九巴88X開辦消息

對於88X係咪應該行埋油塘，個人認為大家唔使太心急
始終88X係開俾藍田補償277X縮短
而藍田要求定線要直接(如果唔係大家今日見到條線會係過山serve埋秀茂坪同四順)

如果88X條數好唔掂大家先出聲都未遲

好多板友話有單張，終於俾我等到網上版……

http://www.kmb.hk/chi/pdf/route_88X_leaflet.pdf

原來只有277E/P/X可以補差額轉乘88X，其他？同大老山隧道轉乘計劃一樣，只有$4.2。
咁就更加唔會有轉乘客lu……

九巴咁好笑既？
運輸署既RDP唔係話會實行補差價咩？定係要搞哂所有大老山隧道線先落實？………

[ 本帖最後由 lsc04d11 於 2014-7-29 20:57 編輯 ]

原帖由 zheng_nian_1993 於 2014-7-29 11:29 發表

我見張生對88X前景非常樂觀
我唔係想要撥你冷水
但真係建議你到條線做得起之時先出黎邀功啦雖然277X淨到粉南，但成個東九都Cover哂
你條88X東九只玩到藍田，觀塘九灣就又玩時段又玩有限度停站
咩沙市"戰略意義"都全部抵消啦（唔好唔記得講得哩個"戰略意義"黎我倒不如坐返密密車89/89X......）
講戰略意義的話我真係覺得拉條線入碧雲道油塘麗港城做大成個餅然後雙向觀繞特快會大得多囉......
我橫睇掂睇倒轉睇都唔覺得你地設計條88X會做得起
做得到14X差唔多既客量我覺得你地已經有賺

如果觀塘九龍灣行足咁多個站，咁同 89 有咩分別？
佢目的就係要快，定富街無必要停，而事實上只係停少個定富街同德福花園，可以少幾多客呢？頂盡係德福果幾個。
（根本應該停德福唔好停牛下，但只係因為無左定富街所以照停）

88X 成個藍田山係獨市去新界（只係應該爭取去埋油塘），14X 又點同呢？14X 只係得佐敦尖沙咀，仲要有紅小同 14 爭客。
而且 14X 家陣客量唔係咁慘，只係唔應該咁浪費，應該將 219X 同 14X 合併姐。

[ 本帖最後由 dennis28a 於 2014-7-29 21:36 編輯 ]

原帖由 dennis28a 於 2014-7-29 21:30 發表


如果觀塘九龍灣行足咁多個站，咁同 89 有咩分別？
佢目的就係要快，定富街無必要停，而事實上只係停少個定富街同德福花園，可以少幾多客呢？頂盡係德福果幾個。
（根本應該停德福唔好停牛下，但只係因為無左定富街所以照停）

88X 成 ...

其實, 再進取D 既話, 索性跟E22A 咁行, 西行入觀塘道隧道.

原帖由 dennis28a 於 2014-7-29 21:30 發表


如果觀塘九龍灣行足咁多個站，咁同 89 有咩分別？

個問題係你而家唔係搵到條特快路行然後飛左九龍灣
如果你係前者就當然唔係問題大條道理話特快停少D站啦
但你而家唔係嘛... 你行條路就一樣係條觀塘道

但就揀黎停站

試想想我係生客響德福啱啱好見到你有架打住88X沙田站既車黎緊

見哩條唔知咩既新線應該都啱路打算照上啦

嘩點之一遞手個司機理都無理我一野飛左去既......

算啦都唔知道咩東東線費事查啦等返89X啦......

咁樣都還算好呀，如果個客有心機篤下機Check Apps就仲衰

嘩咩哩條線咁古怪觀塘道淨係停幾個站架咋

又要我記住唔知道哩個站架車會唔會停，而且仲要又貴又疏......

Marketing入門都教架啦

開個新Market，你個Product最重要係容易深入民心

而公交行業你要發圍，好簡單一句講哂就係你要夠便民

而家條88X莫講話"便"

對客人理解上黎講諸多唔同安排就直頭係煩啦

嘩鬼咩你九巴咩兵家大忌都犯哂

站位離奇地選擇性飛站（又唔係快得幾多）

係人都慣左行觀塘道批線無一例外停沿線既站架啦

你偏偏一條線標奇立異鐘意停下鐘意飛下

走線又分兩條，班次又疏

結果就係一個普通街客就算有心搭你條線都要自己花時間心機做足功課

首先要Check咩時段條路點行我個方向究竟快唔快呢?

