ATENU把討厭的電車撞出軌

電車行路軌巴士都會撞埋去, 巴士先要負最大責仼.

樓主，架電車得罪左你咩？如果你比架 ATENU 撞我咁講又得唔得...

交通意外無人想嫁樓主...
你唔好咁黑心啦

究竟樓主同電車有咩十冤九仇呢？我唔多清楚
如果真係咁討厭電車，我諗你要俾少少論點論據出嚟講解下點解你咁討厭電車。

本人覺得電車係香港一個歷史印證，與香港共同經歷戰火、暴動、經濟起飛等等時期，
唔多唔少電車都有涉及其中，可以話電車係一本歷史字典

電車嘅速度雖然慢，但正正可以靠慢嚟觀看風景
由筲箕灣嘅住宅區，到北角嘅市集，去到銅鑼灣同中環嘅鬧市同高樓大廈，再有上環與西環鹹海風味
由寧靜到熱鬧再回歸平靜，外地無幾多市區可以做到咁樣嘅流動，再加上香港五花八門嘅建築風格，
吸引無數遊客到港一嚐電車遊，不同嘅旅遊雜誌亦有推介電車作為景點。

電車可以作為香港一個景點，每日平均接載23萬人士來往港島北岸各地，唔知樓主有無自身一啲有用之處同大家分享一下？

回正題：地面無明顯剎車痕，似部巴士回唔切軑，究竟當時兩位司機行緊幾快呢？

原帖由 petcity 於 2014-7-6 00:53 發表
我又唔明電車同維澳點可以相提並論

樓主年齡唔猜度，但無知與否唔敢下定論
但個人實在唔同意樓主言論囉

電車前母公司九龍倉o係幾年前分兩次將手上電車股權全數賣俾Veolia，即維澳母公司

全面接收後第一個大龍鳳就係大執更表，司機休息時間大減，工時增長，導致電車司機蘊壤罷工，最後不了了知
第二單係「優化班次」，將平時最密車o個D 線大減班次，令最多人搭o既路段班次嚴重失準，結果上埋報紙，最後改左幾輪先穩定落黎
第三單係全面接收後一年內即提出加價25%，去到$2.5，不過因為九倉多年建立o既公司形象，所以大部分人都用理解o既心態去面對加價，但實情係Veolia只係接收左電車冇耐就話要加價，最後政府批準加到$2.3

上面三者，其實同維澳冇咩分別，都係司機不滿，班次大亂同埋伸手拎錢，分別在於維澳搞到好大單，電車公司呢幾單只不過係雞毛蒜皮咁解

[ 本帖最後由 VA54-HN8897 於 2014-7-6 10:43 編輯 ]

原帖由 skh30 於 2014-7-6 00:01 發表



電車對港島區不知幾重要,
起碼短短一程筲箕灣出西灣河或者由筲箕灣搭去上環都係收你2.3你仲想點...

係九龍新界一係焗比九巴,一係比mtr,.好少少有綠van,你可以話搭11號都得,但對於行動不便的人又如何??

有時夜晚 ...

其實港島如果要去D 比較近o既目的地，例如話三四個巴士站o既距離，港島人基本上一係流水一係電車，最低消費只係$2.3 或者$3.4...
作為一個港島人去到彌敦道一帶，同樣差唔多遠o既目的地，一係行餐飽，一係上車一刻最低消費$4.9 (今日起計)，講真實在係唔多願意俾...

對於一般市民黎講，

平

價

代

步

呢個就係港島電車最重要o既價值

原帖由 VA54-HN8897 於 2014-7-6 10:49 發表

其實港島如果要去D 比較近o既目的地，例如話三四個巴士站o既距離，港島人基本上一係流水一係電車，最低消費只係$2.3 或者$3.4...
作為一個港島人去到彌敦道一帶，同樣差唔多遠o既目的地，一係行餐飽，一係上車一刻最低消費$4.9  ...

所以覺得電車收$2.3唔破產做得住已經好嘢
我諗電車係靠廣告同私人租車先做得住，靠車費破產好耐

其實有不少駕駛人士（有些是巴士司機）喜歡與電車鬥快，之後切線等候右轉而阻礙電車前進，好像昨天便見到有一輛的士在英皇道與糖廠街路口前約十米爬過電車，然後等候右轉，幾年前在同一個路口我乘搭的電車被一輛四驅車突然爬頭及切線，我乘搭的電車差點便撞向該輛四驅車；而這樣情景亦在英皇道與油街、筲箕灣道與太富街、莊士敦道與巴路士街、船街交界的路口見過不少，另外亦有一種情況是如春園街右轉莊士敦道及大王東街右轉莊士敦道，車輛故意阻礙電車路。

至於巴士專線，筲箕灣道右轉太康街、德輔道中右轉禧利街亦見過有巴士與電車爭路，前者的路口只有少數會讓電車先行。

平心而論, 那些右轉路口位如果唔響電車駛到路口前攝入, 兩者最後要花上的時間係以分鐘去計.

以油街街口為例, 向前行的電車燈號比右轉的車輛燈號為長, 如果轉入油街的車輛
不爬頭由得電車過, 轉到入油街的車輛可能只有兩三架, 右轉燈號的時間就會浪費左,
接著長長的電車燈號時間得一部電車通過, 然後架先前不爬頭的車輛在電車線
等燈
右轉油街, 浪費電車時間之餘, 車輛自身要等電車燈號完結才能駛入油街,
結果會養住長長的車龍, 而車龍裡係包括晒所有等轉入油街的車輛和直去的電車,
造成擠塞.

私家車在這些路口位切線是正常, 但駕駛者應該要注意駕駛態度, 在許可的情況下
安全切線, 才不致讓人覺得司機故意阻慢電車甚或釀成意外.

原帖由 hkt116 於 2014-7-6 01:01 發表

如果佢討厭萬倍，咁你比佢討厭千萬倍！
見到唔鐘意嘅野就鬧，你比起個啲亂咁嘈，亂咁扭計嘅細路哥仲乞人憎！

你鬧得冇錯架, 我真心認同, 回文之前預左, 如果我回果位板友都認同咁我目的已經達到了!

樓主既標題，比講粗口難聽幾萬倍