青沙，係咪大家想象中咁吸引？

原帖由 drbean7218 於 2015-3-10 13:27 發表
獅隧朝早仍是好塞。青沙現在朝早及放工都多了私家車行, 放工較多車經連翔道入青沙。

其實要再多D車用青沙, 首要做既係提升3幹出口附近道路既容量~
不過講真, 呢個唔係3幹既問題, 而係成個中西九龍既道路網都因為發展左太耐而過左時~
倒不如好似TKO等新路咁, 睇下果條唔知幾時完工既中九龍幹線好過...

原帖由 DIH 於 2015-3-10 11:41 發表
突然諗到，既然落返舊區咁難，另一邊廂大老山隧道曾經有一條九龍只停一個站的循環線，
亦有一條九龍只停兩個站的循環線由1997年服務至今，青沙有冇潛質照辦煮碗呢？

大紅大紫就未必架喇，如果單靠長沙灣工業區+美孚，夠唔夠支持一 ...

唔係無得諗...但你既特急意念主力係諗住做P2P, 定係只係盡快推人上去做轉乘先??
同埋特急, 估計兩繁先會吃香...非繁點算, 點考慮非繁呢D線既角色??
所以相對於特急, 我作為九龍人既角度去睇...你推我上去用除左優惠之外...
特密但貴D反為比起特急&平會更加吸引到我上去轉車~

不過綜觀而家既經營環境...都唔會點做到D特密既線出黎LU~
線換線、車換車既思維唔係來自巴士公司既自我局限, 而係規管果邊對佢既緊cool咒~

原帖由 stevechau 於 2015-3-10 15:34 發表

唔係無得諗...但你既特急意念主力係諗住做P2P, 定係只係盡快推人上去做轉乘先??
同埋特急, 估計兩繁先會吃香...非繁點算, 點考慮非繁呢D線既角色??
所以相對於特急, 我作為九龍人既角度去睇...你推我上去用除左優惠 ...

我唔係要做青沙互轉，而係想善用青沙本身優勢開拓新市場。

我屬意只開一條隧道特急，專做隧道口最有得諗的地區，即係長沙灣揩美孚邊。
九龍可以轉乘葵青路線彌補城隧未能覆蓋地區，沙田又可以轉乘區內線。
沙田市中心本身都係一個重要地點，就算唔做轉乘都總會有一班人想去行街食飯之類，附近亦有屋苑提供通勤客流。
當這段特急吸引到一批人，86/46X等都會有位可以鬆。

全香港好多線都係非繁拍烏蠅，如果怕fill唔到架車，同一標準連280X都唔應該出現。

暫時backbone想咁樣：
．280X/286X/287X自己顧自己
．272X，出九龍可以經麗翔道、海泓道、櫻桃街往旺角東
．特急連接沙中美林<>長沙灣
．過海線（可以係一條中環開經西環的沙田線，由西區多出資源做，純粹FF）

[ 本帖最後由 DIH 於 2015-3-10 22:18 編輯 ]

如果真係跟上年RDP開246X+286X，
咁青沙轉車站就有3條各20分鐘一班嘅246X,280X,286X相輝映...

其實嚟緊龍運好似話開條A47經青沙去機場，點解又唔見大家講吓將A41,A41P之流改行青沙呢？

原帖由 DIH 於 2015-3-10 21:59 發表

我唔係要做青沙互轉，而係想善用青沙本身優勢開拓新市場。

我屬意只開一條隧道特急，專做隧道口最有得諗的地區，即係長沙灣揩美孚邊。
九龍可以轉乘葵青路線彌補城隧未能覆蓋地區，沙田又可以轉乘區內線。
沙田市中心本身 ...

um...我開始明你想點...
但要面對既係個餅好細LOR...46X唔知, 但例子果度唔好諗鬆到86出黎...
因為特急做緊果個位同86做緊既野基本上係兩回事...
272X睇黎都有南昌/奧運轉鐵客可以做到...

但又同之前開線上青沙既原意有D違背左...
青沙有線上既主因係比審計同其他人質佢點解有轉車站但係零使用率...
其實一路推線上去既原意都唔係做特快特急...係九龍只係得少部份位可以做到呢個優勢~
例如272X入奧運, 286X去南昌等...

先唔講個特急理念同青沙線既發展相違背~
個理念要WORK/要成功, 我會覺得個條件係要有做既範圍細但係做既客要夠多~
如果唔係同村巴可能無咩大分別...

個人覺得如果特急線既定位係新界係沙市既話...
九龍個餅開去奧運一帶應該有得諗~
始終奧運同火車站唔近, 果度又有小商業區...
住宅群亦都夠大, 又食到港島中區上東涌奧運轉特急返新界東個人流~

如果係擺長沙灣既話...我又覺得時間上比起286X無優勢, 未必吸到人~

由馬鞍山往返中環, 經青沙, 西隧及其他路線都我試過了無數次, 現在分享行車時間比大家參考。

路線: 馬鞍山(利安)->中環站/ 香港站
出發時間: 06:58-07:18

1. 680X (行東隧/西隧) (車費: $19)
07:10/07:15 上車
07:55-08:05 到中環

行青沙及西隧勝在不用驚塞大隧, 東隧及東廊

2. 87S + MTR (車費: $16)
07:02 上車
07:55 到香港站

行車時間快過全程坐MTR, 不過較多機會由頭企到尾。

3. 803+982X (車費: $23.2)
07:05-07:15 上車
07:55-08:05 到中環街市

這是play safe的選擇, 不過車費最貴。 塞車機會接近0, 就算轉不到982X, 也可以輕輕鬆鬆搭88R西隧頭車, 0815到中環街市。

4. 86S+280X+MTR (車費: $21.7)
06:58/07:02 上86S
07:55 到香港站

朝早不是太多人搭這2班86S/280X。 86S 班車好多時追到馬市開07:05的特車。 所以全程車最迫都是迫東涌線的5分鐘車程。 不過如果86S 換上了碌車的司機就一定轉唔到07:20班280X。

如果坐到落沙田先睇住送280X車尾, 咁可以直飛落沙田轉MTR, 大約08:15 到香港站。

5. 286C+280X+MTR (車費: $16.6/$18.9)
07:15 利安開車
07:54 到青沙轉車站
08:18-08:20 到香港站

這個方法純搏last min 出閘攞75折優惠。 因為在青沙轉車站睇住07:30及07:37 2班982X飛過, 去到九龍站見埋07:43班982X, 感覺不好。

6. 87D 特快班次 + MTR (車費: $17.7)
07:18 上車
07:52-07:55 到太子站
08:12 到中環站

所以我經常話286C行得上青沙轉車站, 搭87D已經到太子站。

對我來講:  
1. 朝早行青沙, 西隧/ 大隧及東隧/ 獅隧....去中環, 彼此的行車時間差不多。   
2. 朝早走大隧及東隧無可用的contingency plan, 中途有事就無路可走。
3. 280X的出現是不用再被982X/88R 限制了朝早出門口時間。

[ 本帖最後由 drbean7218 於 2015-3-11 18:52 編輯 ]