$2優惠是否阻礙行車時間的討論

原帖由 SB6206 於 27/2/2015 19:45 發表

有時果批本土線真係抵俾人話 ，好似城記10仔咁，一係就冇四五個字都唔嚟，一係就一嚟就拖住上，其實10仔已經嚇走好多熟客，因為而家真係一日做得比一日差，以前平得嚟又密車，而家可能俾路面情況搞到一舊屎咁，又慢又唔穩定又少車 ...

搭十仔碼頭上下個站落？行過去都唔洗5分鐘啦！

之前Volvo兄提過，其實半價后再八折可以令資源更好運用，唔會話搭682小西灣上筲箕灣落；個人認爲其實幾好，可以減少搭車時間，同埋會令真係搭本土綫既人省到更多。

再講，之前有新聞都講過，有人濫用長者$2優惠（即非長者但用長者八達通搭車)、同埋D游客（特別某個國家來個D，深西綫濫用情況系一個好例子）會濫用依個$2優惠，其實會唔會透過修改長者乘車優惠規定，做埋“實名制”（即系要用個人八達通先可以拿到長者乘車優惠，學生卡都係這樣）？

原帖由 siusiupeople 於 28-2-2015 11:22 發表

又一個挑動階級分化，無事生非，無風起浪的人, 哀哉.

粗字那句真係好好笑，班2蚊客係真金白銀比錢落去搭，唔係免費，而且係要過左65 同埋合資格的殘疾人士先可以用2蚊搭車。
再講，由你上車比全費搭車那刻開始，你荷包已經 ...

粗字那句真係好好笑，班納稅人係真金白銀比錢落去補貼車費⋯

另外，我好同意你呢句：「無論你交的稅是否用來補貼2蚊客搭車，你荷包都係少左錢。」
正如出外用饍，叫個梅菜扣肉，無論你俾嘅價錢係咪用嚟買適當嘅食材，你荷包都係少咗錢，
不過呢，做人最緊要係和諧，唔好挑動階級分化，得閒一兩餐霉菜扣肉咪算數囉，食你唔死嘅，right？
------

認真，我好同意老人家對社會係有貢獻，過去為香港建樹良多，
但唔代表可以濫用福利，合理住屋（如公屋）係基本人權，
但用平價揀坐貴車，呢個絕對唔係基本需要，
唔應該用公帑去滿足呢啲自私人士嘅慾望

你覺得一啲事影響細，唔代表可以去縱容錯事，
唔好去到他日有人越做越錯，嚴重影響到你嘅時候，
你先嚟後悔點解當初「包容」佢

其實，長者總唔會想日日去遠地方，星期一至六只資助4程長途線都可以考慮，
但一日唔超過兩程長途車受資助，而兩程車嘅起點區唔可以一樣同係港島、九龍、新界本土或大嶼山，
咁出行嘅長者唔會受影響，對短程車嘅長者都冇影響，而經常用長途線嘅長者就負擔返較多車費

[ 本帖最後由 FS1819 於 2015-2-28 21:00 編輯 ]

原帖由 siusiupeople 於 2015-2-28 19:47 發表

你究竟明唔明2蚊搭車優惠的原意? 如果你明，粗字那句根本無意思.
人性總係欺善怕惡的，自私的，正如黃子華所講，自己那串魚蛋少左一粒都唔比其他人有多一粒魚蛋。
批評的人見自己無優惠又要交稅，咪將怒氣發在他們身上，批評那班用緊2蚊優惠的人囉，
原因好簡單，他們無還擊之力，批評他們係最安全，加上現時CY政府民望低，又可以衝擊政府的民望，成本最低又有效，
我只係想提醒你，人性險惡，不要因為見多人批評就以為做緊正確的事。

照你既邏輯, 我呢個唔駛俾錢已經有十粒魚蛋既人, 應該可以大大聲聲媽叉果班老鬼啦
仲有呢單野, 我從曾蔭權時代果陣已經媽叉佢
因為以香港人既屎忽鬼性格, 呢個優惠一定會俾人濫用, 事實上真係中中中又中
就算隻狗隻豬邊個上場, 民望有70分定負70分, 我個立場一直堅定不移, 都係反對2蚊乘車
我認我係一個自私刻毒涼薄冇同情心既真小人, so what?

