疑似羅蘭姐的買菜路線

今日傍晚時份, 疑似巧遇香港著名藝人羅蘭乘搭以下路線回家做菜.


話說小弟從奧運站登上往藍田之九巴16號線返家, 當車駛至九龍醫院巴士站,
從上層外望見數名乘客下車, 其中一名滿頭白髮的老年人回頭向車內乘客道別,
心裡頓時充滿問號, 為何眼前那一位老年人會如此面熟, 就連街上的學生們
都知道, 她就是香港「姐」級影星, 羅蘭!!

站上的街坊和學生們都用好奇的眼神緊盯著她, 有的竊竊私語, 實在很難相信
一位年近八十仍然活躍於演藝事業的藝人, 會獨個兒外出買菜, 還要是以巴士
代步. 以下是今日所乘的巴士AP20 (JE284).


九巴可會考慮找羅蘭姐做代言人?

自high完畢, 多謝收看

羅蘭姐真係住九龍醫院對面的，
其實好多藝人都搭巴士出入。

舊年呢個時候有一排係九龍醫院果頭做野
都撞過兩三次羅蘭姐

不過反而最有印象既係大概3-4年前左右
有晚六點幾我係九龍維景對面等271
等果陣見到羅蘭姐

之後有部企滿8成既271龍躉埋站
原來佢都係坐271
咁呢個站就得我同佢上車
上到車,羅蘭姐行入去近中門位置
但成車人完全冇意識讓座
係過左廣華先有乘客讓座
亦係果刻先有其他人認到佢.....

不得不提羅蘭姐!!!話說無羅蘭姐就唔會有我契爺!!(兩至三屆傑出車長,白眉陳師傅,駐線27,已於今年6月畢業)
當時大概3月頭,有晚兼職放工特登起太子站等我契爺部車,我就企隊頭過少少,打算等人龍散左先上車,點知見到人龍有個熟悉既面孔同髮型,原來係羅蘭姐
事關我企司機位隔離,又見契爺同佢吹左陣,先至知道原來契爺同羅蘭姐好熟!!
羅蘭姐起九龍醫院落,契爺發揮佢傑出車長既實力,起站前燈位比羅蘭姐落方便佢過馬路回家,並且同佢講"我6月退休啦","小心D,慢慢行"
羅蘭姐落車之後,契爺同我講原來年輕時期既羅蘭姐介紹過佢去邵氏度做臨記演員,之後羅蘭姐介紹佢入九記做,一做就做左接近35年!!

多得羅蘭姐,先至造就出一個傑出車長,我契爺.