3月27日起 98D 98P 修改班次

原帖由 3ASV174 於 2015-4-5 20:03 發表
213x 最終總站係安泰邨，而唔係安達邨，
因為將來要拉埋去安泰邨，之後要再返將軍澳就變成極不順路，加上又係明顯唔想搞多個區議會，所以更加唔會伸入將軍澳。

若然真係要拉一條線入去，要拉都係拉 13x，不過依家 213x 行秀茂坪道 ...

安泰去到順天咁遠, 無論日後經秀茂坪道定秀明道落樂華, 都係屈機.
係咁我寧願同意版友話開條類26線,
安泰開經順利村道落樂華.
然後13x縮返落中秀, 康翠俾98P全日版經寶達落繞道.
咁安達要快有98P, 唔趕有13x.

原帖由 castanopsis 於 2015-4-5 22:06 發表

213X係一條全新既路線，區議會應該唔會反對開辦
從交通角度看，康翠和秀茂坪實在不可分割
可以參考98A/C
秀茂坪線有康翠客頂住，可以唔使兜路直出公路
而康翠線有秀茂坪客頂住，變相班次可以做密好多
是雙贏局面
如果觀塘區的區議員想交通上同康翠斷絕關係，只會兩敗俱傷

問題就係觀塘區堅決唔肯同康翠分線，由得人地死。
而運吉入面又有某位主任級人士疑似向觀塘利益輸送，人地要乜就要乜，仲走去鑽「支線」空子，同時
明知將軍澳山上爭取緊山上將沙，就偏要整條服務範圍得人地一半的秀安沙，仲千方百計閂後門。

小道聽返來，觀塘覺得拉秀安沙入將軍澳會令到觀塘山上無位坐，
仲拎埋某條過海線十幾年前延長為例，話咩山腰有人因為繁忙時間上唔到車嘈到今時今日，當年肯拉線只係「俾面」云云。
仲話如果將軍澳唔係一直反對將荃入秀順，將沙仲有得傾喎…

不過我覺得的確唔適合用安秀尖去做康翠尖咀線，
首先安達臣兜入去再出返來係好兜，想唔兜就要入完安達臣行新清水落山，但咁就違反本來特快線原意。
而家的問題其實係開完 213X 之後 13X 又唔改線，到時如果有埋山上將尖，寶達係咪會有三條重疊線去尖沙咀？
唔能夠因為話有班區佬唔想郁現有路線就唔郁得唔顧整體規劃，事實係安達臣新線會影響秀茂坪乘車模式，
秀茂坪本身都有幾條線無用盡運載力，我覺得至低限度 13X 可以縮落中秀，13D 更應該縮短落山甚至取消，好過條條線廿分一班。

至於上面有板友話不如 213X 入秀明道，13X 拉入翠林，其實我都有少少保留，
因為兜落下秀就會受到聯合醫院出面塞車影響，我覺得只係好過無。

原帖由 S3BL100 於 2015-4-5 23:53 發表


問題就係觀塘區堅決唔肯同康翠分線，由得人地死。
而運吉入面又有某位主任級人士疑似向觀塘利益輸送，人地要乜就要乜，仲走去鑽「支線」空子，同時
明知將軍澳山上爭取緊山上將沙，就偏要整條服務範圍得人地一半的秀安沙，仲千 ...

聽落似乎係上秀寶達班區佬作怪?
如果過海線對象係601，下秀冇位都係受害者區。

13D可以改做1A影子快線，好似14同14x咁。

[ 本帖最後由 transbus 於 2015-4-6 06:57 編輯 ]

其實睇返將荃開線，觀塘山都成堆成功爭取banner

班友呢邊食完免費午餐(對將軍澳黎講係)，轉個頭有好野唔益人

仲要有運吉扶持，無得輸

原帖由 S3BL100 於 2015-4-5 23:53 發表


問題就係觀塘區堅決唔肯同康翠分線，由得人地死。
而運吉入面又有某位主任級人士疑似向觀塘利益輸送，人地要乜就要乜，仲走去鑽「支線」空子，同時
明知將軍澳山上爭取緊山上將沙，就偏要整條服務範圍得人地一半的秀安沙，仲千 ...

呢位版友就心水清，
大家都知夾秀順做係最好，不過係咪你情又我願呢，係個問題，
康翠如果靠秀順，可能十年都未開得成，
靠西貢資源雖然要兜翻將軍澳，但起碼係個穩健的選擇

原帖由 mak5052 於 2015-4-5 21:58 發表

即是說中九龍幹線不適合用於開尖沙咀線? 也許整個將軍澳只有290, A29適合改行中九龍幹線?

E22A都應該改新路啦，
仲有其實旺角線都可以改，出完中九龍幹線上西九龍公路可以有幾個方法出翻旺角，
實際時間就未必快得好明顯，但觀感快左好多，塞車機會都大減。


講到尾，其實點都要搵幾條改行將藍隧，
唔係成堆巴士繼續行將隧，到最尾都係大家無止境塞

其實為什麼98P要去程行隧道回程行山？去程那程會否極少人搭？

原帖由 miklcct 於 2015-4-7 11:12 發表
其實為什麼98P要去程行隧道回程行山？去程那程會否極少人搭？

獨市點都焗搭。

98P 去程係將軍澳線通車前已經開，當年乜線都會盲目掟去行隧道，
但回程係近年先開，當時已經開始覺得山上面會有市場，98P 回程只係第一條咁試，將荃都係同期出品。

原帖由 93A_S3_6:30am 於 2015-4-7 10:58 發表
E22A都應該改新路啦，
仲有其實旺角線都可以改，出完中九龍幹線上西九龍公路可以有幾個方法出翻旺角，
實際時間就未必快得好明顯，但觀感快左好多，塞車機會都大減。

講到尾，其實點都要搵幾條改行將藍隧，
唔係成堆巴士繼續行將隧，到最尾都係大家無止境塞

如果E22A同A29一齊改道
觀塘道/黃大仙個位唔知可以點處理？

如果城巴想賺到盡
隨時係A29兜成個將軍澳行藍隧+中九龍幹線，E22A就繼續碌觀塘道
務求最多將軍澳人上貴車
（我當然唔希望會咁）

紅字：
講真，行將軍澳隧道既隨時超過一半都係私家車嚟
藍隧開通，成班駕駛者會即時轉投藍隧懷抱
就算唔改巴士線，將隧塞車問題都會自動解決

[ 本帖最後由 castanopsis 於 2015-4-7 14:36 編輯 ]

原帖由 castanopsis 於 2015-4-7 14:35 發表

如果E22A同A29一齊改道
觀塘道/黃大仙個位唔知可以點處理？

如果城巴想賺到盡
隨時係A29兜成個將軍澳行藍隧+中九龍幹線，E22A就繼續碌觀塘道
務求最多將軍澳人上貴車
（我當然唔希望會咁）

紅字：
講真，行將軍澳隧道既隨時超 ...

觀塘黃大仙留番比E22算啦，E22A已經夠慢，提速嘅話響將軍澳賺番多啲客好過，
私家車都未必去晒將藍，你見到路口設計啦，去唔少地方仲其實係將隧方面啲。
BTW 岩岩諗起，或者692P/690P都可以一戰改行中九龍幹線，西隧