2014 沙田RDP 終極官方版本

原帖由 張偉沖 於 2014-7-9 11:53 發表


落街行路搭車好閒架咋, 香港人日日都係咁做架, 你唔想行我都幫唔到你喎.

區會阻撓重組已經係鐵一般的事實, 無論你如何否認, 都唔能夠改變呢個事實.

唔好意思, 今次九巴已經修訂左方案, 擺出最大的誠意, ...

落街行路去搭車係好正常，但係要人行成十幾分鐘去搭巴士，真係唔合理law。我地後生ge可能唔介意，當做一次運動，但係人口老化之下，你要班老人家行

十幾分鐘，仲可能無瓦遮頭，係好唔人道，講真之前有版友話，老人家唔一定要線要密，只要準時同有位坐就得，但係咁樣仲要人行，你老咗你試下咁坐車去醫院la！

我認同大圍真係一個幾麻煩ge問題，你要直接唔兜又夠客出到條巴士線係好難，一係四美、一係顯徑、一係新翠，最多只可以顧到兩區，大圍轉車站構思本應唔錯，但係配套不足，議員同居民反對改動巴士服務原因有三方面︰價格、走線(時間)同班次，你要改巴士線的話，要比原先受影響地區居民一個合理補償，你抽走一線，但轉一條疏線或者貴線，我係嗰區住都唔肯過你啦！

b. 鄧永昌
"鄧永昌: 水泉澳無人住有5線, 四美有人住就無服務, 不滿246X無在新計畫內, 全為有限度服務的P/S車"

咩叫"四美有人住無服務"? 你當286X 死既?
仲有,
無246X 係因為你同其他人有份反對最初的246X 方案, 宜家九巴咪開286P 迎合你囉,
你仲要大大聲話"全為有限度的P/S 線"?
神又係你, 鬼又係你, 之前你有份反對246X, 宜家扮失憶搏大霧, 扮為民請命?
我唔踢爆你我仲係人來既?

我唔認為呢位議員做得唔合理，我明白九巴似乎想响水泉澳插旗，但係宜家有D邨巴士服務係唔平衡，打個比喻新田圍同廣源ge分別，我一直都唔明點解廣源可以攬咁X多條線。而246X原建議根本只係由286X分車出黎，得幾架車做唔做到準時服務都作問題！

李世榮: 89D全日不入黃泥頭但班次外疏左(5分鐘=>6-7分鐘), 部分路線(如87D)由8分鐘變成8-10分鐘一班,離譜, 89D轉798無轉乘優惠"
如果拉疏咗班次 = 少咗部車，5分鐘一班, 一小時有12架車，但6分鐘則只有10架車，如果客多，真係可能清唔到客。 所以唔能夠怪晒區議會！！

原帖由 matchnacu 於 2014-7-9 14:12 發表
b. 鄧永昌
"鄧永昌: 水泉澳無人住有5線, 四美有人住就無服務, 不滿246X無在新計畫內, 全為有限度服務的P/S車"

咩叫"四美有人住無服務"? 你當286X 死既?
仲有,
無246X 係因為你同其他人有份反對最初的246X 方案, 宜 ...

新田圍行上獅子山隧道公路新田圍邨那個站咪多D 選擇囉,
總站仲有條頻密電梯線282 , 仲想點先?

89D 就仲攪笑, 無人阻止你爭取89D 加班架, 但呢個議員

爭取89D 加班又唔做, 淨係識得反,

唔係政棍咁係咩?

原帖由 張偉沖 於 2014-7-9 11:53 發表


落街行路搭車好閒架咋, 香港人日日都係咁做架, 你唔想行我都幫唔到你喎.

區會阻撓重組已經係鐵一般的事實, 無論你如何否認, 都唔能夠改變呢個事實.

唔好意思, 今次九巴已經修訂左方案, 擺出最大的誠意, ...

我住沙角邨，都會行去麗豪酒店搭49X 出荃灣，或者行去乙明邨搭81C，所以我唔係唔想行

如果你的建議都叫合理，287X 唔洗上水泉澳，行去慈北搭3C 咪得，又平又密，落街行路搭車都係好閒

今次九巴真係擺出最大誠意，加快少少但減車減班真係好有誠意
拉長路線沿線居民又被加價真係好有誠意
年年加價簡直係十二分誠意:victory:

城巴市區線十幾年無加價就真係完全無誠意

原帖由 張偉沖 於 2014-7-9 08:15 發表



歷史已經再次證明區會阻撓重組的事實, 但今次班垃圾政棍仲政棍,
連九巴回應左議員訴求的建議都唔肯表決唔比過,
"區會阻撓重組"這是我day 1以來一直強調的, 我由day 1開始比眾板友圍插都係值得的. ...

