接受, 仲要係大會到晒時間罵九巴運吉添,
傾都唔傾, 你唔係仲覺得九巴仲要比班垃圾政棍繼續"舞" 落去卦?
做生意的, 唔賺錢真係搵阿茂做咩, 有板友仲想當九巴係善堂, 又唔諗下今日有新車坐,
有轉乘優惠比他們用, 都係因為九巴有錢賺咋, 仲要無視現有路線7成蝕錢的事實,
唔比取消, 唔比減班, 開線都唔比, 加價更加唔比, 真係比埋特首他們先得囉.
香港人太多為反對而反對, 作為九巴, 點可以事事盡如人意?
講番正題：
89D真係應該盡快全日飛黃泥頭，至於要飛富安就的確係難搞……
89D離開黃泥頭後，補償可以係延長99經富安及亞公角去黃泥頭，並設立九巴而家終於有的八達通雙向分段，一來補償
黃泥頭一帶往返馬鞍山的服務，二來黃泥頭有車入西貢應該會歡迎，三來299X可以飛埋富安……如果99延長要加價仲合
某人的心意呢，可以幫下九巴「止血」，反正而家搭99往返西貢及馬鞍山平過以前搭299，九巴做過一輪好人，而家俾番個
機會佢增加收入，只要加唔過以前299個水平，好似某人話齋唔可以鬧九巴…… (事實係點解乘客及區議員要幫九巴「止血」
呢？止到血九巴真係會肯減價嗎？止到血真係會肯加少次價？抑或某人會有多D花紅分？)
九巴唔止血, 大家咪攬住一齊死囉, 九巴執笠咪大家無巴士出去市區囉,
不過唔好意思, 宜家有人嫌鐵路好迫要搭巴士, 所以呢, 我勸那D人努力工作搵多D,
搬去無九巴服務的地區, 咪唔駛受九巴氣囉, 對不?
睇來宜家仲有人無視九巴7成路線虧蝕的事實囉.
有人成日講到80X非繁客量「偏低」，89D撤離黃泥頭可以用80X繞經代替，不過最理想當然係83X自己全日，
又或透過提高82X的優惠金額及加密82X非繁班次來作補償。80X其實真係唔好搞佢，難得九巴有一些似樣的特快線，
東九只會繼續大把客，最多80X平日中午開15或20分鐘一班，路程短用車好有限，
睇番平日夜晚八九點打後觀塘大把人搭80X返沙角乙明，如果只剩平日兩繁，有幾多客仲會肯同你坐89B？
星期六及假日慢慢碌89B去東九？沙中線一開即刻走埋啦，加上非繁取消80X
沙角乙明加埋秦石即時斷咗大老山個網絡，又話鼓勵轉車，但係又趕人走！80X真係唔好搞喇，最多調整一下非繁班次。
沙角乙明係某知名反對派人士的重地, 一定要做低80X.
況且80X 對比89/89C/89D, 客量差一截, 沙角乙明仲有89B, 無可能仲要食咁多資源.
老實講, 80X 兩味已經好比面, 唔取消已經係萬幸.
希望大家言辭都係以和為貴，老實說如果唔係當初有人護航太激進，迴響未必會係咁大。 .
套用已故的中國領導人毛澤東先生的一句: 沒有無緣無故的愛, 亦沒有無綠無故的恨.
有人看到垃圾區議員係度呃飯食, 揭破政棍做SHOW, 更揭破扭曲的區議會制度,
用晒例子證明區會阻撓重組, 點不知有人埋沒良心, 願意比少數反重組份子牽著鼻子走,
對講真話的人惡言相向, 忽視近年區會阻撓重組的例證.
換轉你係佢, 你都會激進吧? |
