我去左亞視見工.....

「亞太區有一天會成為亞太區你個街亞視嚟嘅喂」。我承認，這是我對亞視的最深印象。
　　對了，還有百萬富翁、我和彊屍有個約會、天蠶變，但全部是十年前的。所以當亞視打來約我見工時，我心想，吓，咩亞視除左六合彩，仲有節目請人？
　　抱著見識的心態，我今天天未亮就爬了起床。從北角坐港鐵到大埔墟要個多小時，加上搭廠巴，車程時間長過上深圳。匆匆來到大墟埔，在小巴站和巴士站跑來跑去，只敢問途人：「請問去大埔工業邨的接駁巴士在哪裡？」等到別人問去哪間公司時，才低聲細氣地說：「亞．．．視．．．」眼角還要偷望一下，害怕別人會露出不屑神情，然後用張家輝既口吻說：「亞太區有一天會成為亞太區你個街亞視嚟嘅喂」。
　　人事部姐姐告訴我廠巴是很準時開的，果然是十分來到，十分即走，慢兩秒也上不了車。說到亞視廠巴更是嚇我一跳，原來是輛有霸氣的小巴。一小時一班，才十六個座位。幸好亞視人不多，不然恐怕要爬上車頂。
　　終於踏足張家輝也工作過的亞視。我在人事部姐姐的帶領下左穿右插，亞視真的很大呀，特別是在沒有人的情況下更顯得冠冕堂皇。來到會議室，先叫我寫中英各一段文章。吓，雖然招聘廣告用英文寫住職位是Scriptwriter，但亞視有英文台的嗎？好像只有「魚樂無窮」吧？於是我胸有成竹地寫上：「Fish is swimming, is swimming, is swimming．．．」
　　中文更過譜，叫我寫個笑話。「亞太區有一天會成為亞太區你個街亞視嚟嘅喂」就是最精短的笑話了。但我身處亞視，不敢造次，而且也沒理由改為「亞太區有一天會成為亞太區你個街無線嚟嘅喂」。只好隨便寫個笑話，我對面那個肌肉男坐了半小時也寫不出來，看著他就覺得可憐，早叫你多看點王晶的戲。
　　等了又等，叫我進去面試了，面試官是個中年女人。自我介紹後，中年女人問我：「如果叫你構思一個綜藝節目，你有什麼提議？」
　　說到創意，我可是口沫橫飛。「我有看明珠台的『飛黃騰達』。用這種形式叫一大班人來一起創業，這個主意不錯。」
　　中年女人面色有點難看。她又問我：「那叫你構思飲食節目呢？」
　　我再次口沫橫飛：「最近我天天看『街坊廚神』，小儀和金剛很有趣，而且這種尋找街頭小食的方式太好了。」
　　中年女人面色變得更為難看：「你知道這份工作是做什麼的嗎？」
　　「我知道。除了寫稿給主持和嘉賓，還要負責節目流程、約人採訪、道具安排、拍攝錄影，反正就是什麼都要做，最好一個人完成整個節目。」
　　中年女人露出了一絲笑容，我覺得自己這次面試有機會成功了。她最後問我：「你喜歡我們的哪個藝人和節目？」
　　我脫口而出：「張家輝，『賭俠1999』。」
　　「滾！」

    出到去大埔工業邨見到有架城巴，無奶油唔影


[ 本帖最後由 Alex01 於 2014-7-7 22:24 編輯 ]

司機位頭燈好似有d怪?

多謝樓主分享，但你篇潮文同依區有咩關係？

哈哈哈
樓主 個中年女人真係用「滾！」來叫你走??
亞視真係好HARD SELL自己 問人地「你喜歡我們的哪個藝人和節目？」
答王征囉 同佢跳既舞
一係我寧願答卡通片

原帖由 dennis28a 於 2014-7-7 23:37 發表
多謝樓主分享，但你篇潮文同依區有咩關係？

因為影依張相嘅地方(大埔工業邨停車場)格離就係亞視個電視台
我去完亞視見工後咁啱見到#571

[ 本帖最後由 Alex01 於 2014-7-8 00:25 編輯 ]

原帖由 3AD110 於 2014-7-7 23:51 發表
哈哈哈
樓主 個中年女人真係用「滾！」來叫你走??
亞視真係好HARD SELL自己 問人地「你喜歡我們的哪個藝人和節目？」
答王征囉 同佢跳既舞
一係我寧願答卡通片 ...

唔係HARD SELL
你出去其他公司見工都會咁問你..
我見過仁孚, 佢都問, 你最鍾意平治邊一個系列? (我想答O305 .. 但肯定人事部一定唔識, 而且係仁孚都係答返D 正路...:SLS!)

篇文好熟面口咁嘅?請問篇潮文係唔係樓主你自己寫?
之前睇網絡大典見過有篇差唔多嘅文，仲係先喺高登出現，
唔通樓主正係嗰位高登人?http://evchk.wikia.com/wiki/%E4%BB%86%E4%BD%A0%E5%80%8B%E8%A1%97%EF%BC%8C%E4%BA%9E%E8%A6%96%E5%9A%9F%E5%98%85%E5%96%82%EF%BC%81

[ 本帖最後由 Dennis34 於 2014-7-8 11:59 編輯 ]

巴迷租架車去玩, 仲靚過電視台架接駁

原帖由 lokwah2a 於 2014-7-8 14:18 發表
你邊有去亞視見工啦,  最後講 ( 張家輝，『賭俠1999』) 就知你玩嘢啦

真係睇亞視的話 , 好似我, 每晚 8點半 睇 "開心詞典" 啦, 有驚喜的節目

咪玩啦，潮文呢d野，你唔係信呀嘛？？
就算去亞視見工，係抱咁樣既心態，你都唔夠膽俾個咁冇深度既答案卦………

我就真心想問，亞視既廠車真係16座同一粒鐘一班？
定係都係兩三架56座就搞掂？其餘時間搭的士/巴士啦！
(上次講亞視藝員要上堂既報道，個個artist不論大粒定細粒，都係坐的士，當然最大粒已有私人座駕吧……)