九巴290,290A開辦消息

kmb兄 發表於 2015-12-30 13:23
其實就算6幹起好，將荃都唔一定會行6幹，
而且未必真係想像中咁快，
不過等佢起好，蚊訓啦

唔理佢起幾耐先(雖則話垃圾會班煩膠拉布拉到都唔知幾多個世紀，等撥款都唔知仲要拖幾耐)
起好六幹，回車速度快左既，其實跑六幹岀黎拆走將南其實諗得過架

kmb兄 發表於 2015-12-30 14:50
其實我認為要將南開特快，坑寶同山全部唔停站，
必須要將南發展成形先去做，當然6幹起好，
將南都成形咁 ...

無錯，所以當六幹起好，自然可以放條線比佢
到時應該似係康城將南六幹一條，坑寶康翠安一條，290A繼續大流水，咁就最貼合現實需要

kmb兄 發表於 2015-12-30 13:47
290的確係大部份時間坑寶多客過將南，
但就唔算係一面倒，
今時今日我都仲見到290，290A彩明上10幾個客，

或者咁講
290以頭站區黎計客量確實算係標青
但係咪吸引? 如果同競爭對手地鐵比，的確係低，因為吸引力同市佔率係成正比，290係將南人數對比寶林康翠低，就已經證明市佔率係低 (除非將南往返荃葵的需求比起寶林低好多)，否則，將南人數對比其他區低就只係因為290唔夠吸引而令當區居民繼續用地鐵/296A轉38/40/42C往返荃葵。

至於九巴係咪覺得將南做唔起，只可以咁講，九巴叫做有心做少少既地方叫尚德(仲要係得296A叫做似樣少少)
其他地方，九巴盡量都唔掂。因為入去只係同新巴鬥搶
甚至連將荃線本身，九巴都係唔想比新城搶走將軍澳/觀塘山轉乘38/40/42C堆客，加上黃大仙同彩虹客同埋要殺692，先搏盡老命投條將荃番力仲要鋪天蓋地咁宣傳。
如果當日唔係招標，呢條將荃根本就做唔起。
九巴就係唔殺到埋身都唔做野。想九巴有心做? 條條都拎去投咪得囉。
有得揀，九巴唔會冒咁大風險倒車落去做全日。

至於你話隧道線客量問題，我又唔擔心，你都話將南係有穩定客源，繁時特快既話，點都有地鐵客回流，單獨成線我又唔擔心唔夠客，甚至係用類798B路線做埋康城坑口都仲得。
反而我想知宜家山上運載力夠唔夠?如果唔夠我覺得淨係停翠林康盛然後直飛彩虹係可以接受。有無康翠版友可以出黎解答下?

GK3258 發表於 2015-12-30 11:38
如果要搵總站放，結果一係好似C線行法，一係好似D線行法，咁一來仍然補唔到油麻地空洞，二來當公司黎講 ...

定時點係唔work既
一來太子道西成日都倒塞到男拔，太子鐵路站亦經常性塞巴士，你停架車喺慢線真係等比人問候
二來班客要喺車上面等觀感好差，會趕客

康城+坑口長遠而言係做緊13萬人口
人口數字大約係尚德+寶林，仲包括清半獨市客，同康城外圍既半獨市客
條線相信疏極有個譜，我唔覺得拖卡可以避免，而唔拖卡都會脫班

最後，將隧轉車站起好
上面都只係得條15-20分鐘一班既296C塞觀塘道去長深荔
如果新巴九巴做唔到互轉，我寧願將條新線擺長沙灣/蘇屋
油麻地，都係繼續行去搭98D算（尤其行過去都會快過搭鐵，日日大把人咁行）

kmb兄 發表於 2015-12-30 14:50
其實我認為要將南開特快，坑寶同山全部唔停站，
必須要將南發展成形先去做，當然6幹起好，
將南都成形咁 ...

你仍然未解釋到點解一個坑口僅7.6萬人，都可以10分鐘坐滿一班隧道邨巴60人
而成個將南16萬人，連一班特快巴士都撐唔起