[應該係堅料]沙田區巴士路線發展計劃修訂版

原帖由 kay 於 2014-6-24 18:58 發表
呢樣野我唔係幾同意。

或者舉個例，九巴呢幾年申請加價
都係一開始要求加好多，最尾政府頂多批一半

開天殺價、落地還錢

既然九巴都做開呢味野，議員又何解唔能夠做?

今年份沙田RDP，第一round講既係cut幾十部車，最後成個區議會有共識反對成份野
最新方案都只係cut到幾架車，大部份乘客無受重組影響

如果第一round建制派通過呢份沙田RDP，有咩後果我就唔知啦

有時做人處事，如果想爭取某D野，首先都係會獅子開大口
例如我想向上司推介自己個project，問上司拎budget做野
都會理所當然將好處無限放大

如果班議員一開始就出自己副底牌，比人發現仲要拒絕，之後仲有咩空間去傾?

雖然我覺得個位區議員未必有考慮呢點，但如果稍為有政治盤算既人，都應該知會點做。
政治的確係無時無刻發生緊

之前小弟睇過D區議員既專欄，都不約而同講路線重組，九巴態度係點

見過一篇話，九巴同區議員一齊坐低傾，態度唔好，又話咩意見接受態度照舊
我相信都唔只一次係咁，如果九巴態度好少少，大家關係好D，要重組路線應該少咁D障礙

九巴選擇區議員傾計，除左聽意見，就當然有野要求區議員，我就唔明求人地個陣態度都可以咁差

講正題，無錯，份RDP對馬鞍山有好處
但區域重組問題係，一係全部重組上馬，一係全部重組都唔做得
對區議員黎講，亦都係兩難局面，得做定唔做，連中間斬件上馬既機會都無

要cut幾十架巴士先換得個少少好處，根本就無計可以傾

我諗你畀呢個主題入面個議員嘅偽術呃咗，
佢話九巴想通過個方案就要有條件交換，大部份條件係合理嘅。

問題係，呢啲條件係佢投咗反對票將方案否決之後，
而家見畀咁多人圍插，先攞出嚟講嘅下台階。

方案啱啱出爐嘅時候，佢印傳單掛橫額擺街站，
同居民「解釋」方案內容時，只係提及富安會冇咗幾條線，
新89C、281X班次極疏等等，引導居民去反對全個方案。

就係當時佢冇誠心諮詢過居民佢啲交換條件，
有份導致群情洶湧、成個舊方案都係垃圾嘅假象，

所以而家九巴

個修訂方案，咪乜都收起晒索性唔搞囉，

議員咁嘅手段咁嘅專橫態度，幫居民爭取到啲乜？

原帖由 micyung 於 2014-6-24 21:20 發表

不嬲村巴都係由屋苑去申請，您唔知咩？

我第一次聽到您意見，唔緊要我都會做。

不過匿名要求，難以跟進，請於辦公時間致電35270751，留下閣下詳細資料，以便本處直接處理。 ...

你唔好再獻醜得唔得？
點解冇人申請過搞村巴，係因為公共巴士服務一直都供過於求！
你仲嫌人班次少冇位畀你班居民坐，所以我叫你去申請村巴，
係想你知道你爭取加班嘅低能要求係極之不合理，
你仲厚顏到話人唔了解法團冇主席、法團先有權申請之類，
點解你唔識正面回應真正問題所在？

原帖由 micyung 於 2014-6-24 21:33 發表

要提交反建議是否要有班次，客量等資料，先能夠提出有用的反建議。

九巴對客量，載客率視為國防機密，點會輕易俾出來？

您係我第一個富安居民願意攞自己的巴士線出來做重組，好事！

不過也是至今我聽到，唯一一個肯犧牲小我，完成 ...

