九巴290,290A開辦消息

Bus Wong 一個鐘由荃西返到彩明

原帖由 GW5878 於 2015-5-7 22:02 發表

咁講真，98A特班廿分鐘先一班
行外圍就同正線一齊食客，走左特班又冇誘因等下班特班
另一方面，山下特班同山下正線，客量係不相伯仲，好起上黎星期六都坐得滿架雙層
只不過正線要上山做更多客，所以先會頂閘，而特班因為入隧道冇站所以唔會

阿生，山下特班「客量係不相伯仲」？你唔好玩啦。
98A 特班 20 分鐘先一班，好似係因為客量差減班再減班，減到今時們日既地步。

你要問，點解當年明明停梁潔華，可以由將軍澳線通車後，
當時係 2002 年，98A 特車 5/6 分鐘一班空窗期，我親眼睇住茵恰有部 98A 個位數字出觀塘，
唔夠一個月，98A 特車立即減到每日四班，所以今時今日仲未取消算好彩。
你之前好大聲講，係因為唔經新都城搞到無客，
由幾分鐘一班，大減至 20 分鐘一班，好似係新都城既人唔坐條線害成咁。

原帖由 GW5878 於 2015-5-7 22:02 發表
BBI有呢班客都唔代表將軍澳有班人搭E32轉290取代E22A

我講左，BBI 數據上，果班客係寶達、秀茂坪（觀塘山），290、290A 轉 E31／E32。
我幾時講有人用「E32轉290取代E22A」？

原帖由 GW5878 於 2015-5-7 22:02 發表
乜45分鐘丫，我仲記得呢個POST早少少，D人話290行車時間都要成70分鐘左右，當然我唔排除有人碌車唔熟路，
做到63分鐘既時間唔係冇不過好少
減返將南時間55分鐘差唔多
利申未搭過亦都唔想試，
你可以話我對住D數字得個吹字
不過該壇做到798轉E42同290轉E32整體時間相約(因為798同290山下相同走線，成個山下都係相約)，兩者根本時間上冇分別
雖然剩行車時間後者快少少，
但亦都唔代表我見到798一定要唔上車而死等290
(另一方面你又可以話見到290但死等798會蝕將)
唔需要去吹到E32,290組合幾咁勁幾咁快，
時間上佢只係快過E42,798組合一個馬鼻，仲要有5個鐘頭慢返成個馬位

先生，其實呢，如果根據九巴 GPS，荃灣西去大窩口站需時 8 分鐘，而荃灣西去寶儉樓 55 分鐘（我上次坐完 290，53 分鐘，而九巴官方時間，51 分鐘）。
你係都要用荃灣西計，咁我真係無法，但荃灣西有 E32 上咩？好似最近個站係大窩口站。
你唔想試係你既事，但大窩口站去寶林，45 分鐘係標準時間。

你自已唔想面對現實，歡迎，但麻煩你還番一個公道比 290，大窩口站去寶儉樓真係 45 分鐘做到，如果係富麗花園？一定做到
（富麗花園同茵怡只係隔左旭輝臺條隧道，你 798 落車都要過隧道嫁）。
無人吹到 E32、290 幾快，而係有人聲稱 E42、798 點計都快過 290，但自已坐都未坐過，憑咩去話 290 差，仲要話我地講既野係有問題？
（我單獨坐過 E32 快車去大窩口，E42 去沙田市中心，798 去坑口，290 去彩明，只係我未試過 E32＋290 或 E42＋798 咁坐）

原帖由 GW5878 於 2015-5-7 22:02 發表
我冇話轉車一定快過E22A
只係講緊係任何車都唔知幾時有車既情況下，見到岩既車就上係最明智，包括直達車、荃灣車、沙田車、佐敦車
當然你堅持話要計餐數先去諗搭乜車既，我理解
但係我行完山去完露營好累，又或者我一袋二袋戰利品，冇心去諗去計去分析OK ?

咁拎住一袋二袋戰利品仲有心去轉車？仲要明明 E22A 有行李架，仲要阻住人地上 798？
我淨係知，如果我係機場好累，我會立即上 A29 走人，明知佢要等半個鐘。
如果係東涌 outlet 拎住一袋二袋，係我都會死等 E22A，而唔會左轉右轉。

最後少少分享比你：
你知唔知我上次坐果班 290，去到將軍澳站，上層有半車客落車，仲要係講緊係紅日，晚上九點半；
係早幾分鐘，另一邊將軍澳廣場有部 290A 出彩明，下層坐左十幾個，上層坐左 4-5 個出將南，你話既吉車載空氣呢？
同一時間，有部 798 跟尾去沙田，部 798 坐得幾個出將南。

唔好再話咩 290 系上山慢，無客等載空氣，世界上得你唔坐，唔代表將軍澳人唔受。
同埋，290 荃灣眾安街去富麗花園，根本大約 45-50 分鐘內完成，你唔鐘意搭係你既自由，數字就比左你，
你鐘意歡迎綠小轉 798，但你上到車再講。

[ 本帖最後由 dennis28a 於 2015-5-7 23:32 編輯 ]

原帖由 3ASV174 於 2015-5-7 20:06 發表
其實點解成日話 98A 少左轉車客？
290/290A 開左之後，98A 根本就無明顯少左人，一定會有人去左 290/290A，但個差別細到感覺唔到，
反而觀察左一個月，朝早真係少左人既，係 17M，似乎好多人唔係想像中用 98A 出去轉車，而係小巴落山轉。
290/290A 開前，98A 朝早秀暉樓飛站，開左之後 98A 繼續都係飛站。

