青沙，係咪大家想象中咁吸引？

幾年前青沙剛通車時行過一轉的結論就係
九龍果邊出入口支路太少, 揸車都嫌佢唔係咁方便
巴士公司早年唔願開發青沙線唔係冇道理...

原帖由 da87 於 2015-3-4 05:49 發表
幾年前青沙剛通車時行過一轉的結論就係
九龍果邊出入口支路太少, 揸車都嫌佢唔係咁方便
巴士公司早年唔願開發青沙線唔係冇道理...

運輸署比審計處批評過咪要做野。


但是審計處不會識巴士路線規劃。 它的focus 是點解起了個轉車站, 但使用率是'0', 究竟公帑是否用得其所/ 決策過程有無問題?

如果將271分拆成271同271X好唔好~~反正窩打老道一向都唔多客
271 改為富亨<>九龍站   15-20分鐘一班 用車8正1蛇
往九龍方向，沿窩打老道左轉彌敦道後，再右轉佐敦道
往大埔方向，九龍站開出後，沿窩打老道直去

271X 富亨<>尖沙咀(廣東道)  改經青沙公路、匯翔道  8-20分鐘一班  用車14正4蛇
跟280X走法

怨我直言，你咁做，成件事會超錯。

一、油麻地、廣華一段其實唔少人上271架，你推到落去15-20分鐘一班，仲疏過270A同81C，真係好趕客。
二、尖沙咀一段既271X，雖然班次假假地都仲有8分鐘一班，但係車程快得幾多呢？
正如我所講，不論係返新界定係入九龍，由彌敦道至連翔道隨時要用10分鐘。
你話繁時拆兩、三班做271X行青沙試驗下，我唔反對既，不過全日就有保留啦。
三、仲有，你條271行佐敦道去九龍站，你又知唔知佐敦道返出彌敦道有幾塞？
如果你有留意，我唔會相信你會再踢線入去佐敦道。

原帖由 siusiupeople 於 2015-3-4 00:58 發表

嘩，原來offer 唔吸引, 唔係去同九巴fight 更多野返來, 反而走去咬唔同意見的人,
我完全明白了.

建議 81 旺角止步係你，叫人貴價轉乘做補償又係你，
我話你知係你成個 plan 唔掂，仲好意思要我幫你諗埋有咩要 fight。

建制 offer 嘅 plan 唔吸引，通常都唔會話反省下個 plan 有咩問題，而係攻擊反對嘅人，低質打手亦復如是。

咁公平D講，286X咁走法，都係預你美孚 -> 沙田；
沙田至美孚，老九都係叫你保鐵，除非你忍受到286X咁樣兜一大個圈。

美孚又係好奇怪既。
上青沙就好方便；
但由青沙落黎美孚呢……就……well……I have no comments...

原帖由 siusiupeople 於 2015-3-4 02:04 發表

那麼就要視乎你有多堅持去爭取啦，唔可以因為九巴往績而不做實事架嗎。
如果唔係，我點解要選你先?

咁你咪去爭取加密青沙線, 同埋稍加轉車優惠額囉, 邊個阻止你呢?
作為地區議員，這些才是應做的實事來。

你要選我? 首先要我係區議員先, 不過多謝抬舉, 我唔係區議員.

原帖由 siusiupeople 於 2015-3-4 02:04 發表

望下立法會，泛民日日做SHOW 撈選票，浪費時間，結果咪慘敗囉，
地區直選只係僅僅贏建制派一席，明顯就係民心所向啦，泛民再唔努力，下屆一定輸得更徹底。


有句說話叫: "一人一票選特首，有票唔要無理由"。你比個理由我，點解唔接受?

我用例子答你.

就望返青沙轉車站, 有推銷員日日上討論區做show拉票,
只顧硬銷有新線俾你搭, 同埋擴充網絡已經好好,
但係無視轉車班次同車費極低吸引力, 反而怪罪班客唔肯放棄平價直車,
結果成個青沙轉車站咪客量慘敗囉, 明顯就係民心所背啦, 點解要屈就?
九巴再唔努力聽真民意, 只顧硬銷, 甚至製造反面輿論,
將來一定蝕得更徹底, 學板友話齋, 載空國際.

原帖由 siusiupeople 於 2015-3-4 02:04 發表


三位司長不論係立法會，區議會，已經講到明有得傾, 有修改空間, 你唔行第一步點會有第二步比你行?
呢個道理一字咁淺，點解你咁都唔明?

近年唔少路線建議, 上到區議會, 同樣講到明有得傾, 有修改空間,
最終拍板之後, 行完第一步, 有冇找足數做第二步比人行?
有o的線開o左但係少o左幾班車, 有o的車就失蹤冇回填俾返同區其他線.
呢個局面一字咁淺, 點解你咁都唔明?

原帖由 siusiupeople 於 2015-3-4 02:04 發表


將來可以一人一票選特首, 全港合資格的人都有份選, 比宜家得千二人有份選更民主,
假普選? 唔好成日比坊間一D 反政府的傳媒影響你得唔得?

全港得一個生果檔, 同時全港有各種唔同生果種植,
不過搵千二個股東, 預先揀定只限士多啤梨蘋果橙三樣賣俾全港,
再叫五百萬人揀想食乜生果, 咁叫普選?
我想食香蕉楊桃西瓜蜜桃提子菠蘿芒果榴槤, 通通冇得揀, 唔入貨之餘,
仲反怪我違反股東規定, 咁叫有得揀?
不如話我有得揀食定唔食?


青沙轉車唔吸引, 我可以唔俾任何一仙財入九巴袋, 去揀搭其他車,
香港生果唔食, 我去到全世界都可以食, 榴槤乜乜乜,
但係如果香港特首繼續冇得親自提名,
冇得選擇適合自己城市o既政治前途, 我唔通移民?
全世界都收緊移民政策!

原帖由 siusiupeople 於 2015-3-4 02:04 發表


支持建制派有何不妥? 討論區不是要容納不同意見的嗎?
原來支持建制派 = 五毛?

支持建制當然冇問題, 首先要個建制真正為民請命以民為本.
但係支持個殘民自肥, 拒絕雙贏o既建制, 就係為虎作倀.

政治我只係用作比喻, 實際政治問題, 為免離題, 到此不贅.

討論區當然要同香港社會一樣, 容納不同意見.
我誓死捍衛你o既發言權利架.
如果唔係, 你應該見到我cap一張無理投訴信圖?


支持建制派的確係暱稱"五毛"呀,
個網絡潮語hit o左幾年啦喎!
你唔係咁背呀?

但係我只係話緊一個花名叫"張五毛"o既人,
我冇指名道姓要你對號入座呀兄台.
張凳唔fit夾硬坐落去好痛架.

[ 本帖最後由 transbus 於 2015-3-4 10:48 編輯 ]