唔怕神一般的高級答覆者，只怕豬一般的問路者

其實我冇意話佢地係豬，或者係貶低佢地到好低既位置，但有時問路者得不到滿意答覆或去不到目的地，有時也與他們有所關係。
以下三個case是我今日接觸的個案

一. 在博愛醫院，有位先生問我搭上水係咪呢度等276？(佢企o係往元朗方向既博愛醫院站)
我話，係搭276，不過你去前面個站等啦，如果唔係可能會飛站。

我再回應(二)的問路者後，幾分鐘，他從遠處走回來說「前面唔係行人路喎，冇站……」我當時已經企o係往北區/青衣站方向的車站，
我話「呢度咪係囉，(再指著77k,276往上水候車處)，我叫你行上黎，係驚司機會飛站je(如果你企o係往元朗方向站截往上水車……)」
其實我答佢時，都指左個站o係邊，而肉眼又睇得到，點解佢都可以行咁遠既……？

二. 同樣在博愛醫院，在回答(一)的提問後，有位老婆婆見我教人搭車，佢又問。「羅屋村大醫院」係咪搭64k去大埔墟鐵路站？
我就話，羅屋村我就知，但有冇大醫院我就唔知。
之後佢改口話，朋友約左我o係元朗大醫院等，我點去呀？
然後圍埋5-6人，都話未聽過有元朗大醫院，幾個人都答「元朗既最大醫院/唯一公共醫院就係(指住身後)的博愛醫院」
講幾十次，佢都好似唔知博愛係咩，亦唔知朋友口中既「元朗大醫院」係咪就係指博愛
其實……呢d唔係問路，或者點樣搭車，係應該問番朋友「元朗大醫院」既definition，佢問路時又講一大堆「大埔墟鐵路站」「64k」等字眼，有不少被問者都誤以為佢想搭64k返大埔……

三. (這個case我沒有跟進，亦沒有親眼見到，只是猜測)
我在元朗公園站上K68，發現樓上前排坐了4位女士，架車出到元朗廣場就話
「車…都兜番出黎元朗廣場既，頭先問路個O靚仔好眉好貌，點左我地過黎搭，佢一話行出元朗廣場咪得囉」
在車塞緊擊壤路之際，我又好似聽到佢地話「乜咁多人去哈爾濱冰雪節」

我就O係度諗，被問路者係咪叫你行去盲人安老院搭K66呀？(冇出聲……)咁其實係好O岩呀，但你地宜家上左O個架係K68喎………
(其實我都有D好奇，想坐到去元朗工業邨，睇佢地去到總站有咩反應……不過，其實呢個CASE都只係我猜測JE，可能我估錯呢！)



有時，問路呢家野，真係冇分內地人士、遊客、街坊或是非街坊的香港市民。 (非街坊的香港市民FOR EXAMPLE，你住九龍區，去濕地公園，在天水圍一帶你唔熟路係好正常)
但最重要係，你識唔識聽，識唔識睇，唔明白既識唔識追問……
我今日都遇到一個內地來，應該是帶兒子去見幼稚園面試的。

他在翠湖居落車，落車後即問「去天華邨服務大樓XX幼稚園，點樣行去？」
我就答佢「舒服就係天頌苑通道經商場及天橋前往，但唔太識路既就沿呢條直路(即天榮路)盡頭轉右(天瑞路)，再過馬路就得。」
佢之後就話「我頭先都睇到大約在那個位置，唔該哂」
最後，他也成功……(因為我又要去天華邨個巴士站)

即使肉眼看不見，他又不太熟路，但他也能成功，但CASE(一)的那個，我真的嚇了一跳！
CASE(三)的還離譜(如我的猜測屬實)，你跟錯指令做，仲要話人地好眉好貌但呃你？又話信錯人……

case 2既婆婆就無的好講啦，
連自己想去邊都唔知，
所以比較好既方法反而系問他去果度做咩？
（我開頭以為他想去元朗大劇院）
或者叫他問清楚自己想去邊再問人lo。

case 1果個，
其實好多人對相同車站既相反方向走線系無concept既，
甚至對雙向道路都無，呢D先最恐怖，
很多時都有人系佐敦道女拔萃個站找去機場既A22，
我真唔知比咩反應。

case 3就師兄你同個媽媽都夠醒目，
但如果系我就只會教一個走法，
教最容易果個，
因為反而會令人混亂。