2015-2016 年度觀塘區路線發展計劃

啱啱認真睇晒啲細節
份嘢啲BBI都幾多缺陷

除咗之前有人講過嘅9號
原來93K轉兩繁建議嘅98A>14無考慮秀茂坪/寶達
15A果到建議嘅3D>15又只提供$4.5優惠
但其實15 $4.5分段觀塘市中心先開始
而由裕民坊總站行落市中心轉車比起觀塘道同站轉乘無咁方便

原帖由 leeallen 於 2015-1-31 01:33 發表

所以 cut 26M 畀綠小做彩雲觀塘+29M->23/23M轉乘係最佳方法

綠小可以開新線, 延長舊線 (ex 76A/76B+雙向分段) 或延長未開新線 (ie 安達臣道專線小巴A)

想自己有兩飛叫，就要人地無左條線，咩道理？彩雲去醫院班輪椅客點算？

再睇返，23 26M 合併，相信其中一個目的，就係減車俾 619 加車。
619 九巴一口氣加三部係相當難得，車就唔會由石頭爆出來的，好明顯 23 26M 會貢獻其中兩部。

又要諗下，而家無人搭 26M 落山，連順天見到 23 23M 都會照上，
原因不外乎係 23 23M 加埋較密而 26M 疏，養成左一種慣性。
但如果 23 26M 合併，順天直落山班次大幅增加，收費又更平，你估順天會唔會多左好多人捨 23M 取 26A？
順天客搭晒 26A，到時 23M 都會有更多座位俾順利客上車。

而新線會行順清街，換言之 23M 落山尾站萬一上唔到車都仲有 26A 救命，代價係要兜入順天。

順利想有兩飛可叫，但順天又係咪事必要陪兜？仲好意思話斬左條 26M，而家全世界係咪圍住順利轉？

再睇埋 broader picture，雖然順利無兩飛可叫，可能係問題，但如果 619 有得加車，619X 有得開回程，
好處絕對抵銷無得叫兩飛的問題有餘。如果反對合併，到時相信 619 無得加車，619X 都未必有得開回程，受苦的咪又係自己。

雖然我本來想進一步重組，理順各區內線，俾居民一程車去多D地方去遠D，
唔好再留樂華四順、三彩啟業呢類無人搭足全程的組合，
但問心，23 26M 合併，雖然做唔到一D我覺得應該要做既野（我本來想拉埋 23M 28B 來玩），
但其實又唔係太差，尤其是今次擺明要合併減車俾 619…
而且今次順天落山密車好多，比起我心入面的一D諗法，其實對順天落觀塘巿中心/開源道乘客更著數。

[ 本帖最後由 S3BL100 於 2015-1-31 09:34 編輯 ]

原帖由 S3BL100 於 2015-1-31 09:30 發表


想自己有兩飛叫，就要人地無左條線，咩道理？彩雲去醫院班輪椅客點算？

再睇返，23 26M 合併，相信其中一個目的，就係減車俾 619 加車。
619 九巴一口氣加三部係相當難得，車就唔會由石頭爆出來的，好明顯 23 26M 會貢獻其中兩部。
...

大義稟然, 講得好, 我錯晒啦, 你係聖人, 好道德, 我係賤民, 得未?
咁我地最好連15分鐘嘅23M都唔好要啦, 山上新區要開線, 爆晒石都冇車出來架, 我地日日行路上落山
身體好啦, 你滿意未?
路係我設計架, 線都係我諗架, 要順天人要兜真係罪該萬死

原來用家要發聲去爭取等決策者決定係唔正確, 反又話冇建設, 反建議就冇道德,
鎖你, 我厚多士, 真不該出聲, 原諒我仲未明出聲就要預被塘邊鶴審判論道德, 最應該做順民

[ 本帖最後由 leeallen 於 2015-1-31 10:25 編輯 ]

23成日睇住23m黎行
好多時都係23m食哂
除非26a要做班次 否則四順人真係自己執生

不過彩雲<>醫院係小眾需求
同時四順去觀塘係主要客源
加密彩雲一帶班次未算運用資源嘅最好辦法

如果目標係一小區一條區內線嘅話
應該先將23M合落23
主力做密裕民坊<>四順
其餘23M服務範圍就靠28B 14B處理
反正13D仲可以幫手執牛頭角道<>醫院嘅客

原帖由 S3BL100 於 2015-1-31 09:30 發表
想自己有兩飛叫，就要人地無左條線，咩道理？彩雲去醫院班輪椅客點算？

再睇返，23 26M 合併，相信其中一個目的，就係減車俾 619 加車。
619 九巴一口氣加三部係相當難得，車就唔會由石頭爆出來的，好明顯 23 26M 會貢獻其中兩部。
...

