(西區重組延伸討論) 流水問題

案；本文是關於「西港島線重組討論」的延伸
由於在該文中帶出了一個劣根性問題：「流水線做唔好」，但為免騎劫該文，於是作另文討論。 =)


（由於小弟係港島西區長大，所以先就港島既流水線發表一下淺見啦，如果各位師兄想講下關於九龍新界既流水線都可以架，若可用作例子推論改善港九各區既流水線則更好！先謝）


先講城巴西區線，經過小弟長期既觀察同乘搭，粗略估計問題有以下幾點：


1）（唔駛問呀貴都知既）塞車脫班
呢個問題應該要嘗試下預計下一d經常塞車既位置普遍塞幾耐先過到，然後再安排一d 方案（例如係特車或者係剛好跳過塞車位既班次）盡量減低其餘位置乘客既影響。。


2）無錢賺，於是收車
嘩~ 近年轉特快發覺都幾好賺囉喎~ 流水線減咁多車都趕左大部分客走啦。。咁無錢賺就。。（一定係咁啦~ ）所以當務之急係拉番班客番流水線，做番個win-win方案。（當然啦，其實巴士公司唔制就梗架啦，但我個人認為，咁咪每位加番幾毫囉。。總之$4樓下或equal to $4/4.1 都ok啦。。作為乘客理性地諗，其實都理解，邊有可能自1997年以來d成本一d都無貴過，可以keep $3.4 走天涯咁耐架。。一定係有d豬頭骨成份架啦。。）


3）（小弟早前留意到，但似乎較少人提及）東行拖卡引致既塞車（即堅尼地城總站跳飛機開車問題）
住得堅尼地城既朋友應該都知道，堅尼地城總站既出車其實都唔算好有規律。。例如係有時一野就踢幾架車拖卡出總站，咁想唔疏都難啦（仲有，最嚴重既延伸問題係：由堅尼地城一路拖到金鐘，架架車都係度排隊埋一埋站，將整個行車節奏拖慢到，見到都無胃口。。咁梗係又慢又塞啦。。。。）


歡迎討論及賜正~! （不過還望各位豐富經驗既師兄唔好一野插死小弟。。謝謝了~ ）

老城果堆$3.40蝕得好甘下，但無奈地開完5同將來殺埋5仔之後，搞的空間已經唔多，因為1同10都有佢地多客的獨市位同鐵路盲點...

中環內街東行的確系塞車黑點，但可惜海皮一樣塞，變相西營盤去金鐘，無論你坐1/5B/10定37B/905都系一樣...

原帖由 Ravenclaw 於 2014-7-17 13:23 發表
老城果堆$3.40蝕得好甘下

其實唔係好蝕，不過唔多有肉，不過一有MTR，就一定蝕得好甘

[ 本帖最後由 tommy11529 於 2014-7-18 00:38 編輯 ]

其實你講的都係事實，不過原因唔係你講的咁

原帖由 wingho_cwh 於 2014-7-17 11:49 發表

1）（唔駛問呀貴都知既）塞車脫班
呢個問題應該要嘗試下預計下一d經常塞車既位置普遍塞幾耐先過到，然後再安排一d 方案（例如係特車或者係剛好跳過塞車位既班次）盡量減低其餘位置乘客既影響。。

其實一直都知經常塞車既位置和有計普遍塞幾耐先過到，但唔係下下都係正常塞車姐。另外個安排咪係踢車/加時姐

原帖由 wingho_cwh 於 2014-7-17 11:49 發表
2）無錢賺，於是收車

KMB就唔講了，但NWST收車唔係因為無錢賺，同埋拉車都係睇邊條線會(投訴)乘多，就會拉比佢去保住(當然仲有好多原因去令到佢地做咩決定)

原帖由 wingho_cwh 於 2014-7-17 11:49 發表
3）（小弟早前留意到，但似乎較少人提及）東行拖卡引致既塞車（即堅尼地城總站跳飛機開車問題）

