同個女仔玩得埋就易比人誤會？

近排我晌教會裡面同一個細過我既女仔都玩得幾埋下(我21歲佢16歲)，
我地試過晌公園傾偈到成凌晨十二點幾(果時仲有一個女仔)，
又試過傾好耐電話，
玩既時候我同佢亦都會玩得好癲，
我亦會叫佢做阿媽而佢亦叫我做阿仔，
但我好明白佢同我玩得咁埋係因為我「同佢心」，
即係佢當我係小朋友，
而佢亦講到佢係好怕同男仔一齊。

不過近日教會既人好似覺得我地玩得好埋，
於是傳道人就同我朋友講叫我唔好成日同佢玩得咁埋，
怕大家會有誤會(我唔記得驚我誤會佢定佢誤會我)，
我就覺得依家好多人都係玩得咁埋，
而我地又有保持到一定既距離，
至少依家大家唔會誤會對方鍾意自己，
所以我好想問下大家我係咪應該同佢有更多距離？
我地依家係咪真係好易比其他人誤會？
好似我尋日咁，
我陪佢同佢d朋友一齊買野導師就已經問我晌度做嘜，
跟住我朋友就走來同我講唔好成日同佢一齊，
唔通我同一個女仔(其實現場有其他女仔)都唔得？

咁似我同我前女友的關係的.....o_O
不如我用當時的做法話俾你一點啟示。

當時我地兩個傾得好埋，
好多人都以為我係追緊佢，
甚至當時佢住的hall的樓主，
亦都係我的同系同學，
問佢係唔係同我有路?

當時，我同佢的做法，
就係保持返我地自己的作風。
我地當時都係話，
我地知道自己做緊咩就可以啦，
唔需要理會人家點樣睇我地。

希望我的做法可以俾到你一點啟示。

[ref=107259]307[/ref]  在 17/1/2005 07:37 PM 發表:

咁似我同我前女友的關係的.....o_O
不如我用當時的做法話俾你一點啟示。

當時我地兩個傾得好埋，
好多人都以為我係追緊佢，
甚至當時佢住的hall的樓主，
亦都係我的同系同學，
問佢係唔係 ...

我都好希望好似你咁諗，
但係依家既情況係連教會既傳道人
都好似覺得我唔應該好得咁埋，
我又唔可能話唔聽佢話，
話晒呢度係教會來，
唔可以話自己想點就點，
因為我處理錯既話就好影晌好深，
(因為我係教會團契既職員來架)
簡單來講我同佢玩得埋一定會令傳道人擔心，
如果我地太大距離分分鍾果個女仔又以為我嬲左佢咁樣……
而我亦怕太多人講同誤會會令果個女仔受到傷害。

我當時的情況都同你差唔多。
我係學會準備卸任的委員，
佢就係當時準備接任的人，
圈子亦都一樣。

如果咁樣的話，
即係有人以訛傳訛，
咁樣件事當然會鬧得大啦。

我都覺同女仔玩得埋會俾人誤會, 可能仲會被周圍既人講3講4, 如果果女仔有男朋友, 仲可能會被人想拆散佢地, 之後自己同左個女仔一齊.但其實只係朋友關係;所以我儘量避免唔會同有男朋友既女仔玩得太埋, 費事被人講.#

都唔係錯，
不過如果人家真係要說你是非的，
咁又真係點樣佢地都有辦法拗得入，
所以我都唔會介意咁多....

[ref=107315]HN7067[/ref]  在 2005-1-17 20:16 發表:

我都覺同女仔玩得埋會俾人誤會, 可能仲會被周圍既人講3講4, 如果果女仔有男朋友, 仲可能會被人想拆散佢地, 之後自己同左個女仔一齊.但其實只係朋友關係;所以我儘量避免唔會同有男朋友既女仔玩得太埋, 費事被人講 ...

小弟都有同一個問題不斷係自己身邊發生…
係教會又試過, 係學校又試過…

同一個女仔行得埋d就會被人誤會…最慘仲要係被唱通街…係就話者..問題唔係呀ma…
但最痛最傷的, 還是當人地真係同另一個人拍拖, 但仲有人唱你同佢…好大壓力的….

個女仔又唔知有人咁唱wo…對我來講都唔知係好事係壞事..
好, 就好在個女仔唔知, 佢唔駛煩law..
慘, 就慘在得我自己一個去面對, 孤身作戰…仲要猛被人窒law…
很不好受…
#:-/

唉, 我以前有2位女同事都係啦, 只係熟稔d已經畀人
話我鍾意人, 其實我鍾意既係另有其人... 不過呢3個人
已經離職多年

算啦，多口人到到都有，
與其去避面又避唔到，
不如學下點樣高少少EQ，
同埋點樣為之高技巧去面對呢類人啦。

同佢地鬥口賤係對自己的侮辱。

不過英國哈利王子的事例, 可以成為我們的提醒: 小心另一半呷醋而提出分手!

最近哈利王子被揭發在一次舞會中與一名女子玩得埋, 結果導致他女朋友表示不滿, 要向他提出分手!