原帖由 superbus 於 2015-3-1 01:59 發表
照你既邏輯, 我呢個唔駛俾錢已經有十粒魚蛋既人, 應該可以大大聲聲媽叉果班老鬼啦
仲有呢單野, 我從曾蔭權時代果陣已經媽叉佢
因為以香港人既屎忽鬼性格, 呢個優惠一定會俾人濫用, 事實上真係中中中又中
就算隻狗隻豬邊個上場, 民望有70分定負70分, 我個立場一直堅定不移, 都係反對2蚊乘車
我認我係一個自私刻毒涼薄冇同情心既真小人, so what?

所有優惠都有濫用
咁需唔需要以後所有野都劃一收費?
實行比馬列主義更共產的主義

就算沒有 $2 呢回事, 老者, 學生半價都係政府用錢保貼緊呢班人
錢都係納稅人俾嚟
你之所以唔駛錢有十粒魚蛋的生物
都係其他乘客肯搭車
等閣下間公司有錢搵再俾福利你地
唔好覺得係天經地義

如果咁就自以為可以馬叉, 指罵 $2 係叫做死老鬼
好得戚, 好威威咁唔駛等 60 歲都可以享有比 60歲以上更好福利時
又自認自己係無良心, 再拋句 so what 就可以說話如此不負責的生物

過唔到 60 絕對唔過份

[ 本帖最後由 cky 於 2015-3-1 03:04 編輯 ]

原帖由 siusiupeople 於 2015-2-28 19:47 發表
你究竟明唔明2蚊搭車優惠的原意? 如果你明，粗字那句根本無意思.
人性總係欺善怕惡的，自私的，正如黃子華所講，自己那串魚蛋少左一粒都唔比其他人有多一粒魚蛋。
批評的人見自己無優惠又要交稅，咪將怒氣發在他們身上，批評 ...

政府開忠明義講明
$2 車費係鼓勵長者外出
就係咁簡單
話知佢用 $2 由屋企坐 3 個站定坐幾個鐘車

正如上一篇咁講
有沒有 $2, 納稅人都係要補貼俾用緊優惠的人
巴士公司用邊架車載佢, 都對佢整盤數沒有影響


花時間去諗一日幾多程限頟, 半價再幾多折等等
只係花錢晌提供服務公司的各種行政費用上
改過晒八達通程式, 定計下呢條線點 set 果條線點搞
得不償失, 巴士公司才不會去想這個問題

話唔定當政府, 巴士公司唔睬佢地
就會觸發呢班反對 $2 乘車的巴士迷
自組糾察隊, 長駐導航位
檢查下上車的長者, 問佢地邊度落
發覺佢地坐短途的一律唔俾上車
就好似上星期班英國球迷晌法國地鐵唔俾黑人上車咁樣
應該即刻會上報
等人關注下係咪 $2 乘車係咁剋人憎

講穿咗, 亂 fing 錢只係包裝偽述
真正原因跟本就係阻佢地搭車 (或者係遊車河) 時間
搞到長途巴士線做唔到快過鐵路咁簡單

原帖由 cky 於 2015-3-1 03:22 發表

政府開忠明義講明
$2 車費係鼓勵長者外出
就係咁簡單
話知佢用 $2 由屋企坐 3 個站定坐幾個鐘車

正如上一篇咁講
有沒有 $2, 納稅人都係要補貼俾用緊優惠的人
巴士公司用邊架車載佢, 都對佢整盤數沒有影響


花時間 ...

