死火問題

今日同一位朋友談及棍波死火，大家都認同踏下腳掣及拉手掣。停定後再撻着番部車，不過我朋友認為一定要踏下離合器，即使波檔在空波位置。(我朋友在夢夢駕駛學院所學的)不過小弟認為波檔在空波位置，不需踏下離合器再撻着番部車。

究竟邊個啱?

原帖由 DC5 於 2006-4-12 21:43 發表
今日同一位朋友談及棍波死火，大家都認同踏下腳掣及拉手掣。停定後再撻番部車，不過我朋友認為一定要踏下離合器，即使波檔在空波位置。(我朋友在夢夢駕駛學院所學的)不過小弟認為波檔在空波位置，不需踏下 ...

我果陣有問師傅,佢話最好就踩,但唔踩都ok

習慣o來既姐呢d野

唔踩都得o架﹗一樣著到車﹗

其實踏唔踏極力子，分別係邊呢?

如果肯定自己死左火時唔會手忙腳亂，唔記得入空波，咁就唔駛踏極力子啦．之不過，保險d就踏下極力子，咁就萬無一失，唔駛驚真係唔記得入空波時，一撻部車就可能標前．

同埋呢，如果動作要一氣呵成，照計臨死火前應該會有意識想踏落離合器，不過可能只係踏唔切所以死左火．咁就不如一野拉手掣先，跟手再踏實離合器再入空波，之後離合器一直唔放，到著左車就入波比油找磨合點然後鬆手制，再行得．

如果平路死火的話，我會踩住極力子入一波再撻車然後比油找磨合點鬆人

斜路的話就會即刻拉手制，然後踩住極力子入一波再撻車然後比油找磨合點鬆手制走人

唔係唔踩 clutch 撻唔到車架咩?

都已經空波咯, 唔駛再踩啦
等著番車先再踩極力子轉波行啦~

原帖由 poonkh 於 2006-4-13 02:27 發表
唔係唔踩 clutch 撻唔到車架咩?

當然唔係啦﹗普通手波車就算入一波都可以著車，但係一著架車向前標一下之後會死火之嘛﹗
正常入o左空波就已經可以普車，唔使再踩極力子o架喇~

唔好講死火，好多人準備開車時撻車都唔會踏住極力子撻啦(當然確定部車係空波先)！
部車咪一樣撻得著。

原帖由 poonkh 於 2006-4-13 02:27 發表
唔係唔踩 clutch 撻唔到車架咩?

其實以安全計, 無論係平日開車前著車, 定係死火再著車,
最好都係拉手制, 踏腳制, 踏極力子, 再撻車, 咁就萬無一失.
呢個係防止所謂「痴波」既, 理論上當然入左空波就應該係空波架啦,
但實際上好多野係唔講得理論而只談Practical, 安全Ｄ唔好咩?
多年前成部新巴Dart真係成支鏢槍咁插入灣仔碼頭, 呢Ｄ咪就係意外囉.