安達臣巴士路線建議

跨公司轉乘係大勢所趨

原帖由 EX-TL 於 2015-1-25 15:50 發表

有大老山轉乘, 轉埋入馬鞍山.大埔.北區, 上埋大陸都仲得, 你話有冇咁多客?

我就希望係九巴做, 其他巴士公司未必有優惠轉乘.

原帖由 284 於 2015-1-25 16:08 發表
彩虹一樣可以轉乘大把新界綫，何苦要加條綫入沙中塞車？

沙中塞車係沙田區商場在平日晚間.假日多人駕車進入而造成, 担杆莆街又唔係多巴士, 私家車阻住巴士埋站就經常發生,
橫壆街多巴士停站, 都只係沙田區內線先要停, 去觀塘有阻住? 希爾頓中心同帝都酒店情況跟上述街道打個摺, 多架巴士
入去真係咁阻?

安達臣多一條巴士線, 觀塘道都有機會減車, 減少交通擠塞, 需知道觀塘道塞車, 影響唔只係觀塘區, B2版過去都有唔少
觀塘大擠塞, 觀塘爆水管的post, 你可以慢慢search, 睇番每次塞車可以有幾厲害.

雖說安達臣多條巴士線, 山下有機會減車, 但唔好忘記觀塘同九龍灣正發展緊香港另一個CBD, 就算減都只會係非繁,
繁時只會有增無減, 繼續係咁加, 塞車機會同時間只會隨之增加.

[ 本帖最後由 EX-TL 於 2015-1-26 02:08 編輯 ]

原帖由 LF5502 於 2015-1-25 21:57 發表
跨公司轉乘係大勢所趨

得果一蚊的轉乘真係唔希罕囉,九巴的轉乘金額多咁多,不過你會要求全球的巴士都要讓路俾新城概

原帖由 ma212223 於 2015-1-25 09:52 發表
606唔吸引>拆線>小西灣至筲箕灣一帶往觀塘/九龍東轉投606x
694本身已經唔掂
拆咗606x之後
694會更加唔掂
到時真係唔知點算

我自己好相信東區有足夠客量可以支持606X+694兩條特快線

1. 694藍田客比重有少少被高估
我自己上繁同下繁都搭過694
上繁去到寶康公園架694已經坐滿7-8成，但係過完藍田都唔使點企
下午至下繁差極點都滿窗口位入將軍澳
藍田客係多，但未去到‘頂住條線’咁誇張（唔好唔記得藍田客收平3個幾）
另外，對藍田山客而言，啟田商場點都方便過藍田站，往港島方向606X唔會打得殘

2. 東區-九龍東客大量流失至紅小/港鐵
你小西灣/柴灣出發去觀塘九龍灣，你會點搭？
近紅小站，一定搭紅小，遠既，小巴轉港鐵
694本身已經疏，仲要去東隧轉車，於乘客的角度，並非首選
望返上面兩個交通選擇（紅小/港鐵），實際上無論在速度上還是方便程度上都唔係好理想
港鐵鰂魚涌轉車本身已經唔吸引，紅小未必就腳，又有時要都西灣河
606X好大機會可以喺唔影響694客源之下直接搶到紅小/港鐵既客

3. 真係怕唔夠客，可以在路線設計上落功夫
606X同694得藍田一個重疊位，唔鍾意，606X大可以飛藍田
我自己覺得606X算淨做觀塘九龍灣都夠客
就算turn out 606X唔夠客，仲大把後著，九龍總站放入新蒲崗已經又可以多一大批客
另外，694都好多動作可以做，寶林路線跟返798再加宣傳，應該可以再谷多一批客出嚟

4.與其擔心694/606X，不如擔心下拆走咗606X之後條606A夠唔夠客仲好

原帖由 hadboy5 於 2015-1-25 19:48 發表
但係假如可以免費轉乘968去銅鑼灣，咁貴得值唔值？

唔值，
因為 930 系同 5、5B、10 有轉乘優惠，就算轉車要收錢，兩程加埋都係 $17.9，934A 免費轉 968 都仲要 $18.0，但 930 系去中環灣仔既客就本身一定平左 $2。

而且 930 系轉乘優惠最遠可以去到小西灣，九巴俾唔到。

原帖由 EX-TL 於 2015-1-25 22:17 發表

沙中塞車係沙田區商場在平日晚間.假日多人駕車進入而造成, 担杆莆街又唔係多巴士, 私家車阻住巴士埋站就經常發生,
橫壆街多巴士停站, 都只係沙田區內線先要停, 去觀塘有阻住? 希爾頓中心同帝都酒店情況跟上述街道打 ...

觀塘九龍灣 D 路個 design 仲衰過中環
基本上觀塘道或者龍翔道求其有個地方撞左車都可以成個東九玩死 ...

原帖由 castanopsis 於 2015-1-25 22:59 發表

1. 694藍田客比重有少少被高估
我自己上繁同下繁都搭過694
上繁去到寶康公園架694已經坐滿7-8成，但係過完藍田都唔使點企
下午至下繁差極點都滿窗口位入將軍澳
藍田客係多，但未去到‘頂住條線’咁誇張（唔好唔記得藍田客收平3個幾）
另外，對藍田山客而言，啟田商場點都方便過藍田站，往港島方向606X唔會打得殘

694 兩繁果陣有 606 系支持住，所以 606 系的確分薄左客源，
但一到兩繁以外，694 藍田／將軍澳比例係一半一半（運吉以前數過客，以拒絕 606 延長服務時間），
所以 694 非繁仲可以生存，真係要多謝藍田。

