$2優惠是否阻礙行車時間的討論

原帖由 rkkwan 於 2015-2-27 12:52 發表
D過海車嚮缐頭線尾載空氣就係浪費資源。兩弊求其次，我寧願嘥公帑好過！

如果唔想缐頭線尾載空氣，要長線兼短用，應該從分段收費著手，
咁唔單止長者客，普通客都會幫手填空位。

我自己每星期都要搭一次九巴45，咪睇到D老人家，有30/46唔用，見車就上囉。
老人家搭幾個站就落。我後生仔搭足全程。
以前由荔景山去紅磡45分鐘左右車程，宜家變左70分鐘。唉！

$2優惠根本就係有問題。
最簡單，好似就業交通津貼，政府就直接出$600一個月俾人。
點解老人家又唔出俾佢地？或者定個車費津貼上限？
如果真係想老人家直接受惠，又想佢地出多D街。咪叫老人家開張個人八達通。老人家拍左幾多車費，政府之後入返幾多落去佢銀行戶口或者八達通咭。(津貼要有上限)
好似醫療卷咁。咁D老人家就會計住條數黎用。
而且仲可以解決非$2客用長者八達通問題。

咁長途車就唔會俾$2客短途用。

雖然以兩三扣收費好似較理想,
但政府無誘因咁做。
就算短途車折完平過$2,
但長途車會貴過現時,
咁根本無議員會提出咁既建議得失選民。
業界更加會反對少左補貼既方案
對政府來說
每年有限數的開支同受影響人數之多
更不會冒險改規矩

到時最賺錢嘅特快線無晒吸引力
剩低一大堆蝕錢嘅短途車程
唔減3成車都唔掂

原帖由 hon_son_wilson 於 2015-2-27 13:00 發表


如果唔想缐頭線尾載空氣，要長線兼短用，應該從分段收費著手，
咁唔單止長者客，普通客都會幫手填空位。

原帖由 ma212223 於 2015-2-27 13:45 發表
到時最賺錢嘅特快線無晒吸引力
剩低一大堆蝕錢嘅短途車程
唔減3成車都唔掂

如果106減到雙向4.1，82可能由現時4/8分鐘一班直接摺線！因為106一來特慢，沒人願意搭全程，二來班次頻密，結果現時頭尾載空氣。只要一同路同價，等82的乘客見到106的車鏈直接上車！結果82就可取消，將資源調去106P吸引新客！

682情況都一樣，小西灣上車毫無吸引力。

原帖由 dogwong1 於 2015-2-27 13:38 發表
我自己每星期都要搭一次九巴45，咪睇到D老人家，有30/46唔用，見車就上囉。
老人家搭幾個站就落。我後生仔搭足全程。
以前由荔景山去紅磡45分鐘左右車程，宜家變左70分鐘。唉！

$2優惠根本就係有問題。
最簡單，好似就業交通津 ...

現金津貼直接俾老人家，佢地唔一定會用晒落交通費上面，甚至有些人會將呢筆錢儲起
咁就違背左政府鼓勵長者外出既原意

如果係按量收費，然後由政府入返錢落長者戶口，會產生大量不必要既行政費，隨時遠超先前所估計既$4000萬行政費，並不符合成本效益
就算津貼有上限(例如津貼金額上限按月計算)，住係偏遠地區會因上限而減少外出，同時亦都解決唔到「長線短用」呢個問題

[ 本帖最後由 GL3789 於 2015-2-27 14:08 編輯 ]

原帖由 GL3789 於 2015-2-27 14:05 發表


現金津貼直接俾老人家，佢地唔一定會用晒落交通費上面，甚至有些人會將呢筆錢儲起
咁就違背左政府鼓勵長者外出既原意

如果係按量收費，然後由政府入返錢落長者戶口，會產生大量不必要既行政費，隨時遠超先前所估計既$4000萬 ...

醫療卷制度好大行政費？
係電腦化既年代，要加多幾多行政費呢？
仲有，個人八達通根本就實行緊。大專學生申請港鐵優惠車費，年年都申請一次。
老人家申請生果金既同時，幫佢個人八達通開多項資料，係交通津貼資料。行政上已經可行。

仲有，老人家真係要日日都要搭長途車？日日都由將軍澳去東涌？
唔可以間唔中搭下短途車出街？

唔好唔記得，宜家俾長途車費搭短途線既都係多左既費用。
我地班打工仔，每人坐長途車多左時間，就等於少左工作時間。減少左香港勞動力，GNP細左，稅收少左。
呢條數仲勁。

[ 本帖最後由 dogwong1 於 2015-2-27 14:37 編輯 ]

原帖由 ky927 於 2015-2-27 00:55 發表

盈餘都638億啦，攞2億俾老人家搭車，咁都牙痛，我真係希望你唔會老啦咁。

請參考財爺早兩日的數字....
161. ...「長者及合資格殘疾人士公共交通票價優惠計劃」推行三年以來，已陸續擴展至港鐵、專營巴士和渡輪，令更多人士受惠。由二零一五年三月底開始，計劃會分階段擴展至「綠色」專線小巴。計劃的經常開支在這三年間增加三倍至九億元。...

http://www.budget.gov.hk/2015/chi/budget43.html

原帖由 ksmbh 於 2015-2-27 13:45 發表
雖然以兩三扣收費好似較理想,
但政府無誘因咁做。
就算短途車折完平過$2,
但長途車會貴過現時,
咁根本無議員會提出咁既建議得失選民。
業界更加會反對少左補貼既方案
對政府來說
每年有限數的開支同受影響人數之多
...

如果計到現時全港劃一$2優惠的補貼總金額(正如樓上話9億)，
全港所有巴士小巴路線用特定折扣程度，俾返果個額甚至多少少，咁就唔係縮減優惠啦。
而且車費應該搭幾多俾幾多，短途車平過$2都合理喎。

[ 本帖最後由 hon_son_wilson 於 2015-2-27 14:41 編輯 ]

原帖由 dogwong1 於 2015-2-27 14:26 發表

醫療卷制度好大行政費？
係電腦化既年代，要加多幾多行政費呢？
仲有，個人八達通根本就實行緊。大專學生申請港鐵優惠車費，年年都申請一次。
老人家申請生果金既同時，幫佢開多項資料，係交通津貼資料。行政上已經可行。

仲有，老 ...

我諗你唔係好清楚醫療券制度
為左方便長者，佢地係不須預先登記，只要惠顧既時候出示身份證及簽下同意書，就可以用醫療券

但申請個人八達通無論係首次申請，抑或每年續期，都係有手續費
咁如果長者八達通轉為個人八達通，(現有合資格長者為100萬人)﹐該些手續費/行政費金額是如何的大及不必要
若按量收費，需要有新既結算平台，為每位長者計算該月或該季金額，這些平台架設及維護是否不需要費用?
要核對每位長者 每次使用的金額及應發還的津貼，又是否不需要費用?
已申請生果金既老人家，又如何獲得個人八達通呢?

現在問題係有人「濫用」$2呢個優惠，「長線短用」，影響長途線既運作效率
你所提出既建議無解決過呢個問題喎，完全無處理過成件事

[ 本帖最後由 GL3789 於 2015-2-27 15:07 編輯 ]