為何九巴部分路線沒有分段收費

咁我又寧願龍門居去置樂買餸客會識搭962x回程，小巴又貴，又排隊耐，買餸車又煩，都唔明點解唔識揀。

大把人搭隧巴5.7分段去啲明明有平車既地方，即使只差一架車位，佢地都係要搭貴。就係香港多呢啲客，有得賺多啲做咩要俾咁多分段？30x個荃灣往荃威分段都爭取左幾耐，仲要玩試用期！荃灣去屯門夠有一堆荃鐵m線平啲

原帖由 epsilon 於 2015-3-23 14:57 發表
彌敦道分段收費，同條線喺新界係咪同鐵路平行有乜關係？
你喺新界出九龍，條線有彌敦道分段會吸引到你上車，冇就搭港鐵嗎？

閣下誤解左我個意思，我個意思係新界西堆南行方向去到美孚有分段吸引九龍區客上車南行去佐敦/尖咀，而事實上咁做係令新界區客仲慢
因為荃灣綫美孚<>尖沙咀一段基本係係沿住全條長沙灣道同彌敦道起，偏偏九巴市區流水線(指緊2/6/當年6A/6C)都唔係行全條長沙灣道同彌敦道(6/6A/6C元州街青山道到太子先彌敦道，而2直頭行荔枝角道到基榮先入番彌敦道)，個人認為如果佢想做長沙灣道<>彌敦道流水就要幫果堆新界西線加分段

而新界東果堆邊解無分段就真係天曉得

原帖由 cheungtszfung 於 2015-3-24 17:59 發表

閣下誤解左我個意思，我個意思係新界西堆南行方向去到美孚有分段吸引九龍區客上車南行去佐敦/尖咀，而事實上咁做係令新界區客仲慢
因為荃灣綫美孚尖沙咀一段基本係係沿住全條長沙灣道同彌敦道起，偏偏九巴市區流水線(指緊 ...

大部份新界西去油尖旺既線响美孚起都要站站停落客,有冇分段都要停,慢得幾多丫。

原帖由 3AV53 於 2015-3-24 19:27 發表

大部份新界西去油尖旺既線响美孚起都要站站停落客,有冇分段都要停,慢得幾多丫。

咁又未必可以咁講
係，上九龍流水客唔慢
但堆流水客上咗車都要落車
到時就自然會拖慢行程

新界西長途線到美孚同太子整兩級平嘅分段收費，
而新界東線一係冇一係收貴啲，愚見認為，
一來荔長深人口高過九龍塘石硤尾好多，流水客多，
二來新界西線出到荔長深不斷落客，
車上空位相對要到太子先大量落客嘅新界東線多，
新界西線較有能力做埋市區流水。

原帖由 epsilon 於 26/3/2015 13:52 發表
新界西長途線到美孚同太子整兩級平嘅分段收費，
而新界東線一係冇一係收貴啲，愚見認為，
一來荔長深人口高過九龍塘石硤尾好多，流水客多，
二來新界西線出到荔長深不斷落客，
車上空位相對要到太子先大量落客嘅新界東線多，
新界 ...

但以前搞分段會唔會只係跟路程有關？
唔通新界東線嘅公路出口 (指大埔道、獅隧)
比較近太子，啲巴士有機會係調番轉頭去美孚，
難以分拆分段收費？

不過個人都覺得係時候檢討。