原帖由 castanopsis 於 2015-1-25 22:59 發表

2. 東區-九龍東客大量流失至紅小/港鐵
你小西灣/柴灣出發去觀塘九龍灣，你會點搭？
近紅小站，一定搭紅小，遠既，小巴轉港鐵
694本身已經疏，仲要去東隧轉車，於乘客的角度，並非首選
望返上面兩個交通選擇（紅小/港鐵），實際上無論在速度上還是方便程度上都唔係好理想
港鐵鰂魚涌轉車本身已經唔吸引，紅小未必就腳，又有時要都西灣河
606X好大機會可以喺唔影響694客源之下直接搶到紅小/港鐵既客

正常識搭既人，一定唔係選擇港鐵。
早繁有紅小特快車，16 個客入面，平均有 4 個會再轉 47M 綠小去小西灣。
而係依 16 個客入面，有 2-3 個係等登係山上轉車落去觀塘上車。

而早繁小西灣去觀塘，16 個客入面，亦平均最少有 5-6 個係小西灣客。
直到 606X 開線之後，至大部份過檔去 606X。

依點就解釋左，點解 606X 早繁去柴灣／小西灣咁慘淡，因為 606X 比紅小轉 47M 慢最少 15 分鐘。
唔係無客，而係 606X 入藍田同落筲箕灣太慢，仲未計觀塘道／東隧例塞，根本預唔到時間返工，隨時遲大到。

而 606X 早繁去九龍灣好客，因為班人坐完紅小仲要再轉地鐵／巴士／行一大餐，
反而 606X 都係落完筲箕灣巴總就直飛藍田，時間唔比紅小差。

606X 全日有無能力搶紅小客？依點我答你唔到。
但紅小兩繁以外，根本唔夠客做生意，而且非常難搭，我唔認為搶得幾多人。

至於港鐵，的確係最蠢既方法，但事實上所有唔識坐紅小既人，就會坐左港鐵。
依批客有幾多？養唔養得起 606X？我有保留。
正如我所講，有半條 694 非繁已經係藍田落晒車，淨番果唔夠一千人港鐵客會唔會轉投 606X？
一係會重擊 694 非繁客量，一係 606X 非繁唔夠客。

原帖由 castanopsis 於 2015-1-25 22:59 發表

3. 真係怕唔夠客，可以在路線設計上落功夫
606X同694得藍田一個重疊位，唔鍾意，606X大可以飛藍田
我自己覺得606X算淨做觀塘九龍灣都夠客
就算turn out 606X唔夠客，仲大把後著，九龍總站放入新蒲崗已經又可以多一大批客
另外，694都好多動作可以做，寶林路線跟返798再加宣傳，應該可以再谷多一批客出嚟

4.與其擔心694/606X，不如擔心下拆走咗606X之後條606A夠唔夠客仲好

606X 非繁淨做觀塘九龍灣唔夠客係鐵一般事實，我上面提過，連紅小都半蝕咁去做非繁，仲要做埋西灣河至叫支持到，
以每 10 分鐘一班，平均只有 12-14 個人係會過海，姐係話，一個鐘內只係得約 150 人，
以柴灣客只有半車比例計算，紅小觀塘去柴灣本身都唔夠客做，更可況係 606X？

九龍總站放入新蒲崗會唔會多左客？我唔知，但可能只會倒更多吉車落海。

如果要搶港鐵客更難，東九龍會去過海，主力以太古／西灣河為主，
去柴灣／小西灣根本唔多客，得個東區醫院叫有少少客仔。

所以點解我會得出 606A 沿線反而仲好客過 606X 唔係無道理。
與其擔心 606A 會玩完，不如擔心 606X 本身無客。

[ 本帖最後由 dennis28a 於 2015-1-26 00:24 編輯 ]

之前好似有分析過
606A以來自東九龍嘅乘客為主
而606X就主要吸港島區嘅乘客

如果606A想吸客
應該就彩虹開行山過
方便觀塘區更多居民去港島東

但606x真係難搞
港島區又無咩點可以兜埋吸客
觀塘，甚至黃大仙新蒲崗都未必係好多東區客嘅目的地

只係建議文件
而家西港島線通車
大把車甩到出黎
秀沙線隨時798P形式出現
夾埋將荃好可能橙記做
到時就係95/98A同一堆轉乘與橙記二線埋身肉搏

[ 本帖最後由 GA6072 於 2015-1-26 02:22 編輯 ]

原帖由 EX-TL 於 2015-1-25 14:54 發表

屎忽野我唔係好識, 淨係回你呢句啦...

話貼近民情好大程度係回緊你對上一篇有一句講到, 東九龍銅鑼灣.北角應該俾條東九龍走廊經紅隧的路線,
同埋可以再仔細D研究條線點樣走可以serve更多客路呢兩點.

就行紅 ...

唉...香港人真系可愛，沒野講...

好啦，將個腦由屎忽般翻上個頭度啦...

拿，體你好似對未來充滿希望咁，我比少少正常d的建議出黎啦...

港島區分3家做：

第一組：中上環、灣北、炮台山、天后、北角。第二組：金鐘、灣仔、銅鑼灣、天后。第三組(循環區)：北角東、鰂魚涌、太古城、西灣河

以上分工適合全日線用，第三組一定系北角落橋，西灣河入隧道，唔可以掉轉行！一定系反時針行...

九龍果邊自己分啦，我建議的方法系一條勁密，一條15分車hea做...

比著我，我會四順、秀明道、寶達、配港島第二組，做大佢，最好做到788個級數，四順如果死都系要非繁要有車去中上環，拉111上順天/順利，並且減班，因為沒得加車...

要條大線兜寶達系因為我要安達臣d人行去果度附近坐車，同埋廢事孤立佢...