沒錯 巴士公司的確係會想趕班客上過海線/長途線
因為多出來既差額咪又係靠我地找數
早繁大量2蚊客搭601落山真係經典

過多十幾年 1/3係長者..到時睇下班後生點養班大帝先


有版友話要轉搭港鐵 笑死人
學司長話齋 : 等多幾架車 包容下先啦

原帖由 cky 於 2015-3-1 03:22 發表

政府開忠明義講明
$2 車費係鼓勵長者外出
就係咁簡單
話知佢用 $2 由屋企坐 3 個站定坐幾個鐘車

正如上一篇咁講
有沒有 $2, 納稅人都係要補貼俾用緊優惠的人
巴士公司用邊架車載佢, 都對佢整盤數沒有影響


花時間 ...

好簡單一個問題，有長者利用$2優惠走水貨，一日來回數次，係咪應該?

$2乘車計劃既目的係
「鼓勵他們(長者)融入社區，建立關愛共融的社會」
主要係針對偏遠地區既長者融入社區，例如住離島坐船去市區，大西北坐巴士過港島等等
若由杏花邨去北角都只係$1.9，或港島沿岸搭電車亦只係$1.1，計劃根本就唔係針對呢班人
請明白當初制定計劃之原意

說到底，如上任特首所言，「理性的政策討論，被感性反應通通蓋過」
若然有非合資格人士「濫用」$2乘車優惠，反應已經是不一樣
站係「道德高地」上，有人「包容」「長線短用」的長者是無可厚非
對人不對事亦可以理解，但並不表示我地既同理心可以被人利用，包容與縱容只係一線之差

[ 本帖最後由 GL3789 於 2015-3-1 12:32 編輯 ]

原帖由 cky 於 2015-3-1 03:02 發表

所有優惠都有濫用
咁需唔需要以後所有野都劃一收費?
實行比馬列主義更共產的主義

就算沒有 $2 呢回事, 老者, 學生半價都係政府用錢保貼緊呢班人
錢都係納稅人俾嚟
你之所以唔駛錢有十粒魚蛋的生物
都係其他乘客肯 ...

除左$2外，其餘長者半價，學生半價都係營運商自己負責，冇用過一毫子公帤。

原帖由 siusiupeople 於 2015-2-28 19:47 發表

你究竟明唔明2蚊搭車優惠的原意? 如果你明，粗字那句根本無意思.
人性總係欺善怕惡的，自私的，正如黃子華所講，自己那串魚蛋少左一粒都唔比其他人有多一粒魚蛋。
批評的人見自己無優惠又要交稅，咪將怒氣發在他們身上，批評那班用緊2蚊優惠的人囉，
原因好簡單，他們無還擊之力，批評他們係最安全，加上現時CY政府民望低，又可以衝擊政府的民望，成本最低又有效，
我只係想提醒你，人性險惡，不要因為見多人批評就以為做緊正確的事。

改來改去，分分鐘得不償失，咁做咩唔劃一2蚊，簡簡單單?

原帖由 hon_son_wilson 於 2015-2-28 14:12 發表
劃一$2正正令長者見站就等、見車就上，唔使左諗右諗，不良於行的長者更能省卻勞頓之苦。

如果改用折扣(假設2折或3折)，可以奉行返「用者自付」的原則，而且有更多路線平過$2，
不過部份長者(特別係基層)可能會「就住使」，都係揀平車搭，咁就會令佢地辛苦d。
如果話分時段或分平日假日實行不同優惠，咁長者可能都會嫌麻煩，又會惹起反彈。

個人意見認為「用者自付」改用折扣好，講真2折/3折已經平過普通人一大截，
要揀車搭就係個人選擇自由，係都要捨2,6搭68X,69X都奈佢唔何。
如果唔嫌麻煩，我會建議平日2折、假日$2，在繁時通勤及社會責任之間找落腳點。

粗字那句就係我嘅意思。個人而言改唔改其實無所謂，反正$2目前對我影響不大。
我只係想提出用者自付的原則，所有乘客都係搭幾多俾幾多，
長者再按使用比例/折扣補貼，務求比劃一$2更接近公平。

半價變$2都有一次性行政費用啦，因為怕行政費用而唔再改制度，都講唔通啫。
不過，$2優惠同差餉電費定額補貼相似，有「財富再分配」的目的，
「用者自付」哩種「公平」對基層而言或者「無咁著數」。