2015-2016 年度觀塘區路線發展計劃

原帖由 ma212223 於 2015-1-31 12:17 發表
不過彩雲醫院係小眾需求
同時四順去觀塘係主要客源
加密彩雲一帶班次未算運用資源嘅最好辦法

如果目標係一小區一條區內線嘅話
應該先將23M合落23
主力做密裕民坊四順
其餘23M服務範圍就靠28B 14B處理
反正13D仲可以 ...

咁又係，不過醫院因為係醫院，所以不能不做，
唔可以話彩雲居民因為唔係住四順，所以唔照顧佢地去醫院的需要係天經地義無問題。

道理就正如舊年定前年 RDP 建議 93A 95M 合併，聯合醫院全日得 200 個客都無，曉光街多客好多，
但醫院係醫院，所以最後係跟 95M 行，停醫院門口。

不過我原先唔係諗住 23 26M 合併，而係諗住 23 唔郁，
26M 28B 重組，變兩條擺彩福的循環線，食牛頭角一截 23M，23M 食油塘果截 14B，
14B 就油塘藍田逆時針食埋 16M 兼拉上樂華，最後由 13M 食埋九龍灣一截 28B。
咁做的好處係令到大部分社區之間都有直達車連接，唔會再出現 23M 28B 呢類 U 形線無人坐足全程的情況。

但如果係 23 26M 合併，上面的只需要變成 23M 改去彩福就搞掂。
又或者可以 23M 食九龍灣一截 28B，14B 食淨返果半條 28B（結果會係彩福往返觀塘巿中心都要兜上兜落），
或者 13M 拉去彩福（但係彩福會無車停聯合醫院門口），甚至 16M 改行山，經聯合醫院落巿中心，再拉去彩福，玩法應該唔止一種。

叫23/23M兩飛又有問題既 咁兩條路線都疏嘛
23M係9:30-10:30呢段時間好容易就半個鐘先有車
每次都要23打救 無啦啦冇咗23 遲啲咁樣改 隨時可能要搭29M轉地鐵去觀塘先得

23M同26A完全唔同站位 都唔知以後去邊個站位好 我估23M、26A 非繁忙時間起碼15mins一班
而26A亦可能繼續保持26M咁樣係順利往觀塘低迷既客量
我估佢地會繼續用返而家個站位去搭車

23/23M重疊？ 咁26A咪又同14D/27/29M/54M一樣重疊
去彩虹 平又唔夠14D/29M(順利)/54M黎 密又唔夠27黎 (27仲可以係順天揀位坐)
我唔覺得四順有幾多人會靠26A落彩虹
至於由彩虹上四順 由於我唔知26A係牛池灣街市個站位係點 所以我唔評論

順天要佢地兜完四順先可以落返觀塘
可以考慮係http://goo.gl/maps/AVIvl 加個站方便佢地

[ 本帖最後由 kids 於 2015-1-31 13:50 編輯 ]

原帖由 tch17 於 2015-1-31 13:18 發表
點都好過依家分開三條做但我覺得應該同時執埋23m行車路線，往順利方向可以先行體育館>宿舍>順利>順安>順天，方便居民叫兩飛
而26A往順利可以兜埋裕民坊同月華街，或者觀塘工業中心加多一個站，方便APM或地鐵轉車 ...

個人都同意23/23M/26M需要重組
之但係唔係呢種方式

不如咁樣改

23 觀塘碼頭<-->彩虹
來回方向跟27入順天,再經寧波落山

23M 樂華-->順利(循環)
協和街後直上宿舍,之後跟27落順天,再經寧波落山

咁就可以解決到兩條線各自為政嘅情況
唯一問題係觀塘上山順天變尾站,落觀塘就順利變慢
之但係順天落山就唔使行去順安叫兩飛,上山方向順利就快d返到屋企
大家都有得有失

原帖由 tch17 於 2015-1-31 13:18 發表

點都好過依家分開三條做
但我覺得應該同時執埋23m行車路線，往順利方向可以先行體育館>宿舍>順利>順安>順天，方便居民叫兩飛
而26A往順利可以兜埋裕民坊同月華街，或者觀塘工業中心加多一個站，方便APM或地鐵轉車 ...

的確, 若果九巴銳意要將23M 26A在四順的分工分得更清晰, 23M真的要同時執一執四順行車路線, 盡量將不同乘客推向適當路線.

26A來回程行順安道.利安道, 23M就應該來回程行順利邨道, 連順天都唔經, 維持順利往觀塘特快, 亦是將順利同順天客源分得更仔細的做法.

26A依照計劃路線行走, 23M由順利邨道上山, 停順利邨公園.順利消防局.利恆樓, 由新利街轉出順清街不停站再經順景街入邨, 停利富樓落客,
然後停番利業樓(不可不停), 再用新利街出順清街停利康樓(同26A叫兩飛, 23M特快).安頌樓, 最後沿順利邨道落山.

