政府不排除推長者全免車資優惠

原帖由 3AV53 於 2015-1-26 19:30 發表
以大部份老人家既性格,如果唔駛錢,下場只會係不斷濫用濫用再濫用,
免費報紙有辦你睇。

冇計香港D老人家真係極濫用,遲下搞巴士,港鐵,小巴免費就大穫

劃一$2已經超錯，仲想搞到免費？
不如補貼老人家免費搭的士好過啦！

原帖由 mak5052 於 2015-1-26 22:18 發表

其實若將長者拍卡優惠改為折上折 (如半價後再打五折), 其中折上折後少平過五毫的免費, 不再劃一兩元封頂, 會否能夠解決濫用長途線之問題?

當年有壓力團體提出過

原帖由 siusiupeople 於 2015-1-27 12:45 發表

人地去邊度晨運, 關你咩事呢?

你唔用納稅人錢,我理得你去沙頭角晨運都唔關我事。

我寧願所有巴士劃一長者３折收費，起碼短途線會仲平過$2,同時長途線會貴左減少濫用。

真係有冇搞錯
有錢都唔係咁洗架
我覺得班阿伯阿婆會寧願佢直接加生果金好過要呢d優惠
今朝先見到個阿婆搭969P由美湖去天慈
就係咁浪費左納稅人$8.7

原帖由 3AV53 於 2015-1-27 00:42 發表

老實講作為納稅人，有時搭早機同車成十幾廿個伯伯婆婆搭機場方向既 E22A o係將軍澳落車晨運，真係佛都有火。


我覺得呢句野既重點係納稅人呢三隻字，而唔係＂趕到飛機變趕唔到飛機囉＂。
同埋老實講，要晨運既去附近公園就得，就 ...

正是，
你就俾 $2，大佬納稅人要貼你 $10 架。
如果無長者 $2 優惠，而o個個時段得 $12 既 E22A，我唔信會咁大棚人搭 $12 機場方向既 E22A 將軍澳落車囉。

更何況同一時段有長者正價都係 $4.8 既 N691，但班客係有 N691 唔上的要等 E22A 囉，
講到尾又咪係濫唔濫用既問題。

$2優惠根本就是方便長者用大陸一套「見車就上」的便民措施。舉例由油麻地去美孚又不想搭地鐵，現在長者見到任何一條新界西路線都會照上。

對我黎講，要俾班老而不免費搭車只有一個條件
所有局長級以上官員劃一減薪50%