第二又要Check個站究竟有無88X，我響定富街個站究竟架車停唔停呢?

第三仲要Check埋架車幾點開啵，條線咁疏係咪?

嘩你九巴就真有誠意囉，人地做客想搭下你車都咁多功課要做

響哩個咩都講速度速食既年代

你條咁既88X真係除左巴士迷同藍田山固定時間返放工人士外根本唔會有人有興趣神心等囉

我第一眼見到條咁既定線停站設計既88X

真係心唸成間九巴係咪連一個有基本Marketing Sense既人都無

[ 本帖最後由 zheng_nian_1993 於 2014-7-29 22:54 編輯 ]

原帖由 pch_yeung 於 29/7/2014 15:09 發表


有無版友可以提供下繁(約18:00~19:00)行車時間(連上落客)作參考呢?
1. 九龍灣>大隧轉車站: 89D/74X特車(用麗晶入口上大隧)
2. 大隧轉車站>沙火: 798
個人估計: 各10分鐘

2. 798大約13分鐘

既然喺平田會有定時點
狗巴點解唔訂番平田既預定開出時間呢？

原帖由 lsc04d11 於 2014-7-29 20:55 發表
好多板友話有單張，終於俾我等到網上版……

http://www.kmb.hk/chi/pdf/route_88X_leaflet.pdf

原來只有277E/P/X可以補差額轉乘88X，其他？同大老山隧道轉乘計劃一樣，只有$4.2。
咁就更加唔會有轉乘客lu……

九巴咁好笑既？
運輸署既RDP唔係話會實行補差價咩？定係要搞哂所有大老山隧道線先落實？………

最新的2014-2015RDP並無提及88X與所有大老山隧道提供補差價轉乘。
而277E/P/X的補差額轉乘，其實是「北區區域性巴士路線重組」因取消70X而提供的補償轉乘，
讓北區居民免費轉乘往新蒲崗、黃大仙、樂富等原有70X的服務地區。

原帖由 zheng_nian_1993 於 2014-7-29 22:45 發表

個問題係你而家唔係搵到條特快路行然後飛左九龍灣
如果你係前者就當然唔係問題大條道理話特快停少D站啦
但你而家唔係嘛... 你行條路就一樣係條觀塘道
但就揀黎停站

依個問題好多條馬路（包括你話無既觀塘道，係有巴士唔停德福）經常出現選擇性停站，
唔需要講到 88X 好特別，對面東行成堆車都經定富街個站，究竟有幾多條會停足？
天馬苑既人仲慘，成堆巴士高速飛過都唔停。

停少定富街同德福兩個站足以快 5-10 分鐘，你話吸唔吸引？
更多況，為左定富街果幾個客，仲要比前面部 1A 或 26XC 定 42C 頂死，隨時一個客都無，點解唔比藍田客直接飛去沙田？
咁樣頂巴士埋站，你定線幾快都無用，成條觀塘區巴士線就唔需要選擇性唔停觀塘站／觀塘工業中心啦，
你估由觀塘站行去法院或者創紀之城近既？

我認為停德福飛牛下個原因正係咁，邊度多人叫晒佢地行去等車，
真正既 Marketing 係講明唔需要站站停節省時間，變相有用，
而唔係將部 88X 同 1A 鬥快，日日都係度浪費時間。

只係當年區議員既反對，大把區外線否則就唔需要停足牛下、德福、九龍灣站，但三個站又近又重疊。
家陣只係得幾條大線到可以飛去德福依個站，可惜。

[ 本帖最後由 dennis28a 於 2014-7-30 01:06 編輯 ]

見到呢度大部分都睇淡88X既客量，咁我又無咁悲觀嘅
我覺得呢條線開線三個月後應該可以兩繁雙向坐滿，
非繁就廿個到啦，始終班次太疏，好難有人專登等，
繁忙時間係好多線都頂閘嘅時侯，88X就可以幫下手清客，而且效果可能比各位相像中好，加埋藍田至沙市獨市直車客，可能會比意外驚喜大家～