$2優惠是否阻礙行車時間的討論

原帖由 3ASV174 於 2015-3-1 22:04 發表
呢個「減免」始終都唔係按使用量補貼，
而最重要係佢仍然有用者自付呢個概念，津貼使用者既同時，佢仍然係需要按使用量付出相應既錢，搭貴車要自己俾多o的，搭長途車亦要俾多o的，講到底性質仍然係同亂咁貼既 $2 係唔同。

講真 ...

我真係唔明你, 你講到因為劃一$2, d 人可以寧願等耐d 都要上架貴車, 咁唔理性, 咁唔要得gei, 如果劃一折扣, 正如我上文, 一樣可以有一樣的問題....根本無分別...

如果時間都值錢, 係$x, 佢寧願等耐d 都要上架貴車, 有平車都唔上gei, 已經係$2+x, 都已經係唔理性的表現.....即寧願浪費自己時間都要拎到盡...
咁有d老人家本身有錢, 根本唔自在幾蚊, 但最想拎到盡, 同樣佢一樣會搭你講的天價貴車, 因為如果固定折扣係2折, 所有車一樣折, 佢搭天價貴車心理上節省的係比
平車都多5-6倍 wor, 不是嗎?

或者唔講咁極端, 當固定折扣係2折, 貴車同平車車費實質差額會大幅減少, 去到無所謂的分別, 而如果貴車係密d, 一樣會有老人定短途上貴車/長途車....因為等短d時間....

咁又點處理ar? 公帑一樣係用不得其所....

[ 本帖最後由 3ASV196 於 2015-3-1 22:22 編輯 ]

原帖由 3ASV196 於 2015-3-1 22:12 發表


我真係唔明你, 你講到因為劃一$2, d 人可以寧願等耐d 都要上架貴車, 咁唔理性, 咁唔要得gei, 如果劃一折扣, 正如我上文, 一樣可以有呢個問題....

如果時間都值錢, 係$x, 佢寧願等耐d 都要上架貴車, 有平車都唔上g ...

我無講過話o的人會專登等架貴車，
係o個o的一齊有平車貴車到上架貴車，或者明明平車都好密，偏偏一陣都唔等上架貴車既人。

我唔 care 係咪真係完全杜絕長車短搭，最重要係當如果只有兩折三折既時候，你係連幾毫至一牌 premium 都唔願意俾去上架貴車既話，
點解你俾 $2 人地貼晒其他，你就唔理隨便上？我一向都話你要俾多o的錢而不論多少既時候你都要照上貴車，係吹你唔漲架喎，但唔好係因為你唔使俾多，先幾貴都唔當係一回事囉。
Again 係心態問題，我贊成兩三折係比較好既處理方法，但我無要求過要去改依家既制度，亦無覺得要加限制或取消，
只係唔該用兩蚊既人，都自律少少，諗下係咪有必要咁樣去 fing，有架 296M 同 E22A 一齊到站既時候，上返架 296M 而唔係見 E22A 行先就上 E22A，
又或者有 682 到站時候，等多幾秒，等 81 82 82X 85 106 606 先上，而我唔明點解原來咁小既期望都係唔可以有，仲有咁多神奇人飛撲出黎話咁樣係刻薄老人家，真係好好笑。

[ 本帖最後由 3ASV174 於 2015-3-1 22:27 編輯 ]

又或者有 682 到站時候，等多幾秒，等 81 82 82X 85 106 606 先上，而我唔明點解原來咁少要期望都係唔可以有，仲有咁多神奇人飛撲出黎話咁樣係刻薄老人家，真係好好笑。

嗱，81 82X 85疏車，82班次不穩，106經常踢車，俾着有部682，重要係同價，你上唔上先？

甚至連薄扶林線，4 4X 7 30X 37B 40 40M 71 90B 91可以5分鐘都無部車來，如果970同之前堆線同價唔通你又唔上呀？

原帖由 miklcct 於 2015-3-1 22:28 發表

嗱，81 82X 85疏車，82班次不穩，106經常踢車，俾着有部682，重要係同價，你上唔上先？

甚至連薄扶林線，4 4X 7 30X 37B 40 40M 71 90B 91可以5分鐘都無部車來，如果970同之前堆線同價唔通你又唔上呀？ ...

