點解九巴雞車同珍寶, 用唔夠17年就退?

珍寶死得快, 其實仲有因為上斜路動力不足以及裂大陣的問題
當然, 九巴仲因為冇裝風油軑(佢以為長牛OK, 估不到珍寶的頭軸負載比長牛重得多, 長牛因屬半駕駛艙設計, 頭軸上不會有乘客站立, 故此頭軸負載只有司機本身, 引擎及上層頭一行的四位乘客, 但珍寶就不同了, 珍寶的頭軸在前門後, 而頭軸上面可動輒企上20-30位, 甚至更多乘客, 再加上車長及上層頭五行共25位乘客, 頭軸負載有幾重可想而知)

不過, 中巴都有早死的珍寶, LF1-30如果冇換車身, 應該都在1991年前全部消失, 當然冇九巴在1980年已有車退役咁誇張

好像冇人提過1980年中記Lv11行4險些跌落
市政局苗圃意外。。

回一回之前問LF1-30(應該數漏0左SF1呢架樣板)0既巴打:
...所以之前小弟唔出聲回應無重裝車身0既珍寶
晌1993年之前就退役0既事情,就係留地方繼續討論
(而小弟都覺得,係時間補返呢一個答案):

同九巴0既邏輯一樣:呢批早期珍寶0既功用
已經俾40架MB(大白鯊)同其他珍寶兄弟取代。
除0左「燒寶寶」因為車身燒0左而可以「重生」之外
其他0既MS寶已經捱得「七七八八」...
加埋港島線1985年通車之後,中巴北岸板圖已經萎縮
搵過期巴士「出氣」亦不為過(更何妨呢批巴士
同LX326呢位「暴走伯伯」同一個年期(1972-73)報到?!用埋同一款頭軸?!
SF2(1977年出廠)[取證時拆走頭軸]都唔整的話,更何妨呢堆「無得救」?!)
(小弟相信批「燒寶實」重建之時,應該有換過頭軸,
而且驗車時通過運吉0既標準,先重返服務車隊繼續跑。)

仲有,自從百利堡收購中巴失敗之後,
中巴可以話「頹做」專利服務:而1984年0既車禍前後
工程部0既師傅0既技術水準,亦去唔返70年代
「單層亞拉伯,可以變成雙層亞拉伯」0既超高水準...
(已經係Tune賽車0既技術...)
所以小弟之前講0左「高0左幾皮」(只係開始0既地方高而已):
實際上水準已經走緊落斜路...
(九巴0既同一部門亦都開始追上...
所以先見唔到兩間公司對巴士維修0既水平有幾大分別)

小弟無意搞什麼迷信崇拜。
如果真係要搞迷信崇拜的話,各位就唔應該見到1984大車禍(嚴格而言:過失殺人)0既事情
(對中巴而言,呢件事比百利堡出銀彈「敵意收購」更具破壞力。
因為中巴同利蘭公司0既互動亦就此告一段落,直至1990年代,引入奧林比安為止。
而中巴一直「古董載客」0既形象,就如此如此0既,烙印晌中巴0既故事上面。)<-分明0既壞話
[由得各位秒殺之前:已經估到有版友講相反0既事情。隨便。
反正「反語」總會有誤解0既空間,隨便講...
小弟故意留底空間俾各位____,好好利用。多謝就不必了。]

講得太多中巴0既事情啦。返去九巴0既討論先:
提得雞車,一定都要提埋鴨車:
當年(1970年前後)中、九兩巴,要車要得又急又亂
一手、二手英國巴士「多多都要」
結果:利蘭公司接單接到「人都驚」(今日Halloween,應下節都好喎~)
而好多「殘念」作品都晌呢個年代出現:
珍寶、薜頓Pennine 4(幾年燒0左37架...)、冷氣百福、冷雞(G544)、冷鴨(N364)...
試新車可以話同賭博一樣0既高風險活動。聽到都既驚又喜。

而九巴買鴨車0既原因:
無0既,因為當年(1977)連勝利二型都仲未面世。
利蘭公司下面0既各大巴士廠,後置引擎巴士長裝長有,
九巴想要返前置引擎巴士?!「過主啦~」
(不過,如此一來,利蘭公司0既訂單就咁縮水...
俾九巴丟假的話:咪少兩個忠實fans(另一個fans就係中巴)?
結果抄Design都要「嘔」款車[雞車]出0黎交功課!)
而事實上,祖比倫0既高完成度0既出現
亦都令中、九兩巴可以用到1997之後(小新過渡之時,
30架DS兄弟,除0左DS14燒熟0左之外,其餘0既都可以繼續行到1999先退役
九巴就早少少:1997-98年間先退,N1-N4(1995年退役)唔計~)
而且,好多日後成功0既車型(冷氣機場巴「獵鷹」,甚至冷氣「巨龍/禿鷹」等等)
都係呢款祖比倫0既「子孫」。