因為23M唔再經順安道, 減少行車時間(冇燈位), 兼且特快落觀塘, 唔駛加車已經可以同時為順安.順利提供更適切服務(跟順天割蓆),
順利又可以繼續叫兩飛(利康樓), 順安想平可以到利安道等26A, 想快唔嫌貴就到順利邨道等23M, 想繼續叫兩飛, 行幾分鐘返利康樓就有,
順利邨居民又可以一吐十多年前條條線都就晒順利DSQ做頭站/尾站的烏氣(23M走線落觀塘要在順利邨兜圈), 各適其式, 任君選擇, 悉隨尊便......

按照呢個辦法分工, 23M四順走線黎緊三十年應該唔駛再變, 本身搭23M往返寧波第二中學果班客, 可以改搭11C 13D 95M(假設三線都不變).
26A就有加班可能, 因為會食唔少彩虹<>順天.安達臣北<>觀塘, 但係一到東九龍綫通車就唔同講法.

原帖由 Snoopy@FB8617 於 2015-1-31 12:46 發表
其實好簡單一個問題
四順既意思幾時變左做順利順致順安同順利致安?
順天呢?

既然自己有要求
咁人地有要求有好出奇?
你媽人地就得
人地媽你就話人地道德論呀?

對RDP提反對議建個個都試過
但提到自己果區大晒既款真 ...

你媽就媽啦，我個建議冇媽人，佢就媽我先喇，雖然佢冇直接講，但係佢係質疑緊我人格，自私不理輪椅人士冇人性，佢人身攻擊我，我一定要為自己防衛，話我建議唔可行冇問題，唔駛用"咩道理""仲好意思咩咩咩""圍住咩咩轉"教訓口吻嘅，大家咁高咁大，有咩資格教訓我?
佢就算有專業資格都唔係可以教訓人，我月月出量畀我班員工，都未用咁嘅口吻去教訓佢地啦。

而且我建議更完全冇圍住順利轉，彩雲有綠小由邨內到聯合醫院內唔好過26M?山上新區藍田油塘一樣係用綠小做呢個功能，我建議用綠小有咩問題?而且另外仲加埋轉乘，我冇理佢地?係輪椅客要轉一次車，但係冇辦法，要佢地就就四個屋邨(順安順利順緻宿舍)同大量學生。

順天唔想兜咪大家兜多次順天囉，23/23M齊齊入，我有話唔得咩?呢個係咪一個可行方法呀?駛唔駛一野判死我自私呀?

佢係好鍾意用圍住xx轉做金牌，唔知當佢老細話要cut佢一半人工因為要請人，叫佢唔好個世界圍住佢自己同家人生活而轉，佢會唔會咁順攤，如果反對唔係建基於某樣野某尐事物某尐信念上，何來反對?咁又係世界圍住xx轉?萬能plug?

Ok,有人可能覺得我反應大咗，我就係咁，有得罪唔好意思

原帖由 JX9097 於 2015-1-31 14:06 發表


個人都同意23/23M/26M需要重組
之但係唔係呢種方式

不如咁樣改

23 觀塘碼頭彩虹
來回方向跟27入順天,再經寧波落山

23M 樂華-->順利(循環)
協和街後直上宿舍,之後跟27落順天,再經寧波落山

咁就可以解決到兩條線 ...

撘26A觀塘上順天冇慢到，返而多左個選擇23M特快去宿舍、順利

原帖由 EX-TL 於 2015-1-31 14:27 發表
的確, 若果九巴銳意要將23M 26A在四順的分工分得更清晰, 23M真的要同時執一執四順行車路線, 盡量將不同乘客推向適當路線.

26A來回程行順安道.利安道, 23M就應該來回程行順利邨道, 連順天都唔經, 維持順利往觀塘特快, 亦是將順利同順天客源分得更仔細的做法.

26A依照計劃路線行走, 23M由順利邨道上山, 停順利邨公園.順利消防局.利恆樓, 由新利街轉出順清街不停站再經順景街入邨, 停利富樓落客,
然後停番利業樓(不可不停), 再用新利街出順清街停利康樓(同26A叫兩飛, 23M特快).安頌樓, 最後沿順利邨道落山.

因為23M唔再經順安道, 減少行車時間(冇燈位), 兼且特快落觀塘, 唔駛加車已經可以同時為順安.順利提供更適切服務(跟順天割蓆),
順利又可以繼續叫兩飛(利康樓), 順安想平可以到利安道等26A, 想快唔嫌貴就到順利邨道等23M, 想繼續叫兩飛, 行幾分鐘返利康樓就有,
順利邨居民又可以一吐十多年前條條線都就晒順利DSQ做頭站/尾站的烏氣(23M走線落觀塘要在順利邨兜圈), 各適其式, 任君選擇, 悉隨尊便......