似乎你係度眾人皆醉我獨醒

不如我問你，或者問下你公司，係面對區議員既反對個陣
係咪可以"撓埋雙手"唔做野?

唔好話我唔講道理，橋都比埋你

如果係都要將份渣宰級RDP擺上去區議會，仲要比區議員通過，其實唔係無辦法

就好似假設你要交份爛既計劃書比老細，而你又想你老細行你個project，方法不外乎
討好你上司；
比你上司好處

如果九巴想實行RDP，套用以上原則，同區議會搞對立一定係行唔通，相反
要討好區議員
比區議員好處

先有機會

如果九巴真係好想實行方案，但區議會又唔過，仲有個方法就係，同運輸署講要運輸署簽字，但你九巴有無咁把炮要運輸署做呢樣野?

運輸署又會唔會同你食左隻黑鑊?

唔好話，第一次傾RDP，網上已經傳定風聲，話未到開會已經知道份野難產個陣，九巴又有無做野?
剩係識得坐係議會度黑口黑面輪住比人鬧，又唔夠膽去高調反駁區議員歪理，逗咁多人工做埋D小朋友程度既功課、同發埋小朋友D臭脾氣

你九巴第一次做得咁肉酸，比班區議員食住上都好正路，所謂修訂方案只係從渣宰中抽取渣宰，就算過唔到都係意料之內

沙田區本身交通網絡完善，十八區都去得到，巴士去唔到唔夠快就搭鐵路，係個別有數條線行車時間過長姐
講到底，你九巴嫌賺得唔夠多，想賺盡佢先重組姐

啊，你唔好唔記得，九巴最近加價，所發既新聞稿，已經無再強調"區議會阻撓重組"，呢個term已經過時

做人就應該與時並進，要同"運輸署、地區密切溝通"先係出路!

原帖由 matchnacu 於 2014-7-9 13:50 發表
我認同大圍真係一個幾麻煩ge問題，你要直接唔兜又夠客出到條巴士線係好難，一係四美、一係顯徑、一係新翠，最多只可以顧到兩區，大圍轉車站構思本應唔錯，但係配套不足，議員同居民反對改動巴士服務原因有三方面︰價格、走線(時間) ...

我認同宜家要重組大圍路線係有D難道，我都希望九巴可以比多D配套

原帖由 張偉沖 於 2014-7-9 11:53 發表


落街行路搭車好閒架咋, 香港人日日都係咁做架, 你唔想行我都幫唔到你喎.

區會阻撓重組已經係鐵一般的事實, 無論你如何否認, 都唔能夠改變呢個事實.

唔好意思, 今次九巴已經修訂左方案, 擺出最大的誠意, ...

係我地唔好 , 每程車唔俾多十蚊八蚊俾九巴 , 你今年點會加到 4.2% 人工呀

原帖由 張偉沖 於 2014-7-9 08:15 發表



歷史已經再次證明區會阻撓重組的事實, 但今次班垃圾政棍仲政棍,
連九巴回應左議員訴求的建議都唔肯表決唔比過,
"區會阻撓重組"這是我day 1以來一直強調的, 我由day 1開始比眾板友圍插都係值得的. ...

真係估唔到竟然你可以死撐咁耐
人地有晒理由反對,老九只係識小修小補
如果區議會過左份RDP,沙田人仲洗搭車既?

仲好意思話"比眾板友圍插都係值得的"咁偉大
頒個諾貝爾獎比你好唔好?

原帖由 BlackBird 於 2014-7-9 23:14 發表

真係估唔到竟然你可以死撐咁耐
人地有晒理由反對,老九只係識小修小補
如果區議會過左份RDP,沙田人仲洗搭車既?

仲好意思話"比眾板友圍插都係值得的"咁偉大
頒個諾貝爾獎比你好唔好? ...

自己爬下文睇下我點插班垃圾政棍先啦, 水唔係咁抽架.

做人唔該update 下啦, 我講緊新一份RDP啊.