新居屋其實同公屋冇分別

大圍4D區美柏苑平面圖：

間隔同外貌其實同公屋冇分別，唔多吸引。而且設施只限停車場及遊樂場，加上昂貴管理費，完全係大倒退。美柏苑位於大圍翠景花園旁邊，美田路與碧田街交界，建有288個居屋單位，根據經濟日報的資料，單位實用面積由371至447平方呎，建議售價幅度介乎187-294萬。

大圍4C區美盈苑平面圖：


據經濟日報的資料，單位實用面積由445至451平方呎，建議售價幅度介乎223-285萬。
要一開門對著浴室，新設計好難間房

元朗宏富苑


根據經濟日報的資料，單位實用面積由434至443平方呎，建議售價幅度介乎212-271萬
居屋設施為停車場及遊樂場，設計停留在舊式公屋的水平，一層設22伙單位，升降機只得兩部，唔少單位仲係互相對望，冇乜風景可言。
加上與公屋一樣的外表及間格，恐怕設計上未能令人滿意。

睇怕居屋最多有入線電制同好過氣設計的浴室/廚櫃。一定唔會好似房協用料咁靚同有會所配套。

這樣的價錢，寧願買村屋好過。

其實居屋一路個定位都係咁
羊毛出在羊身上
如果有豪華會所、豪華裝修, 就唔會係哩個價錢,
亦都唔係當初居屋既原意

本來睇左美柏同美盈幅圖覺得, 唔好咁高要求啦, 以前大把居屋都係參照公屋設計, 甚至係公屋改為居屋發售, 間格一樣,
配套一樣冇所謂, 個名難聽到核爆都係間屋啫, 但睇埋元朗宏富苑幅圖, 真係不得不佩服, 點解同一座樓可以有咁多戶
互相對望, 中間只有兩部電梯的距離, 莫講話冇風景可言, 恐怕通風都有問題, 一梯22伙, 戶數比唔少和諧式公屋都要多,
而且只有兩部電梯, 繁時慢慢等慢慢搭, 真係唔多掂喎!

上面冇的大窩口居屋無論點樣起, 個景都真係好差, 四面工廠, 除非佢有內園(土地資源珍貴, 整內園不如起大座樓) ,
所以真係住新居屋附近而又好想好想買樓先好買, 唔理好醜, 但求有樓(例如買o黎放租)的另計.

好心起新居屋就落多少少本去設計啦，就咁將d單位copy and paste hea到呢
連固定間格都冇就真係... (我知以前公轉居果d都冇，但呢d新起既無理由無啦)

原帖由 EX-TL 於 2014-11-13 21:51 發表
一梯22伙, 戶數比唔少和諧式公屋都要多,
而且只有兩部電梯, 繁時慢慢等慢慢搭, 真係唔多掂喎!

宏富苑雖然一層二十二伙，但樓宇只得十二層高，得兩部升降機其實唔係問題

一層八伙四十層高的康和式公/居屋，好多同樣伙數層數的所謂豪宅，咪又係得四部升降機
計起上黎其實仲差過宏富苑
呢D高樓的升降機由頂樓行到落地下一個單，宏富苑果部隨時行佐一轉半有多。

[ 本帖最後由 s3n370 於 2014-11-14 00:39 編輯 ]

直接俾畫個四四方方既單位
除左廁所外，你地自己間牆好過

又可以節省設計費
又可以令業主更有彈性


[ 本帖最後由 avianwind 於 2014-11-14 13:06 編輯 ]

近300萬, 真係買層40年樓ge電梯舊洋樓都冇咁嬲.
話晒都係私樓. 都係兩百幾萬.

我個人要求唔係好高, 不過居屋設計至少有套房吧? 之前康和式都有啦........

原帖由 JC3341@31M 於 2014-11-30 23:35 發表
我個人要求唔係好高, 不過居屋設計至少有套房吧? 之前康和式都有啦........

咪玩啦，
以前康和式去到幾多呎先有套房？
就算今時今日實呎去到 650 呎既 2 房私樓甚至係豪宅盤，多數都唔會有套房啦，500 呎唔夠既單位要大o的個廳實際過要多個廁所。

再者呢度全部都係實呎 450 呎左右既單位，講真間隔已經算好四正，係廚房門同大門個擺位比較衰，有個死角位比較晒位，但擺鞋櫃問題不大，整體間隔甚至比好多私樓更方正實用。
話難間房仲莫名奇妙，一睇幅圖就知絕大部份單位都係典型眼鏡兩房格局，直情根本唔使用腦諗點間房，因為基本上最實用間法只得一種，佢只係無起埋幅牆俾你。

公屋同居屋主要分別係用料上，即使都係和諧式，以前居屋o的水龍頭馬桶都靚料過公屋，而唔係間隔上既分別，
至於講會所就真係笑爆咀，連私人參建居屋都唔係好多會有只開放俾住客既公共設施，如果你要數泳池就更加罕有，好多房委會起既居屋配套都同只係同公屋差唔多甚至要同公屋 share，
而且有會所只會反映返o係管理費度，如果你恨要會所，你根本就唔應該諗新居屋。
睇返圖則，美柏苑頭尾一房單位似乎個廳唔止一邊有窗，採光好過好多私樓九條街，講真係好野黎，只怕有人唔識寶，
比較差就真係只有宏富苑，對望單位太多距離又近，低層近 lift 對單位採光肯定差到爆，不過都唔緊要啦，近到掟紙飛機過對面單位都得，買得都預左要長期落窗簾。

[ 本帖最後由 3ASV174 於 2014-12-1 02:02 編輯 ]