美食博覽, 巴士總是不加班!

原帖由 ksmbh 於 2014-8-16 16:03 發表
601 619系咪路線太長唔賺呢非繁服務差都已經好多年
難得班捧場客繼續肯等

一個字: 窮, 兩個字: 方便.

如果港鐵過海唔係變左將綫, 最少要轉兩次車; 巴士一程過, 十蚊有找搭到上山,
港鐵.小巴不斷加價, 班客駛鬼迫巴士.

東隧線仲有樣衰, 一部三軸車過東隧收$100, 一部車頂得紅隧四部車, 巴士公司肯
投放資源過東隧線, 都係d長途特快貴價線如307 603 681, 其他線爆十年都話知你,
因為開多一部俾你, 路費等於開多四部紅隧車, 但紅隧線私牌行東隧如101 106 116
佢又肯喎, 真係吹漲!

不過話尋日東隧.中上環塞車, 有邊個工作日唔係呢, 尋晚所見, 我仍然等到平時班
40xx行601, 619仍然係城巴, 所以我估計當時已經回復正常, 只係站上班客儲落
谷左去十點幾十一點度.

原帖由 drbean7218 於 2014-8-16 16:41 發表
尋晚1800-2000不知發生咩事, 中上環及東隧好塞車。

我在20:45到馬鞍山市中心仲見到2部九記680X 前後腳到 (KC 6793及一部AVBWU), 681 仲有城記車返緊總站。20:50 返到利安時仲見到18:20 班680x 的車返去站頭做680。
...

尋晚真係我好彩, 平時等車會等到一班新巴680, 通常周五晚怡和街已經企人,
尋晚就係唔見680, 而平時見到搭680果班客仍然響站上, 都唔知佢地點算!

唔講尋晚, 講美食博覽開幕日(星期四), 平時夜晚十點七經過維園班307係冇人企,
但前晚見係頂閘, 已經覺得有古怪.

p.s. 我係尋晚迫巴士時先知道有美食博覽

原帖由 3AV53 於 2014-8-16 16:47 發表
琴日情況唔算差喇
聽日先係戲肉。

聽日睬佢有味, 保鐵見!
(封到咁根本就唔想有人搭巴士)

原帖由 EX-TL 於 2014-8-16 18:34 發表

尋晚真係我好彩, 平時等車會等到一班新巴680, 通常周五晚怡和街已經企人,
尋晚就係唔見680, 而平時見到搭680果班客仍然響站上, 都唔知佢地點算!

唔講尋晚, 講美食博覽開幕日(星期四), 平時夜晚十點七經過維園班307 ...

昨晚1130在維園上680返馬鞍山 (KN142)，仲有位坐，一切正常喎

原帖由 av335 於 2014-8-16 18:41 發表

昨晚1130在維園上680返馬鞍山 (KN142)，仲有位坐，一切正常喎

美食博覽10點完,11點半班客都走晒啦,正常有咩奇?

我真不明白為什麼早段明知是特慢線都要照搭，令到路線真正主要服務的乘客無法上車。（以601、619為例，基本上未到天后都不應該搭，最好當然是港運城才上車啦，中環金鐘的乘客如果駁多一程地鐵，甚至全程地鐵，隨時去到目的地時，直上隧巴可能還在怡和街！）

原帖由 EX-TL 於 2014-8-16 18:23 發表

一個字: 窮, 兩個字: 方便.

如果港鐵過海唔係變左將綫, 最少要轉兩次車; 巴士一程過, 十蚊有找搭到上山,
港鐵.小巴不斷加價, 班客駛鬼迫巴士.

東隧線仲有樣衰, 一部三軸車過東隧收$100, 一部車頂得紅隧四部車, 巴 ...

繁忙時間紅隧線私牌唔行東隧佢點回得切車

原帖由 miklcct 於 2014-8-16 19:21 發表
我真不明白為什麼早段明知是特慢線都要照搭，令到路線真正主要服務的乘客無法上車。（以601、619為例，基本上未到天后都不應該搭，最好當然是港運城才上車啦，中環金鐘的乘客如果駁多一程地鐵，甚至全程地鐵，隨時去到目的地時，直上 ...

地鐵轉車上山多少錢，巴士又多少錢？

巴士在中環灣仔保證有位，是一個很強力的上車理由。

呢d情況係咪開104R清客實際少少

起碼去到紅磡站，接近邊度都去到

最重要係架巴士做幾個站就收工，幾部車就可以密密載

當然沙頭角、西貢呢d地方就要轉多程車啦

原帖由 ccicoltd 於 2014-8-16 19:55 發表

地鐵轉車上山多少錢，巴士又多少錢？

巴士在中環灣仔保證有位，是一個很強力的上車理由。

記得港鐵年年加價之前, 2007年北角.炮台山往牛頭角.觀塘.藍田八達通係收$7.7, 今年已經加到$9.0,
同隧巴分段收費$9.3只差三毫子, 天后.銅鑼灣.灣仔亦都由到$9.5加到今年$11.1, 拋離$9.8有13%之多,
都未計駁多程車上山.

今年港鐵加價前, 我會習慣返工有多時間剩會搭港鐵到炮台山行返去天后, 收工間中都會行去炮台山搭鐵,
自從加價之後, 已經再冇理由要我咁行法, 冬天當係暖身可以一試.