咁你而家事後孔明講嘅交換條件又從何而來呀？
你年中爭取唔少例如A41P兜欣安、99延長富安、
680B/682A雙向全日、281X加班到保証人人有位坐，
又有冇班次客量數據支持你先？
問你點解畀人圍插先拎啲交換條件出嚟講，
你就賴三賴四話冇數據支持唔提得反建議，
咁你又可以喺呢度實牙實齒咁

話

要有呢啲交換條件先可以重組281X/87X？

事到如今，你仲想將我對你自私自把自為專橫態度嘅批評，
講成我係法團中人所以同你搞對抗？
自己理虧講唔贏人就玩批鬥，
你真係我有生之年見過最無恥嘅區議員。

[ 本帖最後由 epsilon 於 2014-6-26 10:37 編輯 ]

原帖由 AD118 於 2014-6-26 00:45 發表
如果拉281B上穗禾，咁點樣經常用11米／12米車？成日用短車就得姐

但穗禾係用倒12m 加bo
之前先用完3AD去試車
3AD都用倒真係無車用唔倒

原帖由 alex_yu1992 於 2014-6-26 10:39 發表
但穗禾係用倒12m 加bo
之前先用完3AD去試車
3AD都用倒真係無車用唔倒

問題唔係地理上行唔行到，而係穗禾苑總站係私家路範圍，穗禾苑管理果邊唔容許長車入

原帖由 kay 於 2014-6-26 07:08 發表
我無話過載客率同多客少客扯上關係

但運吉最鐘意用載客率去決定D線點改，寫明幾多百分比就應該點點點，可以點?數字又係佢度出黎，大不了話佢造假

不過，唔理呢個載客率堅定流，某程度都係反映左，唔加車拆線，或就算加車拆線，沙田 ...

佢的概念係無問題, 你要知道顯徑一有顯徑站,
連286X 都會受影響, 所以盡早比顯徑區條286X可以唔經美田係刻不容緩.

原帖由 Snoopy@FB8617 於 2014-6-25 00:16 發表
你最多話佢未做得足
未能夠引居民去一個合適既方案
但唔見得因此就係貪

87D/281X問題
冇記錯佢都有提過其實係問題在於281X疏既問題

進一步去睇
做巴士重組
係唔係應該要令大家都有得益
多過係我見你有兩個橙所以我 ...

佢有提，投完反對票畀人插先提嘛。

三組線點選擇唔係咁表面。
冇40X，嗰些少搭開40X嘅客會上唔到43X，
咁咪適度加返一架車畀43X。

87D、89D班次係密，
但281X、89C重組完之後唔會慢過87D、89D，
如果適度加車至應付得到客量，
根本已經好過門前慢車疏車、村外快車密車
呢種假性選擇。

89C非繁乜都唔改但加班，
其實唔會慢過89D經廣源。
新281X、89C班次可能係疏一半，
但唔需要行出村外，

有位坐機會，

無論兩繁定非繁亦高過87D、89D。

原帖由 TYChow 於 2014-6-25 19:57 發表


容議員，希望你唔好迫得「Alex哥哥」太緊，
他也是跟我們同坐一條船，
巴士路線改得差，他也會自食苦果。

對比「角欣姐姐」，「Alex哥哥」已經做得好左D啦，
至少不會像「角欣姐姐」般，
生活在對面海，但學人管新界線，
最後在北區 ...

好奇一問：Alex 哥哥 其實係咪本版版友？（當然唔會係 alex_yu1992 掛）

原帖由 張偉沖 於 2014-6-26 11:01 發表

佢的概念係無問題, 你要知道顯徑一有顯徑站,
連286X 都會受影響, 所以盡早比顯徑區條286X可以唔經美田係刻不容緩.

286X 唔經美田概念唔係錯，但係變成廿分鐘一班，已經係細節上好大問題，
概念無錯但細節奇差，咁都值得支持？唔駛理會執行之後衍生更多問題？

仲有四美被兜路、車程無縮短但被轉車，又被減班，唔通又係概念正確？

原帖由 3ASV174 於 2014-6-25 23:31 發表
86B 大埔道沿線多站又點，上面有幾可要埋站，就算要埋又會有幾多人上車，除非馬蹓截車九司傅都停囉。
仲要講交通燈……大圍上左大埔道去到郝德傑山先有第一支燈，下一支已經去到嘉頓，就係呢兩支咁大把，
好心你同 286x 就唔好比 ...

不過又咁講，86B 雖然快過 286X 往返深水步（來回程都係），但係如果當初係 86B 兜埋美田，
我覺得應該同 286X 差唔多甚至更慢，況且 286X 深水步覆蓋其實更理想。

兜完美田同美林總站後，如果行青沙，可以直接美田路上青沙公路，
但如果行埔公，就要跟 81/86B 咁兜返舊路 U 返轉頭。

而我覺得美田呢D孤島區係不可不做，286X 本身係好有戰略意義，不過拆線就算吧啦。