「轉貼」電車公司受佔中影響 增加設備維修電車

原帖由 boyvv1000 於 2014-12-2 20:43 發表
http://news.tvb.com/local/547dab5e6db28c4c41000005

電車公司在西灣河車廠增加設備，為受「佔領行動」影響回不到西環車廠的電車維修，公司並沒有打算透過法律行動開通路段。

銅鑼灣怡和街電車路段兩個多月來有佔領人 ...

政總都未燒，幾時燒到去電車廠呀？

理論上電車用車應該少左，電費等開支會有所減少。

唔採取法律行動其實係因為係外國大公司，根本有預計呢d風險，唔似得有d公司明明幾乎冇受影響都申請禁制令，商譽實有損失。特別係某公司旗下交通工具一直都有違法停泊問題，都使用法律途徑真係令人費解！

但是相比起巴士公司、小巴公司甚至港鐵，電車公司是有專屬的法例（第107章的電車條例）籃管（港鐵的只是附例），其中第58條的「與電車廂或電車軌道有關的罪行」已經列明有關嚴禁堵塞電車路軌的條文：
http://www.legislation.gov.hk/bl ... LE/CAP_107_c_b5.pdf

任何人故意及無合法辯解而─
(a) 干擾、移走或更改電車軌道的任何部分或與其相關的工程設施；或
(b) 將任何石塊、污物、木塊、垃圾或其他材料放置在或擲於電車軌道的任何部分；或
(c) 作出或導致作出任何事情，其方式足以妨礙任何電車廂使用電車軌道，或危害電車廂之內或之上的人的生命安全；或
(d) 明知而協助或幫助他人作出上述任何事情，
(他除了可受公訴或其他方式的任何法律程序處置外)可處罰款$1000，如不繳付罰款，則可處監禁12個月。

原帖由 cong 於 2014-12-5 16:46 發表


堵塞馬路係香港非常罕見,電車因為群眾運動而停駛又發生過幾多次? 正如你擺錢係匯豐銀行,佢都有機會執笠,你又會唔會預計呢D風險? 至少係09年威立雅入股果陣大家都預計唔到會有呢件事發生 ...

如果你既存款多過政府保障既金額，當然就要考慮相關風險。

威立雅入股果陣原本都預計可以加到＄2.5全面翻新電車，點知都係做唔到，呢d咪就係風險。

原帖由 jonathanngan 於 2014-12-3 02:10 發表
理論上電車用車應該少左，電費等開支會有所減少。

唔採取法律行動其實係因為係外國大公司，根本有預計呢d風險，唔似得有d公司明明幾乎冇受影響都申請禁制令，商譽實有損失。特別係某公司旗下交通工具一直都有違法停泊問題，都使用法律途徑真係令人費解！

冇錯，以現時司法制度對於處理道路禁制令果種狂開綠燈法（這亦是香港的司法制度的其中一個醜惡面），電車公司若有心想老銅果個佔領區收檔確實易如反掌。
https://hk.news.yahoo.com/%E4%BF%AE%E8%A8%82%E7%89%88%E5%91%88%E6%B3%95%E5%BA%AD-%E7%AD%89%E5%80%99%E6%89%B9%E6%A0%B8%E8%93%8B%E7%AB%A0-%E4%BD%94%E9%90%98%E7%A6%81%E4%BB%A4%E7%94%B3%E4%B8%8A%E8%A8%B4%E9%A7%81%E5%9B%9E-%E6%96%99%E5%91%A8%E4%BA%8C%E7%99%BB%E5%A0%B1%E5%BC%B5%E8%B2%BC-221115316.html
https://hk.news.yahoo.com/%E8%AD%A6%E6%93%AC%E8%81%96%E8%AA%95%E5%89%8D%E6%8E%83%E6%B8%85%E4%BD%94%E9%90%98-220024067.html

做佔領區的terminatior確實很爽，不過後果往往是另類「路霸」的形象會向全香港人浮現，未來對公司的形象往往會有災難性的影響。

雖然電車公司係隨時可以用禁制令通番條路，但呢個做法亦有風險。

大家都睇到旺角咩環境架啦，如果示威者玩遊擊戰的話，阻礙車站，甚至用石仔塞落夾口度，路軌度，都會引發阻塞甚至出軌事件，同埋而家被阻路段只係有限，起碼其他路段行到，同埋維修成本既增加同零件運輸費都只係有限數，但銅鑼灣被電車公司出禁令清場既話，示威者可能遷怒電車公司而對其進行報復行動，到時可能成條電車路都遭殃，到時損失難以預計，對佢反而完全冇著數。

電車公司一定唔會主動出手，佢只會等其他人或公司出手，到時清左場真係示威者報復，目標都唔會係電車公司
呢個亦係九/新/城巴唔出手用禁令清場既主因