堅尼地城至上環站係趕唔切接駁到過境線尾車

原帖由 GW5878 於 2015-1-10 02:33 發表


初步望
金鐘去所有前九鐵車站都有bug (不包括與前地鐵相交車站)
只會出現中環，香港，荔景等轉車站
所列出尾車時間亦係錯
建議大家改search中環做起點作參考

有人發現問題既話，應該會好快更新 ...

金鐘呢。。好似係凡要轉線既車程全部都錯。。 去東涌叫人係荔景轉 (重點係幅圖畫左經中環香港轉線通道) 去油塘就寫經中環轉

上環去中環的距離比一般市區線車站略短，一分鐘左右行完。
車廂廣播都曾為佐呢兩個站特短距離而修改過。

回正題，按上述行車時間，中環站其實有3分鐘轉線。
就算以最遠的港島線車尾計，去到荃灣線月台都只係僅僅二百米。
3分鐘對大多數人黎講算足夠。趕尾車，唔通仲預你cat walk咁行咩。

再搭落去，石硤尾站往落馬洲及羅湖的尾車分別為21:34及23:04
而九龍塘站呢，係21:41及23:11。
扣除兩分鐘行車時間，九龍塘站只有5分鐘轉線。
中環站俾夠3分鐘都轉唔到，去到九龍塘其實更大鑊。

而樓主列舉的其他尾車呢，其實唔係特登俾多D時間去轉車，
只係臨近尾車坐底10分一班車，市區線之間互轉的車程，遲一班就趕唔切。
唔存在跑得快或者追得到呢個情況。
例如北角經金鐘往九龍的尾車係00:47。近得多的上環站呢，卻係00:46。
以上環站計，搭遲一班，即00:56的班次，己經無可能追到中環開00:54的荃灣線尾車。

[quote]原帖由 wingho_cwh 於 2015-1-11 16:30 發表

金鐘呢。。好似係凡要轉線既車程全部都錯。。 去東涌叫人係荔景轉 (重點係幅圖畫左經中環香港轉線通道) 去油塘就寫經中環轉 [/qu……ote]

轉將軍澳線九龍新界車站應該錯
但轉東涌線應該岩

香港往東涌0050
灣仔去東涌，建議經香港站，尾班0034，去到金鐘應該0036
同一時間，尖沙咀去中環尾班0054，抽返9-10分鐘尾班時段，應該都係0034-0036有班車由尖沙咀去中環，去到金鐘大約0041，中環就大約0043，咁7分鐘又好勉強既

注意，東涌線往香港收好夜，所以全東涌線都係咁轉