展開低成本的旅程 - 北美 Megabus 試乘報告

相信大家對成立於 2003 年的 Megabus 並不陌生，
除了因為早期車隊以來自城巴的利蘭奧林匹安二手巴士組成外，
作為其中一間最早以低成本模式營運長途巴士的形象也深入民心。

Megabus 把航空業的商業運作模式帶進巴士業界，在歐洲和北美地區業務迅速擴大，
而它低成本營運的模式也大大改變了乘客的乘車習慣，特別是對年輕一代的影響。
我們現在一起展開低成本的旅程，體驗 Megabus 的長途巴士服務！


路線與班次



三藩市 (舊金山) 和加利福尼亞州首府沙加緬度 (Sacramento) 之間的距離約為 90 英哩 (約 140 公里)，
駕車來往兩地單程需時大概 2 小時。
筆者決定了乘坐 Megabus 於三藩市最早出發的班次，向加州中部進發！
班車於 9 時在三藩市火車站出發，並約於 11 時抵達沙加緬度 University/65th Street 輕鐵車站。
而 Megabus 亦有另外三班班車，由三藩市北上沙加緬度，分別是：

三藩市 12:30 - 14:20 沙加緬度
三藩市 17:40 - 19:30 沙加緬度
三藩市 20:45 - 22:30 沙加緬度

預訂車票

為節省成本，Megabus 只接受網上和電話訂票，
而沒有設立實體售票處發售車票。
筆者早在出發前一星期，便於 megabus.com 預訂車票；
幸運地，筆者能夠購得只需 3 美元的回程促銷車票！
而來回車票加上行政費用，則共需 13.5 美元。



成功訂票後，購票系統會自動寄出確認電郵。
必須緊記要把它好好保存，因為電郵中的確認號碼將會是你登車的唯一憑證！
因為車站的工作人員和車長手持的名單上都只有班車乘客的確認號碼，
他們上並沒有搭客的姓名和電郵地址等個人資料。

另外還有一個小貼士：
購票系統是按訂單收取行政費用的，
所以最好就在同一訂單上，一併購買來回班次；
如果你有同行者，也最好在同一訂單上購買車票，以省回一點行政費！


上落車地點



Megabus 與傳統巴士營運商不同，不會在大型巴士總站內上落客，
它們會以類似「唐人巴士」(Chinatown Buses) 的停靠方式，
只會在路邊指定的地點上落客。
Megabus 會在上落客地點放置藍色站牌，
並安排穿著制服的員工在場當值，核對乘客資料。

到達車站後，筆者只需出示車票的確認號碼，便能登車。
就像乘坐廉價航空公司的航班一樣，乘客並沒有被安排指定的座位，
登車後，大家可以隨意選擇任何一個未有印上座號的位置；
而那些印有了號碼的，其實是預留給另行付費選座的乘客。


巴士類型

Megabus 現時擁有北美洲最大的 Van Hool TD925 Astromega 雙層客車車隊，
每輛客車可載超過 80 名乘客，提升每一班車的運載能力。
以下是筆者當天乘坐的 Van Hool TD925 Astromega 雙層客車：



客車最多可載客 81 名，分別上層 59 名，下層 23 名，
每張 Van Hool Body Line Recliner Seats 座椅座椅均設有三點式安全帶。
一如之前提及，那些印有了號碼的座位是預留給另行付費選座的乘客。





巴士上提供一般基本的設備和服務，
包括設於下層車尾的洗手間、免費 WiFi 和安裝於每個座位側的 110V 電源插座等。
而說到筆者最欣賞的，必定是上層的特大天窗；
路途中，乘客可以通過天窗飽覽各地不同的景致！



機械配搭方面，
客車由符合 EPA 2010 排放標準的康明斯 ISX12 六氣缸 12 升柴油引擎推動，
並由 ZF 12 前速 Astronic 智能波箱變速。




