來往四順交通改善建議

原來23M係$4.9唔係$4.7, 食米唔知價,
Anyway, 總之我意思係改完長咗都應該唔駛加價
You know what I meant

原帖由 leeallen 於 2014-9-20 02:46 發表 http://www.hkitalk.net/HKiTalk2/images/common/back.gif

14B上樂華並唔反對，不過23M現時亦係同一原因(牛頭角站上樂華變真空, 其實係有->see
619, 不過單向(除$2客外，其他當單向啦)，同貴左, 不過有幾多客有眼見), 要行呢段燒油，
所以至不斷有板友要求23M落山，九巴都未必想14B重蹈覆轍，所以要睇九巴肯唔肯去博樂
華去油塘果面會夠客.

其他板友一路講緊係 23M 落山同時拉 14B 上山…

而家 23M 樂華少客，樂華至觀塘一段客流唔多並唔係唯一原因，亦因為樂華唔會搭條兜路 23M 上四順，
但係如果換一藍田或者油塘線，係會有人搭足全程去藍田或油塘的。

拉走人地條總站線就點都要補償架啦，唔好睇野咁四順-centric…

原帖由 leeallen 於 2014-9-20 02:46 發表 http://www.hkitalk.net/HKiTalk2/images/common/back.gif
23M九龍灣走線可以再改，不過我唔想兜來兜去至用比較直接行法，因為九龍灣至觀塘唔係
主要目標，現時15A都唔係同28B行法一樣，同我想跟部分15A行法因為：一來要打48, 如果
跟28B走法對四順冇乜吸引亦冇意義，二來花園大廈同工業區我諗尐客想要後者多尐，起碼
兩邊主客(返放工)都有一個方向可以行少尐，如果行啟禮道去宏照道，要啟德客陪兜，我覺
得唔值得

少少詳細尐分析重疊部分

協和街/市中心去九龍灣，住宅去工商區，多數都係返工客，落車不同站唔係重點，上車至係，23M改路
後可以多條水，亦可以吸引一班嫌28B太疏既人轉投返巴士，亦比地鐵行少好多，冇壞

宏照道/常悅道去市中心，多數放工客
上繁新23M主要都係載啟德客去九龍灣觀塘返工返學，去市中心客唔會多，唔係目標客，不同站
都冇乜問題
下繁，放工客，客量比上繁冇咁集中，多數人亦比返工時冇咁趕，要做埋宏照道同常悅道呢班
客就要犧牲上繁目標客(啟德至觀塘)時間陪兜，所以佢地可以繼續15A,28B, 而且宏照道距港
鐵同觀塘道亦不遠，九展客亦有其他選擇無須去到呢個位上車

宏照道同常悅道去協和街聯合，工商區去住宅
如果講23M/28B不同站效益不佳，我想到只有呢班客，不過針冇兩頭利，權衡輕重，啟德至觀塘客同呢
班客比，前者較重要，而且另一方面睇，九展行去宏光道比宏照道同常悅道都近，23M行宏光道唔係完全
壞處，再睇多尐，佢地賺左返工多咗選擇，仲未講有車去宏天果邊

MegaBox附近去市中心，放工客同shopping客
跟28B呢個位新23M就冇站，食唔到megabox去四順客，亦係九龍灣兩個可以可以打到48既地方(另一個係宏天)，
要行去常悅道不如48，呢個位下繁都集中有唔少客等車，去市中心係其中之一, 14X,15A,101X, 215X, 而且比shuttle
轉港鐵快, 又多一條平線選擇

MegaBox附近去協和街聯合，工商區去住宅，放工客同shopping客
原本坐28B就要行，依家多咗23M又近尐，唔好咩？

問題係九龍灣值唔值得開多條線入去做…

而家 28B 15/20 分一班，九龍灣往返觀塘客流全日唔差，但係行單層，
如果用一條用雙層的 23M 做晒，食埋啟德客源，應該係岩岩好。

有個原則叫做：善。用。資。源。

協和街沿途得一條 28B 深入九龍灣，唔想行的人都會搭，多一條 23M 唔會令吸引力增加幾多。
裕民坊打後仲有 606/641 等線，牛頭角站仲有 106 小巴，更加係多一條 23M 入九龍灣，少一條唔少。

至於九龍灣去觀塘，28B 個站位其實好靚，megabox 行過去亦唔遠，咪同啟福道個站差唔多，
但至少唔駛俾人買大細決定邊邊等車，亦真係有唔少人 28B 15A 叫兩飛。
我唔覺得啟福道個站近過常悅道幾多，至少感覺上唔見得。最多咪叫條線常怡道加個站。

我覺得無理由為左整條咁既新 23M 而將 28B 置諸不理，唔理之後製造幾多重疊（但最弊係 23M 28B 重疊得來又唔同路）出來浪費資源，
應該係從整體規劃去睇先係，唔係一條一條線睇、達到目的就算，觀塘唔係得四順一個區有問題要處理。

而你話啟德唔行宏光道就兜路，但係唔見得好兜，至少唔係好似 23M 樂華兜觀塘去四順，
因此啟德去觀塘都係會照搭。
資源有限的情況下，區內流水線應該以可達性同減少重疊為首目標。
九龍灣係多客，但唔見得要搵兩條重疊而唔同路的線去做。
如果需求再增加，寧願九龍灣往返觀塘果條線加左班先。

另外，23M 要入九龍灣同啟德就要加至少一部車先夠跑，車從何來？

如果係我，28B 都會分屍，啟業拉去啟德，但未必會駁上四順，
而且如果 23M 唔落九龍灣，同另外果半截 28B 重組做四順三彩雙循環的話，可以吞埋條 26M 慳車，
四順可以再砌多條線經巿中心去油塘，慳到幾部車帶來的效益係幾高。
總之，23M/28B 齊齊協和街入九龍灣，但係行唔同路，一條啟業一條啟德，效益係絕對唔理想。