我又有邊句係撐296A轉38/40/42C
事實上290開左之後根本就唔會有太多人出觀塘轉車入荃葵(紅van另計)
但290開之前296A出觀塘轉確實係其中一途
我只係用呢個方法黎證明九巴為左唔想袋錢入對家袋而投將荃番黎
呢個方法除非係免費,否則我諗都唔會諗。
又,290繼續講到天上有地下冇咁
我亦都不厭其煩再講,290吸引力高範圍只限坑口以北
時間唔夠人打,穩定性唔夠人高已經係輸
寶林葵芳290快地鐵5-10分鐘,地鐵順走巴士逆走效應下,坑口已經打和甚至輸緊,將南巴士更加係完敗。站位方便又點,我係番工客見到停咁多站,兜足全個將軍澳,諗到既係,啲燈停一盞又無左幾分鐘,停多幾盞咪遲到?倒不如訓多陣搭地鐵穩穩陣陣番工,好過日日驚塞燈塞車遲到啦,行路多極,咪又係幾個字(仲要只係行天橋)。有得揀既話,堆客寧願行多幾步路,好過日日擔驚受怕。
將南有人上係一回事,市佔率低係事實,將南有人上只係佢地願意落搭,或者係受落你提出既一堆290優點
除非你可以證明到將南上290的人佔該區往返荃葵通勤人數的大多數,否則點講都講唔通。
再到招標問題,點解我會話將荃唔投標就做唔起?
原版走線係同290A有啲相似,仲要30分鐘一班。
拎完黎投標服務水平係點?
歐5車龐大轉乘網絡聯合班次10分鐘仲係快慢線任君選擇平價錢。
10分鐘任君選擇vs 30分鐘遊花園
到底邊個吸引啲?
將荃用原版方案,唔好講地鐵,根本村巴客都搶唔到。
更加唔好講如果九巴唔洗投番黎既話,將荃既價位會去到幾高,98C都$10.1,兜多一大段路行多2個區會範圍既將荃? 無15蚊你都唔好諗住上車。
得罪講句,將荃唔係投番黎既,你宜家根本無可能捧到290。
|