西行d車返唔切堅尼地城總站既出車一定亂黎，一野就踢幾架車拖卡出總站。不過你要睇唔係同一條線，如果佢只理自己就可以慢慢出，但對家(5X/10)要車，你唔咁出就只會踢，唔可以拉'梳'；自家的(1/5B)如果拉'梳'，咁係咪可以唔比時間師兄休息?你想之後佢地'玩返你'，你就可以拉'梳'又唔補時間比人。不過因為東行一齊行同一條路，又要係唔同路線冇得飛，所以這問題冇得搞，除非加車-.-

[ 本帖最後由 tommy11529 於 2014-7-18 00:40 編輯 ]

原帖由 tommy11529 於 2014-7-18 00:19 發表


其實唔係好蝕，不過唔多有肉，不過一有MTR，就一定蝕得好甘

如果唔計果堆$0客的話，相信就唔系好蝕ge...

原帖由 tommy11529 於 2014-7-18 00:38 發表
其實你講的都係事實，不過原因唔係你講的咁


其實一直都知經常塞車既位置和有計普遍塞幾耐先過到，但唔係下下都係正常塞車姐。另外個安排咪係踢車/加時姐


KMB就唔講了，但NWST收車唔係因為無錢賺，同埋拉車都係睇邊條線會 ... 西行d車返唔切堅尼地城總站既出車一定亂黎，一野就踢幾架車拖卡出總站。不過你要睇唔係同一條線，如果佢只理自己就可以慢慢出，但對家(5X/10)要車，你唔咁出就只會踢，唔可以拉'梳'；自家的(1/5B)如果拉'梳'，咁係咪可以唔比時間師兄休息?你想之後佢地'玩返你'，你就可以拉'梳'又唔補時間比人。不過因為東行一齊行同一條路，又要係唔同路線冇得飛，所以這問題冇得搞，除非加車-.-

明白師兄諗法，不過係推一堆車出總站既時候，都可以先做少少優化，等d車唔好拖卡拖得咁勁既。。
尤其好多時一踢就踢晒咁多條線既時候，可以做一個比較好既排序。。
以拖四卡為例，站長要安排出總站，一開波先將1號排頭拖10號，然後等下(1至2個) 紅燈再出5B拖5X。
好啦，點解要做d咁雞毛蒜皮既野呢? 原因如下：
留意每組combo 後面果架都有個特性：停西祥街

所以呢個出車方案可以將乘客分流，同埋將d車有效拉鬆：先將要去西營盤，中上環同金鐘既慢線客推上前面既1+10，咁剩下係巴士站等車既就係5X Diehard fans 同埋灣仔+銅鑼灣客，仲有小貓三幾隻係送左1+10 車尾既

然後5B+5X 既5B 就可以執左呢班小貓，再執埋灣仔+銅鑼灣平車客，最後5X 到站坐晒真正需要既快線客。
換言之，東行既「拖卡」車序就大致上係咁： 隊尾(西面) <- 5X | 5B || 10 | 1 -> 隊頭(東面)

好，講完最ideal 既四拖方案，咁如果少過四架，咁點算?
咁就要勞煩站長check 下1/5B/5X/10 各自係幾多分鐘前開左車，然後按情況開車啦，不過點都好，如果出車多於一架，而同時牽涉1/5B + 5X/10呢兩架要埋西祥街既車呢，就盡量安排5X/10 排後。

為盡量使方案有效，要先作少少既巴士站重組：
現時爹核士街站：M47+43X|1+10|5+5B|5P+18X|5X|廢柱 -> 東面  改為：M47 | 廢柱 | 5X+43X+5P | 10+18X | 1+5+5B ->東面

卑路乍灣公園：1+10 | 5+5B+5X+M47+43X -> 東面
改為：5X+10+43X | 1+5+5B+M47 -> 東面 （將5X 條隊倒轉排，龍尾向東，加番個排隊欄杆/畫線）

嘉安街：18+18P+18X+A12+43X+5X(5X 反轉排，龍尾向東) 將站牌稍為向前移幾米，與前站(1+5+5B+10+M47) 距離唔留足12米，長遠而言亦需警方配合，加強清理站後既違泊