下晝三四點 98A 不嬲都多流水客返坑口，
其實應該話依家真係多左流水客，因為 15 經常性欠人，仲非常嚴重，有人都只肯做 17M，唔肯做 15，你可以當佢得返半條線，癲起上黎 98A 康盛一個站都上到十幾廿個落坑口，呢樣係唔關 290/290A 事。

之前聽過你話98A好多人轉38/40/42C出荃葵，班客走咗，點都會少咗人
不過98A前排減咗班，可能係總客量下跌而載客率不變？

我又唔明點解17M會受影響...
未有290系之前，康翠出荃葵點都係出觀塘轉方便（無論係轉巴士定地鐵）
搭17M，轉兩程車又去翻觀塘好似好傻
17M少咗人，可能有其他因素
例如去將南班客轉搭290系，已經足以令17M客量跌
（以我所知有人嫌296M疏，會搭17M轉鐵出將南，290/A開咗之後有三飛叫，好等咗好多）

98A多咗流水客可能係我錯覺
但again，多咗幾飛叫巴士吸引力點都大咗，之前等98A/98C兩飛落山賭博成分唔細得過等15
不過的而且確，15服務係退步咗好多，猶記得十年前厚德商場15都算幾易等
宜家火起上嚟真係連上山都會跳槽去搭貴一大截既98A

原帖由 castanopsis 於 2015-5-7 23:35 發表

我又唔明點解17M會受影響...
未有290系之前，康翠出荃葵點都係出觀塘轉方便（無論係轉巴士定地鐵）
搭17M，轉兩程車又去翻觀塘好似好傻

落寶林都可以轉村巴，
但翠林的確係多好多人轉鐵去九龍都係寶琳轉，因為 17M 多人極都係不斷有車，只係上客都上唔切先會六七部車既客o係度排隊等車，又有兩三部車排隊上客，但 98A 唔係密密到，仲日日唔同時間到，只係快o的落到觀塘咁解。

咁當然都係o個句，290 既客一定有個來源既，
98A 有份，但由 98A 轉移過 290 既客，事實又真係不足以令 98A 客量見到明顯有分別，甚至根本 290 開左之後 98A 都仍然唔夠載，依家朝早翠林 98A 條龍同 290 一樣咁長，咁唯一解釋就係o的客原先係仲有其他轉車方案。

[ 本帖最後由 3ASV174 於 2015-5-7 23:53 編輯 ]

原帖由 3ASV174 於 2015-5-7 23:51 發表
落寶林都可以轉村巴，
但翠林的確係多好多人轉鐵去九龍都係寶琳轉，因為 17M 多人極都係不斷有車，只係上客都上唔切先會六七部車既客o係度排隊等車，又有兩三部車排隊上客，但 98A 唔係密密到，仲日日唔同時間到，只係快o的落到觀 ...

Sorry，竟然大意唔記得咗班客會轉邨巴
會唔會繁時班客來自邨巴，非繁班客來自98A，估繁時98A客量無跌？

（其實想知98A之前減班對班次個實際影響有幾大，定係只係反映真實班次？）

原帖由 castanopsis 於 2015-5-8 00:11 發表

Sorry，竟然大意唔記得咗班客會轉邨巴
會唔會繁時班客來自邨巴，非繁班客來自98A，估繁時98A客量無跌？

（其實想知98A之前減班對班次個實際影響有幾大，定係只係反映真實班次？） ...

98A 以前跟唔到班次開既時間主要係下繁，而減班後據講係有明顯改善（實際原因係加左時，而且少左柯打其他線，變相多左車），
上繁就一向都接近時間表列班次咁密，只係去到中途站唔準時，但最密由 6 分減到 7 分之後，載唔晒既機會都明顯激增，好多班次都早左頂閘。

之但係依家情況有無變就又要觀察下，
因為 98D 減班後 98A 有堆柯打轉左俾 98D。

原來如此...
不過我上次平日下午近五點幾APM等98A仍然等咗好耐
無特登計，但應該15分鐘左右，沿觀塘道行去APM途中亦唔見有98A
好彩最後都夠載

講起98D，班次似乎係疏咗
但加時似乎未能完全解決脫班拖卡問題
至少前日四點幾仍然係脫班脫到全車坐滿然後拖卡返將軍澳
而今日三點幾送車尾，後車13分鐘後先到，坐滿七成上公路
沿路見隔離219X得20零人、224X垃圾級客量出彌敦道

Hello. 啱啱荃灣等 9:20 班 290A 冇咗，跟住有架 290A 拖9:30 既290 一齊出，甩班?
(天水圍$15.3 一個鐘出黃大仙)

原帖由 castanopsis 於 2015-5-8 00:11 發表

Sorry，竟然大意唔記得咗班客會轉邨巴
會唔會繁時班客來自邨巴，非繁班客來自98A，估繁時98A客量無跌？

（其實想知98A之前減班對班次個實際影響有幾大，定係只係反映真實班次？） ...

1.
98A上繁可以運凳上翠林，但290係坐滿或企人上翠林
即係話其實290有好多客都唔係來自98A
而290A既客亦唔見得係來自98A

2.
290 290A本身集中做荃葵客，變相Peak time係好集中o係個別時段
唔似得98A又做轉車客又做觀塘客，將個繁時拖到兩粒鐘
所以你話98A客量有冇影響，好難話冇，但有更多時間係完全不受影響
再加埋98A 290乘客來源既地方本身有分別，咁你可以大約估到98A而家係咩環境