我都搭左幾日西隧版680X,來回程都有,先講朝早。
由馬鞍山去青沙有以下幾條路:
1. 經馬料水、吐露港公路入大埔公路
呢條線朝早塞到暈,唔駛諗。
2. 官方路線,經沙瀝公路、沙田圍路、沙田鄉事會路入大埔公路
呢條線而家d車朝朝係沙瀝公路沙田圍路出口已經排緊隊,淨係落橋都有排塞, 所以除左改道第一日我搭架九巴咁行之外,其餘日子都未咁行過。
3. 部份版友建議路線,經沙瀝公路、沙田圍路、大涌橋路、獅子山隧道公路入大埔公路
呢條路線我以前駕車都會咁行,但而家除左沙瀝公路落橋會塞之外, 連大涌橋道右轉獅子山隧道公路都越黎越塞,連城巴88R特車都選擇直去車公廟路, 所以一定唔建議咁行。
4. "官方"路線,經沙瀝公路、沙田路、獅子山隧道公路、紅梅谷路、車公廟路入沙田嶺隧道
呢條路線現時最多680X車長行的路線,亦係我駕車最鍾意行的路線,雖然沙田路博康出面會開始塞, 但唔會行得好慢,而且唔會停好耐紅綠燈,因此成為朝早最快由馬鞍山去青沙的路線。
回程方面,主要係有以下路線:
1. 官方路線,經大埔公路、沙田鄉事會路、沙田圍路入沙瀝公路
呢條路線係最慢,出大埔公路已經未必一支燈可以過到,
仲要係沙田鄉事會路同沙田圍路係咁停燈,無乜司機會咁行。
2. "官方"路線1,係顯田去車公廟路、紅梅谷路、獅子山隧道公路、沙田路、沙瀝公路入馬鞍山
呢條路線雖然要停燈,但紅梅谷路少車,加上停燈時間唔長,因而較快。
3. "官方"路線2,經大埔公路、吐露港公路、馬料水調頭返馬鞍山
呢條路線的好處係唔駛停燈,但係而家放工大埔公路新城市對出成日慢車,感覺比路線2慢。
平均由馬鞍山市中心去港澳碼頭,通常40分鐘可到。 回程由皇后街至海栢,更可以25-30分鐘就到。
去上環計一定比東隧版680X快得多,今年開學之後,我係馬鞍山市中心上車,起碼要1小時先至到上環。
[ 本帖最後由 bus37 於 2014-10-12 21:24 編輯 ] |