你問我？我真係唔會上，65 歲之後都唔會。
呢兩個路段，根本架貴車走後 5 分鐘內都總有架岩路車到站，尤其 682 正價實在貴得太多，我就唔會恃住自己 $2 就上架 $19 ($9.5) 既車囉。
人地請我食飯，我點都係唔使錢咁計，
我係一定唔會食最貴個 set 囉。

[ 本帖最後由 3ASV174 於 2015-3-1 22:35 編輯 ]

原帖由 3ASV174 於 2015-3-1 22:33 發表
你問我？我真係唔會上，65 歲之後都唔會。
呢兩個路段，根本架貴車走後 5 分鐘內都總有架岩路車到站，尤其 682 正價實在貴得太多，我就唔會恃住自己 $2 就上架 $19 ($9.5) 既車囉。 ...

咁有骨氣?
講就易,實際上?可能等到變化石先有82

原帖由 BlackBird 於 2015-3-1 22:38 發表

咁有骨氣?
講就易,實際上?可能等到變化石先有82

告士打道執錢既人都唔理解點解會有人路不拾遺，
然後俾好多理由去合理化自己執錢呢個行為。

原帖由 3ASV174 於 2015-3-1 22:33 發表
你問我？我真係唔會上，65 歲之後都唔會。
呢兩個路段，根本架貴車走後 5 分鐘內都總有架岩路車到站，尤其 682 正價實在貴得太多，我就唔會恃住自己 $2 就上架 $19 ($9.5) 既車囉。
人地請我食飯，我點都係唔使錢咁計，
我係一定唔 ...

其實如果你自己唔會做, ok, 我欣賞, 但其實我覺得真係唔可以話人... 因為咁做真係無可厚非, 而且制度下容許...

直言, 你要求老人家咁樣"自律", 只是成為一個相反方向的道德塔利班....尤其為等少d時間的那一批...
可能你後生唔覺, 對唔少老人家, 等車並非易事....

可能你都係唔同意, 但等車時間, 真係考慮重點黎ga

[ 本帖最後由 3ASV196 於 2015-3-1 22:52 編輯 ]

其實大家再諗諗, 用$2坐了貴線, 補貼多了, 真的浪費公帑?

非也! 專利巴士有利潤管制, 賺突了, 巴士公司都是袋不了而要嘔番出來, 大家看看新巴/城巴及龍運的即日每兩程減$2/回程九折, 大家不是受惠了? 而九巴就算加價,加幅也被CUT...事實上, 坐貴線的"$2乘客"也變相間接補貼番大家搭車! 反而最大的問題, 是未來巴士加價, $2乘客不會受影響俾多錢,但公帑補貼會隨之增加...

反而, 專線小巴是"保證有位坐", 在運輸署來說, 是Premium Service,補助專利巴士服務不足,本月底開始,"$2乘客"都只要$2坐專線VAN, 而不是半價或全費的某個DISCOUNT才是奇怪!

由於一向專線VAN都是65歲以上都收全費(個別營運商例外),政府的補貼, 不是半價減$2,而是全費減$2...這個,才是真正攪亂市場運作! 而綠VAN得16個位, 上班上學人士排上車耐左才真...(城巴A線, 新渡輪豪華位都不是$2而是半價).

口口聲聲說"$2乘客"阻你架巴士, 可能因專線VAN都$2而少尐, 不過到你想俾多少少坐專線VAN買時間都行唔通,才是真正的惡夢! 不過, 政治現實, 潑了出去的水, 是收不回的, $2的下場, 將是全免...

調番轉, 我更CONCERN是27/2/2015東方日報指出的問題: 用我們香港人的血汗公帑去貼大陸65歲或以上人士來走私,影響我們的社會安寧!

http://hk.on.cc/hk/bkn/cnt/news/ ... ventsection=hk_news

真正要做, 應是限定已登記香港人身份的八達通才可享有$2長者/殘疾優惠!

[ 本帖最後由 leslie 於 2015-3-1 23:13 編輯 ]