只怕23M同26A到時兩條線都半桶水
(23M主力食順利/宿舍;26A主力食順天)
到時兩條線出年會出招陰乾

最終原本14架車做嘅嘢,到時10部都唔知keep唔keep到

原帖由 TankKingEH9697 於 2015-1-31 11:37 發表
23成日睇住23m黎行
好多時都係23m食哂
除非26a要做班次 否則四順人真係自己執生

唯有咁啦, 唔係點呀, 網上有咩論調係勁過道德論, 無敵啦
我老豆老母七老八十要督督下, 一聽少一半車以後除去聯合覆診無必要都唔去觀塘,
我叫佢地打的啦, 又唔係日日去, 我畀, 不過畀佢地話嘥錢我都冇計
我女返playgroup我唯有唔返工都要陪去, 老婆脊骨做過手術唔夠力抱唔通我唔死撐,
呢尐有道德論有冇提?

其實好簡單一個問題
四順既意思幾時變左做順利順致順安同順利致安?
順天呢?

既然自己有要求
咁人地有要求有好出奇?
你媽人地就得
人地媽你就話人地道德論呀?

對RDP提反對議建個個都試過
但提到自己果區大晒既款真係奇景
RDP既數據寫得唔算清楚
但最起碼顯示唔係上面三順大晒

原帖由 JX9097 於 2015-1-31 12:25 發表

只怕23M同26A到時兩條線都半桶水
(23M主力食順利/宿舍;26A主力食順天)
到時兩條線出年會出招陰乾

最終原本14架車做嘅嘢,到時10部都唔知keep唔keep到

點都好過依家分開三條做
但我覺得應該同時執埋23m行車路線，往順利方向可以先行體育館>宿舍>順利>順安>順天，方便居民叫兩飛
而26A往順利可以兜埋裕民坊同月華街，或者觀塘工業中心加多一個站，方便APM或地鐵轉車返順利

另外，如果26A落彩虹加設分段收費同埋轉乘優惠，可以吸引更多撘26A，減輕27負擔

原帖由 leeallen 於 2015-1-31 09:50 發表


大義稟然, 講得好, 我錯晒啦, 你係聖人, 好道德, 我係賤民, 得未?
咁我地最好連15分鐘嘅23M都唔好要啦, 山上新區要開線, 爆晒石都冇車出來架, 我地日日行路上落山
身體好啦, 你滿意未?
路係我設計架, 線都係我諗架 ...

使唔使咁既態度？簡直令人嘆為觀止…
亂郁人地就得，郁到自己一條毛就唔得，話知你係左手交右手俾返自己區，總之就要維持現狀。

我無話兩飛變成得返一飛無壞處，我只係指出緊，如果 23 26M 重組唔成，邊度搵車俾 619 加班同埋開 619X 回程？
係咪會從天而降？定係打劫彩雲條 26M 就無所謂？
就憑話無左 23 23M 兩飛，就可以說服到彩雲拱手讓條 26M 貢獻俾你地俾 619 加車？
同埋順天係咪奉旨要陪兜？順利的利益憑咩一定要比起順天更優先照顧？

使唔使提出少少意見，就要玩無限上綱玩稻草人，仲要發爛渣？
你咁既態度對於理性分析成件事同埋找尋出路到底有咩幫助？
發爛渣能唔能夠加強自己的說服力？唔會倒過來令人覺得你自私？
定係又係只需要站在順利角度就得，其他區點個款就完全唔使理？
其他區想滿足需求就係自私？講少少唔岩聽既野就係十惡不赦？

[ 本帖最後由 S3BL100 於 2015-1-31 13:31 編輯 ]