兩鐵正式合併

原帖由 ATR101 於 2006-4-12 18:53 發表

咁之後仲有堅尼地城都係4個字

除非無可避免
相信用中大同港大,人地都知係指乜,但堅尼地城唔可以用堅城兩字取代嘛..

原帖由 gn3509 於 2006-4-12 18:57 發表


除非無可避免
相信用中大同港大,人地都知係指乜,但堅尼地城唔可以用堅城兩字取代嘛..

如果堅尼地城唔可以用堅城取代
亦即係四個字既站名根本可以接受
將來夢幻之城亦都係四個字

咁點解香港大學要變成港大呢？
又有甚麼理據呢？

原帖由 ahbong 於 2006-4-12 18:49 發表


我認為為左方便外地訪客
不應該將中文大學或香港大學的俗稱用成車站名稱
畢竟不是所有人都知港大 = 香港大學

如果係咁尖東都應該改名做"尖沙咀東"囉.....

原帖由 ahbong 於 2006-4-12 19:00 發表


如果堅尼地城唔可以用堅城取代
亦即係四個字既站名根本可以接受
將來夢幻之城亦都係四個字

咁點解香港大學要變成港大呢？
又有甚麼理據呢？

試解釋下點解尖東唔叫尖沙咀東?

原帖由 gn3509 於 2006-4-12 19:01 發表


試解釋下點解尖東唔叫尖沙咀東?

兩碼子的事
閣下否定「香港大學」作為站名
只係因為「站名用四個字感覺上長左少少,除非無可避免」
而我的理據正是香港大學無可避免地要用全名
即使用簡稱
亦應叫作「大學」而非「港大」

如果我係大陸或台灣交留生
我還以為香港大學的簡稱是「香大」
「香港大學」這個名稱有幾長？
因為你感覺上覺得佢長
就對乘客帶來不便
有何理據之有？
老實講不少香港人都唔知「中大」等如「中文大學」
講清楚一點絕對是「無可避免」

況且將來四字站名逐漸普遍（堅尼地城、夢幻之城、銅鑼灣北）
根本不存在因為「感覺上長」而用簡稱的理由

[ 本帖最後由 ahbong 於 2006-4-12 19:21 編輯 ]

我希望可以叫「中文大學」及「香港大學」，
叫「中大」可能會有國內同胞以為香港有「中山大學分校」。
為甚麼「堅尼地城」可以保留而中文大學及香港大學這些「國際學府」的名字要縮短？

我個人是喜歡「尖沙咀東」多過「尖東」做站名的，
尖東站並非座落（我心目中的）尖東（我心目中的尖東是漆咸道南、梳士巴利道、暢運道圍著的地帶），
又與尖沙咀站連接，日本的鐵路站名五、六個字都有，為的都是交代清楚位置。

我應該沒有雙重標準吧～

原帖由 ahbong 於 2006-4-12 19:15 發表


兩碼子的事
閣下否定「香港大學」作為站名
只係因為「站名用四個字感覺上長左少少,除非無可避免」
而我的理據正是香港大學無可避免地要用全名

如果我係大陸或台灣交留生
我還以為香港大學的簡稱是「香 ...

點會兩碼子?尖東站如果唔係覺得佢個名過長,點解英文用尖沙咀東,中文唔用?
同埋,如果用簡稱會令人誤會,咁點解大學站到而家都可以存在呢?
大學站直情簡到未去過既人唔會知佢係咩大學添

原帖由 gn3509 於 2006-4-12 19:22 發表


點會兩碼子?尖東站如果唔係覺得佢個名過長,點解英文用尖沙咀東,中文唔用?
同埋,如果用簡稱會令人誤會,咁點解大學站到而家都可以存在呢?
大學站直情簡到未去過既人唔會知佢係咩大學添

現時存在的站名
並不代表沒有問題或不需要檢討
我絕對認同現時東鐵大學站
絕對會與其餘五間大學混淆!!

但你建議的「港大」、「中大」
係為將來製造問題
若果不熟港式簡稱
看見「中大」這個站名就連那裡是所大學也不知道
在未落實之前
當然要詳細考慮
難道「The University of Hong Kong」這個英文名太長
就要將之叫做「KongU」嗎...?

[ 本帖最後由 ahbong 於 2006-4-12 19:33 編輯 ]

原帖由 gn3509 於 2006-4-12 19:01 發表


試解釋下點解尖東唔叫尖沙咀東?

但尖東老實講已經深入民心,
基本上個個都叫個一帶做尖東o架啦....

所以我覺得無咩問題.....

至於我覺得大學呢o的係一個專有既名
全部會好o的既...

反而地區就無咩所謂.............
^我個人立場...

其實四個字站名，係無可避免吧
當你香港大學、中文大學、海怡半島、堅尼地城，或者可以縮做港大、中大，海怡、堅城，
銅鑼灣北，可以叫維園，或叫埋做銅鑼灣，
同現有銅鑼灣站合併成一個站，夢幻之城.....起唔起得成，或者叫乜名都未知，
仲有個海洋公園點都縮唔到吧！

現有的站名雖然沿用多年，但不等如可以習非成是，
好似大學、馬場呢Ｄ根本就有必要檢討，香港只得o個一間大學同馬場嗎？
馬場站，你話另一個馬場冇鐵路到，都仲勉強講得通，
大學呢？全港八間，淨係呢條東鐵沿線都四間，就咁「大學」，即係邊間？

其實有檢討必要的站名多的是，何止呢兩個？
不過似乎次次一講親，都有人插到飛起

o係大陸同台灣，最多好似有成六個字的

[ 本帖最後由 mckhgc 於 2006-4-12 20:16 編輯 ]