仲有:試板巴士多病痛。APM1 0既例子已經講0左
隨便大量買新款車0既麻煩事(九巴0既Pennine 4已經係當年好經典0既失敗經驗)
所以心心急急買祖比倫之時,
各位,估0下九巴0既朋友怕唔怕買錯巴士,出意外?
呢種心理就造成日後九巴「見新款車就買」0既習慣
(而的確,分散投資0既結果係:九巴揀中0左祖比倫可以跑山路
揀錯0左(應該話:設定出錯)勝利二型可以跑公路)
日後0既MCW Metrobus、奧林比安「加長版」、仲有「多明尼達」(巨龍)...
正好反映九巴晌無巴士Quota之下
恃住規模夠大,可以大量入貨0既便利...去補返之前「舊車問題多」0既錯。
(中巴仲未去到九巴0既規模經濟嘛...
所以咪要九巴試完之後先要同款車囉~[漏0左一句:百利堡一役之後0既事囉~])

PS 之前狠評小弟0既,「由得佢啦」(認真)。因為連自己都唔望小弟0既意思
可以100%傳到各位0個度。收得到三成都已經唔錯0架啦。
PS2 恕小弟又老又愚之過:未聽過呢架4號巴士差d出事0既故事。(又一次俾維基0既「遺漏」踫到釘。特此致歉)
願聞其詳。(如當日報紙有此報道者,不妨就此一見。)

[ 本帖最後由 LNChickenRice 於 2014-10-31 16:10 編輯 ]

插句咀,

第一點: SF2其實只係行咗4年, 佢係80年出街的
第二, 頭30架LF唔換殼, 16-18年左右啦, 以中巴正常情況來講, 唔算特別短。
第三, 唔講燒車死呢D極端例子, 中巴車短命唔係冇, 不過如樓上講, 唔係頭批LF, 而係四型同 M。
四型話退時, 最後生批得9年, 而M, 無錯最長命部啱啱20歲, 不過有一大半車, 係講緊連10年半命都好似冇。

真係長命的車, 換殼紅番, 換殼長寶, 一兩架PD, 唔計呢批, 你仲數得出邊架?

[ 本帖最後由 HB00610 於 2014-10-31 19:25 編輯 ]

搭單問：為何九汽G1-4只服役6年，便轉投學堂行列？

原帖由 DW8306 於 2014-10-29 17:50 發表

LF1-30冇換車身果D車既行左幾耐?

冇換殼的最長命行18年, 以中巴其他車的標準, 唔算特別短。

另回, 冇換殼LX平均壽命唔止20年。

短命的五型係M, LS次之, 30呎車一舨有20年以上

[ 本帖最後由 HB00610 於 2014-11-1 16:37 編輯 ]

原帖由 hkaiw 於 2014-10-29 19:38 發表

LX326 撞死多名途人的事件是於1984年1月發生，而中巴勝利二型翻車事故是於1990年發生，因為剷上了鴨脷洲大橋往返東行線之間的斜石碇而翻側。

中巴單反雞係向右反, 而九巴的全部向左

原帖由 HB00610 於 2014-11-1 16:31 發表

冇換殼的最長命行18年, 以中巴其他車的標準, 唔算特別短。

另回, 冇換殼LX平均壽命唔止20年。

短命的五型係M, LS次之, 30呎車一舨有20年以上

LS 由水翼船起計，普遍壽命有 17 至 20 年。

原帖由 dongfeng 於 2014-11-1 00:53 發表
搭單問：為何九汽G1-4只服役6年，便轉投學堂行列？

G1-G4的失敗原因, 有傳不單止因為車子沒有風油軑, 轉彎時要比其他車扭軑扭多幾個圈先轉到彎, 兩樣加埋有幾討厭可想而知, 加上車子重心高, 機械配置落後(吉拿6LX引擎+磨菇頭半自動波箱, 同款半自動波箱用於Leyland Atlantean及Leopard), 所以很快就退役, 學堂都唔收留佢得耐, 夾埋壽命都唔夠十年.

[ 本帖最後由 gordon 於 2014-11-3 09:25 編輯 ]

原帖由 LNChickenRice 於 2014-10-31 15:22 發表
回一回之前問LF1-30(應該數漏0左SF1呢架樣板)0既巴打:
...所以之前小弟唔出聲回應無重裝車身0既珍寶
晌1993年之前就退役0既事情,就係留地方繼續討論
(而小弟都覺得,係時間補返呢一個答案):

同九巴0既邏輯一樣:呢批 ...

SF1/LF1-30有傳落地時沒裝風油軑但後來追加了, 不過唔知呢個係咪早死的原因......

Seddon Pennine 4純綷係因為Leyland造唔到150架VK41XL俾九巴, 只供應到50架, 令九巴要出外尋找車源, 咁Seddon之前曾經供應過100架Mk17俾九巴都冇乜大問題, 咁咪就咁中招, 其實Pennine 4唔係冇可取之處, 至少引擎馬力大(不過嘈吵), 在葵涌道可以不斷超紅小超BENZ超BMW超TAXI(可唔可以Pennine 4超Pennine 4就唔知了)......所以九巴曾經考慮過換雙層車身上去, 但後來有配置更好的Dennis Jubliant才作罷.


小弟認為, 其實如果當年MCW或Leyland及時在1978年左右交到Metrobus/Titan俾九巴試, 九巴未必會大量購買雞車鴨車, 中巴在70年代用過Metrobus, 其實都冇考慮過買雞鴨, 係後來唔知點解買了......

[ 本帖最後由 gordon 於 2014-11-3 09:22 編輯 ]