佔領行動交通報告

經過接近大半個月佔領行動，我相信唔少版友都認為D路唔算太塞。呢個係我行獅隧ge感覺。

首先窩打老道中電至廣華塞咗，佔領行動責無旁貸，好多巴士同其他車都轉行窩打老道，窩打老道原本已經塞啦！宜家仲雪上加霜！我認為呢度責任走唔到。

其次，獅隧九龍入口反而順咗，下繁六半/七點期間，獅隧往新界竟然無車龍，巴士行得好快，經過龍翔道，東西向只能話車多繁忙，但並唔係擠塞。

好啦！近呢兩日，早繁獅隧開始多返車，窩打老道依然好多車，睇返路面，其實係私家車多咗！佔領行動開始嗰幾日，根本係少咗私家車，結果巴士車程只係比平時慢咗5-10分鐘。宜家私家車出返晒黎，可能某些樽頸路段可能會更塞。

所以香港塞車根本唔係巴士過多，而係私家車太多，政府就捨難易，控制巴士數量，而無視私家車、旅遊巴數量增加對路面之負荷，既不治標、亦不治本。一架巴士ge容量點都多過三部七人車ge客量掛！而講返佔領行動，責任則只限於塞樽頸，但更大責任在於私家車s！

對唔住，我又發牢騷啦！

原帖由 matchnacu 於 2014-10-15 13:59 發表
......所以香港塞車根本唔係巴士過多，而係私家車太多，政府就捨難易，控制巴士數量，而無視私家車、旅遊巴數量增加對路面之負荷，既不治標、亦不治本。一架巴士ge容量點都多過三部七人車ge客量掛！而講返佔領行動，責任則只限於塞樽頸，但更大責任在於私家車s！

更重要的是，那些私人交通工具的司機往往對於點到點的要求很高，唔俾用某些道路往往會令他們極度不滿，但俾他們使用又往往有唔少用到阻街，令警方疲於奔命。

至於塞樽頸問題，就要全賴政府對於某些路口設計不當。

原帖由 paul2357paul 於 2014-10-16 07:57 發表


更重要的是，那些私人交通工具的司機往往對於點到點的要求很高，唔俾用某些道路往往會令他們極度不滿，但俾他們使用又往往有唔少用到阻街，令警方疲於奔命。

至於塞樽頸問題，就要全賴政府對於某些路口設計不當。 ...

唔止設計不當，仲有既係唔識因時間發展。將軍澳南隧道，到今日都未動工，日日塞入隧道都想鬧人。九龍城迴旋處，都唔知邊個天才設計，三條大幹線塞落一度。三隧又係，分配極不均衡，走去貼兩隧不如推高私家車同客貨車價位上西隧，順便推動市民使用公共運輸工具仲未計天才設計既加士居道，走去整一線行車，日日塞。仲有條青沙公路配既沙田段，真係聰明到

[ 本帖最後由 GK3258 於 2014-10-16 11:04 編輯 ]

原帖由 GK3258 於 2014-10-16 10:57 發表
唔止設計不當，仲有既係唔識因時間發展。將軍澳南隧道，到今日都未動工，日日塞入隧道都想鬧人。九龍城迴旋處，都唔知邊個天才設計，三條大幹線塞落一度。三隧又係，分配極不均衡，走去貼兩隧不如推高私家車同客貨車價位上西隧，順便 ...

清沙同大埔公路上城隧嗰段只得嗰一條行車線，當然塞爆！
仲有大老山又係！條巴士專線正常地靠左，結果好多巴士要插兩三條線去左邊，落小瀝源，再兜返上大老山，但過程中，部份要上沙瀝去獅子山ge車又jam住咗！個設計真係不合時宜