所有城巴本土線取消皇后大道西一站（對流水線而言使用率偏低，及避免與西隧線904/971 同站）

好處：呢種做法可以確保全車隊(except 5X) 到上環前唔會拖得咁密，亦可以有效盡用所有車既capacity 分批入站上客。

[ 本帖最後由 wingho_cwh 於 2014-7-18 12:19 編輯 ]

宜家通車後西區會少左 1(減班),5, 5s, 18, 43x, M47(縮短變43M), 104, 113...其實都差唔多

除堅城外，其他西區電車路位其實唔太近MTR月台，年長客應該唔會點流失。

原帖由 wingho_cwh 於 2014-7-18 12:15 發表

明白師兄諗法，不過係推一堆車出總站既時候，都可以先做少少優化，等d車唔好拖卡拖得咁勁既。。
尤其好多時一踢就踢晒咁多條線既時候，可以做一個比較好既排序。。
以拖四卡為例，站長要安排出總站，一開波先將1號排頭拖10號，然 ...

你講o既係最ideal o既情況，整部輪椅拖一拖、食左枝燈又夾唔到、多幾部死車上落貨又塞一塞拉開左，甚至連司機駕駛方式都可以好有影響

朝早繁時情況更甚，同一段時間o係唔同日子可以有好大分別，小弟每日坐開o既43X，同一個司機，可以因為其中一日俾部M47 o係卑路乍灣公園頂左一頂，結果令18P 早過我部車出西祥街，又頂住，再連帶落去嘉安街A12, 18P, 18X 一齊頂著，再o係水街倒塞轉唔到出去，最後同平日相差左15分鐘先出到水街

但整體黎講，由於早繁又打量分支，例如卑路乍灣公園有5X特車，石塘咀有5C，正街有5S，基本上東行早上就算正線班次唔太密或者有一班半班車死左都影響不大
但最大問題係非繁西區客量冇咁o既本錢去做咁多分支...

原帖由 VA54-HN8897 於 2014-7-18 13:26 發表

你講o既係最ideal o既情況，整部輪椅拖一拖、食左枝燈又夾唔到、多幾部死車上落貨又塞一塞拉開左，甚至連司機駕駛方式都可以好有影響

朝早繁時情況更甚，同一段時間o係唔同日子可以有好大分別，小弟每日坐開o既43X，同一個司 ...

其實小弟都知呢個只係ideal case。。
樓上漏左講，呢個主要係非繁忙時間既做法，等d車均勻少少姐。。繁忙時間成條路都係車，小弟都知係混亂架啦。。。早繁就。。最好派稽查大哥們幫下手啦。。（例如係嘉安街兩個，正街一個）安排紅隧口式極速上客。。
其實都係盡量改善姐。。因為事實上，上輪椅既次數都唔算多。。而死車多數都集中係石塘咀西營盤窄路一帶。。先執掂堅尼地城開跑位置排定晒d車就會好辦一d。。整埋d站位就係想確保就算塞左紅燈都排到陣嘛。。
呢一個陣式係想等d司傅係非繁忙時段減少拖卡既機會，藉此改善碌車問題。。盡量等佢地無藉口碌。。（如果配合埋車cam 就perfect 啦）

[ 本帖最後由 wingho_cwh 於 2014-7-18 14:07 編輯 ]

真心，你話流水線冇得做，
我覺得係冇可能

一如5同5B，
平日日間最好客根本就係上環至銅鑼灣一段，
只不過可替代品多，
大家覺得佢好似可有可無咁

你話港島線西延之後5同5B會少左客，
只係少左三個新站原本要轉鐵既客，
呢班客一向集中繁忙時間，
亦係5同5B呢類流水線最少車行既時間，
通車只會令到少左班荒失失奇兵上101,104,113，
而5同5B唔會明顯少左客

我同意要檢討5號既存在必要，
但唔係因為流水線做唔住，
而係有類近功能既巴士未發揮盡本身既作用