小結

雖然車輛能有效過濾路面的起伏，使整段旅程皆頗為顛簸，
但整體來說筆者對這次旅程的服務十分滿意，
車輛簇新整潔，而工作人員也甚為有禮。

但值得留意是 Megabus 會因時間和需求等因素，隨時調整票價，
所以訂票前最好都是先比較各家巴士公司的價格！


小貼士

若果你計劃展開屬於自己的低成本旅程，就要留意以下的小貼士：

1. 盡早訂票
低成本巴士公司一般會在車票開售的初期，提供特低價車票 (低至 1 美元)。
越早訂購，越大機會訂到超便宜的車票！

2. 提前到達車站
筆者建議你最好提前多於 15 分鐘到達車站。
你除了需要時間找尋車站位置外，早一點登車也可以讓你選到自己喜愛的位置。

3. 盡量在同一訂單上購票
購票系統是按訂單收取每次 1.5 美元的行政費用，
一併購買來回班次，可以幫你省下荷包啊！

[ 本帖最後由 BHSE 於 2015-1-3 20:49 編輯 ]

有number個D位通常係咪都係係車頭4個位﹐ 樓梯後第1排同司機位後既卡位﹖

個車頂天幕真係無得頂

部車好似好高級

原帖由 Mandurah__Line 於 2015-1-3 22:21 發表
有number個D位通常係咪都係係車頭4個位﹐ 樓梯後第1排同司機位後既卡位﹖

個車頂天幕真係無得頂

無錯

有號碼既位要另外加錢先有得坐，
所以佢都要留返車頭靚位先至有人肯俾
以我觀察，呢 D 位都算幾受歡迎

下層佈局係點?
好似一邊高一邊矮咁

Vanhool TD925 armstrongmega系列的雙層車下層坐位佈局的確係一邊高一邊矮，
car佬位的一邊係高,門位的一邊係矮，
英國megabus的td925下層坐位佈局都係一樣邊高邊矮。

我係英國訂過megabus.. 由Cambridge去oxford
但係竟然無位... 之後等多一個鐘先有車..  仲要係中途轉車...
自此就無再搭過megabus..

Megabus 兩年前重開西岸線果陣,我貪得意坐過一次.佢當時送二十萬張免費車飛,基本上只收0.5美元手續費,結果變成來回只收一蚊.

的確無錯,如果早幾個月前上Megabus官網買飛,隨時執到死雞,可以以一蚊價買飛
以LA Union Station-San Francisico為計,正常價錢係$34美元,有時見到低至$10、$5,甚至$1
但呢條線多數有停站,Burbank,San Jose同Oakland.
而12/6/2014起,更伸延到Anaheim Amtrak Station.

果日行程都幾激,坐中午12:30班車由Union Station出發,無錯我唔駛印個車飛,手機度留底,但我只留一個購票時侯既Code,
個Staff只係有張list,對住個乘客既號碼就可以知道.
之後派一張號碼牌,依序上車.

TD925其實感覺麻麻地,個位頗窄,但腿位OK闊.但因為客量唔算特別多,所以霸到兩個位.
通常行5號州際公路,但中途會停留一個地方,約二十分鐘,而果個地方係有快餐店,例如Carl Jr,Subway.....俾班乘客購買午餐之用.

架車停留San Jose,已經係夜晚七點,落晒大半客仔,去三藩市主要行101Fwy,大約一個鐘頭,8:15pm到4th Ave路邊,即係Cal Train總站.


再響三藩市成個通宵之後,原站坐6:00am開既Megabus返洛杉磯,同樣停San Jose.今次中間響Bakersfield停麥當勞,但回程反而好快,六個半鐘頭內行完.

結論係Megabus係平,但係單程八個鐘頭如果係容易暈車浪既人會頂唔順,例如我自已.
下次寧可坐程飛機.當然,呢條線有其他業者,例如Bolt Bus,亦可以買到$1價由LA-SF,用既係MCI.但佢只去到Oakland.

‧Tony仔

[ 本帖最後由 tonychung 於 2015-1-27 03:29 編輯 ]