咁都得?!乘客同車長夾埋 乘客搏私牌車免費過海

故勿論邊間巴士公司, 香港有幾多巴士車長真係會睇住乘客比足車資上車?(連入$0.1都捉人回頭果d...)

小弟早前自己搭城巴307,我冇位坐要企下層,去到廣福邨有兩個男人上車,

車資理應係每人$21.2 ,

佢地係比錢入錢箱 ,

之後兩個人隊兩張廿蚊落去,

然後同司機講: "冇散銀,比少$1.2得唔得?"  

車長即刻話 :"OK!得啦!"

渣巴士呢D一人管理嘅工作,其實真係好難處理 比少錢,坐霸王車 等問

題,

停低架車要乘客比足車資嘅話,又會比其他乘客罵 阻住返工,搞到遲到 等

車長壓力真係好大

再者巴士迷跟車風氣根本無處不在 ,

樓主你今次見到呢7個"7頭",

咁下次你見到另外7個"7頭",

又打去巴士公司投訴?

一日都唔知有幾多單要去投訴......

自己都見過唔少

車長俾免費搭車嘅人又未必係巴迷,可能係 街坊,鄰居 呢d

自己唔識個巴士車長,盡返乘客責任,上車用八達通拍卡/繳足車資

舒舒服服享受車程,自己冇做錯事何必杞人憂天呢??

需然樓主都好擔心該位車長私牌期間出事點算,

但係出左事對你都冇咩直接關係

佢地賴左

野咪佢地唔好彩! 冇事咪又一次冇仇報。

[ 本帖最後由 Steven_BUS 於 2014-6-21 22:18 編輯 ]

原帖由 Steven_BUS 於 2014-6-21 22:16 發表
故勿論邊間巴士公司, 香港有幾多巴士車長真係會睇住乘客比足車資上車?(連入$0.1都捉人回頭果d...)

小弟早前自己搭城巴307,我冇位坐要企下層,去到廣福邨有兩個男人上車,車資理應係每人$21.2 ,佢地係比錢入錢箱 ,之後 ...

有個觀念真係想特登講講: 你以為人家搭免費車同你完全無關. 實際上, 載人要用油, 一個都要. 最後全部入番巴士公司的成本, 賺唔到錢要加價補貼, 人人都有份! 當一個除開連零頭都見唔到的時候, 幾十人, 幾百人, 年中玩一次? 十次? 夾埋就唔同架啦

勿以惡小而為之

原帖由 h2o 於 2014-6-22 00:25 發表


有個觀念真係想特登講講: 你以為人家搭免費車同你完全無關. 實際上, 載人要用油, 一個都要. 最後全部入番巴士公司的成本, 賺唔到錢要加價補貼, 人人都有份! 當一個除開連零頭都見唔到的時候, 幾十人, 幾百人, 年中 ...

計呢D婆乸數
你不如去Roadshow要求將所有益還俾九巴補貼車資
成功既就功德冇量喇！
又或者去阻止2蚊雞坐968由元朗西去元朗東，政府一年補貼都以億計架，
成功既作為納稅人既我請你食飯又點話

[ 本帖最後由 dicksonboy 於 2014-6-22 00:42 編輯 ]

有兩點唔回唔安樂：
今次個case有人拉埋訓過龍黎講
我都有試過訓到唔識醒
但車長無巡車或者有巡車而睇漏眼
導致意外地車住個客走
車長當然有需要處理番個乘客
但呢個例子只係意外，唔係蓄意

而家講緊
係一個應該落晒客既落客站
之後吉車私番過對面海做第二條線
竟然係有七個人故意唔落車
然後跟車私過對面海
咁係咪打爆架車
啲人全部唔落車都得？
係既話，我響旺角等68x番元朗
做咩咁儍響創興門口等逼？
過對面搭得啦！

第二，有人話跟車成風，嘈都無謂
又無影響到人，無俾人捉云云。。
咁回歸基本問題：
免費跟車是對還是不對？
老老豆豆，啲人去銀行打劫
係咪無俾警察拉就可以繼續？
係咪唔去我用既銀行打劫無影響到我我就由得佢打劫呀？


我唔介意有人扣我帽子
話我係咩衛道之士

我只係想講
對錯
是非
黑白

係要分得好清楚的。

呢啲唔係老土無謂堅持
而係根本核心價值

多言了

老兵團成員
FV682

問題個司機都陪班"7頭"顛的話(沿用樓主對佢地的稱呼)
咁佢就責任自負, 外人都冇咩可以做

原帖由 wawa0006 於 2014-6-21 10:31 發表


我認同車長做法確是有問題。但樓主會不會有點葡萄feel呢？

響iTalk常見post：車長敵視巴迷、不配合巴迷影車會被人出文鬧／投訴
；
車長善意對巴迷，賣個人情味俾巴迷，又被人出post寫。

巴士迷真的難服侍。有些出於善意又 ...

無辜?
我真係唔覺個車長有幾無辜
依家車長係明知有人搭霸王車既時候縱容佢地錦做,而且仲要係同班人夾埋
個車長已經係共犯啦
如果佢因為比人踢爆而扣人工/炒魷
我會送佢2個字,就係"抵死"

依家香港地冇人情可以俾，事事只可以揸正做，否則害死自己，難怪香港地愈來愈冷漠！

我第一句已經寫：「我認同車長做法確是有問題。」，「葡萄feel」有偏差我收回吧 。

我只想說這事件上，車長確沒有依程序做事，但我認為其出發點只屬好心而非出於貪念或為自己得益，感到是否必須要被強烈指責呢？

每天咁多不平事，要申張正義，搭下東鐵大把強國人／缺德者，出發點差劣，難道我們又能一一予以指責嗎？

多言了，只表達一下，望勿介意。

[ 本帖最後由 wawa0006 於 2014-6-22 02:07 編輯 ]

原帖由 wawa0006 於 2014-6-22 01:42 發表


依家香港地冇人情可以俾，事事只可以揸正做，否則害死自己，難怪香港地愈來愈冷漠！

係D人類喜歡製造麻煩啫....

我成日都有朋友嚟坐車啦....

仲要試過俾經理/主任在巴士總站見到,仲即時問我,咁又點呢...??

結果經理/主任的回應係:哦~係你朋友呀~咁無嘢喇~!

原帖由 wawa0006 於 2014-6-22 01:42 發表


依家香港地冇人情可以俾，事事只可以揸正做，否則害死自己，難怪香港地愈來愈冷漠！

請你唔好貶低“人情“ 呢樣野

人情係一種關懷
你呢啲毫無是非對錯觀念既人 絕對唔配得到人情

原帖由 GP5737 於 2014-6-22 02:04 發表

請你唔好貶低“人情“ 呢樣野

人情係一種關懷
你呢啲毫無是非對錯觀念既人 絕對唔配得到人情

兄台對本人指責未免過於武斷或冒犯了。

凡事並不是局限於「非黑即白」，黑白之間其實還有一大片灰色地帶。

閣下並不認識本人，本人只就本議題正常討論，你可以不認同我的觀點，但單憑本人對本議題的一點兒看法便以「你呢啲毫無是非對錯觀念既人 絕對唔配得到人情」來批評及指責本人，實在過於言重及理據有欠充分。

[ 本帖最後由 wawa0006 於 2014-6-22 02:38 編輯 ]