按照呢個辦法分工, 23M四順走線黎緊三十年應該唔駛再變, 本身搭23M往返寧波第二中學果班客, 可以改搭11C 13D 95M(假設三線都不變).
26A就有加班可能, 因為會食唔少彩虹<>順天.安達臣北<>觀塘, 但係一到東九龍綫通車就唔同講法.

23M咁改法的話,順利段其實太兜
(其實即係夾硬圍住順利兜圈)

可能閣下諗住就番23M,26A叫兩飛
但係咁改完之後23M係咪真係食到多d客? 未必

不如好似小弟建議咁,兩條線跟27出入
咁就可以唔使兜圈,同時又可以盡可能叫兩飛

宿舍:唔需要過馬路,喺樓下搭車
順利邨:利恆樓(即停車場巴士站),利康樓(前大排檔)
順安:安逸樓(對唔住,要過馬路搭車)
順天:巴士總站(不變)
咁26A就做觀塘-->順天特快,落山又唔會慢,又唔需要行去順安坐車
23M就做觀塘-->順利特快,落山會慢些少(因為要入順天),但換嚟密車

[ 本帖最後由 JX9097 於 2015-1-31 15:36 編輯 ]

讚同，安逸樓等車可以叫三飛
我們地好似唔記得重有47

原帖由 S3BL100 於 2015-1-31 13:41 發表


咁又係，不過醫院因為係醫院，所以不能不做，
唔可以話彩雲居民因為唔係住四順，所以唔照顧佢地去醫院的需要係天經地義無問題。

道理就正如舊年定前年 RDP 建議 93A 95M 合併，聯合醫院全日得 200 個客都無，曉光街多客好多，
...

整更多U型線，
屈人全程價用半程車，
就係我之前講，
九巴巧立名目增加里數去呃短途車費嘅其中一種方式。

[ 本帖最後由 transbus 於 2015-1-31 16:05 編輯 ]

原帖由 JX9097 於 2015-1-31 15:34 發表

23M咁改法的話,順利段其實太兜
(其實即係夾硬圍住順利兜圈)

可能閣下諗住就番23M,26A叫兩飛
但係咁改完之後23M係咪真係食到多d客? 未必

不如好似小弟建議咁,兩條線跟27出入
咁就可以唔使兜圈,同時又可以盡可能叫 ...

小弟改法只係想盡量分開順利.順安同順天.安達臣北, 因為順利.順安基本上已經發展完成, 順天及順安以東有安達臣北,
呢度由得佢自然發展, 好好利用兩條路線去做好分工.

叫兩飛的問題係源於本身三線合併為兩線, 順路有個站(利康樓)可以做到就做啦, 做唔到我都冇所謂.

23M順利部份先上DSQ, 然後在順利邨兜圈, 純粹係想先服務順利西(DSQ+利恆樓), 然後盡快返回原線做順利東(停利富樓落客),
再服務順緻苑(利業樓), 盡量唔想改變順利邨.順緻苑居民及學生乘車習慣(要行到去利恆樓.利康樓搭車), 最後停埋利康樓,
而停利康樓剛好可以同26A叫兩飛, 係順利邨.順安邨之間, 而觀塘上順安邨為頭站(順利邨公園), 落山係尾站(安頌樓),
對順安邨來講有齊晒頭站/尾站+特快+兩飛(另一飛係行利安道的26A).

23M咁行係咪食到多D客? 唔一定, 呢條定線只想將四順乘客分得更清晰, 有冇多左客, 好視乎DSQ buy唔buy特快上山, 因為
現時23 23M上山方向, 非繁同下繁都甚少有人落車(有部份係以佐敦谷公園為目的地), 返學時間唔多清楚, 但我會認為學生返學
都幾趕時間, 所以先做8座DSQ+數間學校, 分工之餘亦有機會爭取到更高客量, 往觀塘佢地冇小巴(除非人人都肯行去利明樓
搭果條疏到冇朋友的47), 基本上係焗住搭巴士, 順利邨兜圈冇燈位, 只有停站. 跟26A行利安道.順天總站.順安道.秀茂坪道落山
好肯定比在順利邨兜圈耐(順天果邊燈位多, 而且經常唔順).

另一方面, 順利邨公園同順利消防局落左一批客, 消防局一定上到車(情況同而家順天總站一樣), 所以當有機會理順23M走線的話,
順利.順安一組會比經順天更有效率, 而班次就要睇呢班客支持到幾多, 而我相信全日大部份時間12/15分鐘一班係冇問題(同現時差唔多).

如23M行順天落山, 而安達臣北有能力令26A 23M客量上升而加車的話, 到時部車應該加俾邊條線, 相信又有另一番爭論.