3月27日起 98D 98P 修改班次

原帖由 castanopsis 於 2015-3-28 01:02 發表

唔覺得98D適合全日分拆
98D早繁坑口特班客量其實同296D好接近
如果全日拆出一條淨做坑口既路線
變相複製多一條296D出嚟
唔見得好理想

要坑口直出夠客維持班次免跌入296D個level，一定要group康城
但顧全將軍澳個局勢 ...

我之前回覆都係話康城加坑口一條線，無諗過坑口獨立成線，他日296D 入得將南或改去將軍澳廣場就會好好多，第時六幹通左點睇98D 大機會食埋尚德，因為順路，或者296D 搵籍口入調景嶺

原帖由 3ASV174 於 2015-3-28 03:24 發表
「自我中心」正正就係成日覺得拆線係為左要令坑口有線直出，所以先成日會提出「如果邊邊條線一出隧道就去我屋企呢，我車程就慳返一半喇」呢o的論調。

寶林用邊條線去 serve 唔係重點，而係當你人在坑口所以想 98C 同 98D 都拆做日出康城經坑口既線既時候，我會反問日出康城一樣唔想兜坑口出去，咁又點算？
是旦求其搬條線由日出康地行六幹出觀塘 / 九龍灣，根本搔不著癢處，因為日出康城出觀塘港鐵都只係好短途，講真都唔會揀巴士，most wanted 一定係直出旺角 / 尖沙咀，
所以個問題會係如果日出康城同坑口都想直出，點解直出一定要俾坑口，然後日出康城要另外搞掂呢（仲要條線都係求其 assign 個市區總站俾佢，究竟班客想去邊係唔理）？

不過呢個係後話，講真連 796P 日出康城都一潭死水，98D 今日又跌眼鏡坑口圈得返 15 分鐘一班都無唔夠載，唔好講全日拆，其實 98D 連繁時拆線都好勉強，
就算真係坑寶拆線，而坑口孖日出康城出去，我諗起碼都要養到 796P 日出康城有半車兼真係有條件加班先值得做，
但繁忙時間坑口直出就算日出康城開出黎都真係無好強客量基礎開得密，客少時段仲要同港鐵分客，依家都雙位數班次，拆線開到 20 分一班既話，咁不如密車好過拆線。

紅字：我要講幾多次你先聽得入腦？
我係唔想98D拆做日出康城坑口線
原因係無得跟798走線，日出康城會覺得慢，同埋淨做坑口唔夠客
請唔好一開波就用小人之心度我，話我好想98D拆線坑口出
我提議康城兜坑口直出既，從來都只得旺角線
講真，作為坑口人要求有一條旺角線直出，真係好過分？
定係坑口要全部線都係總站區至合理？

日出康城出觀塘九龍灣點解唔會選擇一條六幹直出的巴士線？
先望返港鐵
康城不少屋苑遠離康城站，本身都要行10分鐘先出到康城站
然後康城站搭港鐵繁時密極都要6-7分鐘一班車
搭到調景嶺重要轉多一次車先到觀塘，車程點都要13-14分鐘（港鐵網頁計埋等車寫19分鐘）
成個過程，隨時係要用半個鐘以上
好啦，巴士用六幹出，十幾分鐘應該已經出到觀塘，好明顯快過港鐵好多....
點會無吸引力？
如果我係康城人，有得選擇，我寧願放棄旺角直出，都會要條可以轉到出大半個新界既觀塘線

原帖由 hadboy5 於 2015-3-28 09:18 發表
我之前回覆都係話康城加坑口一條線，無諗過坑口獨立成線，他日296D 入得將南或改去將軍澳廣場就會好好多，第時六幹通左點睇98D 大機會食埋尚德，因為順路，或者296D 搵籍口入調景嶺 ...

不明白你既意思
你想講98D寶林開經尚德六幹出？
其實寶林行六幹優勢唔大，咁搞無好處

修正版:星期一至五0530-0650 由15分鐘一班改為10分鐘一班

原帖由 m_rd08 於 2015-4-4 18:25 發表
修正版:星期一至五0530-0650 由15分鐘一班改為10分鐘一班

是之前通告寫錯
定係頂唔順要重新加班？

原帖由 castanopsis 於 2015-3-28 17:06 發表

不明白你既意思
你想講98D寶林開經尚德六幹出？
其實寶林行六幹優勢唔大，咁搞無好處

但尚德迴旋處向將南有一條路連接將藍隧道,行六幹可以接返觀塘繞道又得,係加士居道出又得,博d可以佐敦道出返都無問題,而家98d最大弱點係行車時間不穏,唔係五個字出到九龍係超吸引,建議98d寶康路直去尚德廣場附近轉入尚德,之後落迴旋處經向南到海皮入將藍隧道

[ 本帖最後由 hadboy5 於 2015-4-4 21:45 編輯 ]

原帖由 3ASV174 於 2015-3-28 03:24 發表 不過呢個係後話，講真連 796P 日出康城都一潭死水，98D 今日又跌眼鏡坑口圈得返 15 分鐘一班都無唔夠載，唔好講全日拆，其實 98D 連繁時拆線都好勉強，
就算真係坑寶拆線，而坑口孖日出康城出去，我諗起碼都要養到 796P 日出康城有半車兼真係有條件加班先值得做，
但繁忙時間坑口直出就算日出康城開出黎都真係無好強客量基礎開得密，客少時段仲要同港鐵分客，依家都雙位數班次，拆線開到 20 分一班既話，咁不如密車好過拆線。
...

唔該唔好再用之前既796p客量嚟評論而家既796p。今非昔比，而家既796p每班閒閒地都可以坐滿窗口位出將軍澳。但如果要拉埋98d入城就要同796x重組，所以唔suggest。

利申:康城友

原帖由 castanopsis 於 2015-4-4 18:43 發表

是之前通告寫錯
定係頂唔順要重新加班？

通常修正都真係之前寫左
星期六日都係做15分鐘一班
可能copy and paste出事

原帖由 castanopsis 於 2015-4-4 18:43 發表

是之前通告寫錯
定係頂唔順要重新加班？

其實上一版0530-0650 都做唔到15分鐘一班，應該打錯居多

原帖由 最後熱狗 於 2015-4-4 22:11 發表
唔該唔好再用之前既796p客量嚟評論而家既796p。今非昔比，而家既796p每班閒閒地都可以坐滿窗口位出將軍澳。但如果要拉埋98d入城就要同796x重組，所以唔suggest。

利申:康城友 ...

閒閒地坐滿窗口位，咪即係差囉。

當 95M、296M 都會企人，
其實將軍澳除左 796P 同 796S，有邊條巴士線朝早連窗口位都唔滿就出九龍？