想搵理由向老九詐型?就搭要佢!

唔少人見老九開兩條將荃新線，本來都應該係多咗選擇好開心，
不過290A線反令唔少人不滿，只要搭吓就知。


噚日由康盛搭290A返光輝圍，一上車就已經聽到有客不滿，
話黠解要行晒整個將軍澳，花咗近半個鐘至到寶達。
之後轉入秀茂坪同順利，就直頭有人鬧點解要入埋嗰兩度，
話用咗40分鐘都仲未到龍翔道，又話連290都唔好搭。


點知到就落車時，就聽到司機吹水，話老九做乜要開咁失敗嘅線，
又話不停有客向佢哋"詐型"，甚至有人特登去總站鬧人，
加埋不時要喺正線同A線間跳嚟跳去，成日有客上錯車或者搭慢車就"詐型"，
搞都佢哋無端端受氣。

自己最後用咗近70分鐘至到光輝圍，如果係由將南上車就成個半鐘，
反而搭正線由葵涌去彩明，都只係45分鐘。

睇嚟290系呢個安排，真係都好有問題吓，特別係對將軍澳班客，
如果去到站頭見290A到先，上佢有可能比後來嘅290爬頭先到荃灣，
甚至爬到連影都唔見，仲要花時間入秀茂坪同順利，
長遠分拆同將來改A線為服務安達臣山而非將軍澳，會唔會更合理?


正線就有唔少人誤會，即使有報站同唔少宣傳，
都仲有人以為喺龍翔道、新清水灣道同秀茂坪道係沿途逄站都停。
老九為咗整啲唔等駛嘅轉乘，由豐力樓至寶達特別只停黃大仙、牛池灣同白虹樓，
走線有如半特快，對唔睇站頭資料見車就上嘅人，真係好易出誤會。

[ 本帖最後由 Dennis34 於 2015-4-5 23:24 編輯 ]

其實會唔會係你班車個司傅行得慢？
日間我都搭過好幾次 290/290A，70 分鐘到光輝圍對 290A 黎講係講緊彩明去到光輝圍既正常時間，
康盛花園來回荃灣西站，搭 290A 都唔使一個鐘，睇返 B2 版報時，290A 的確平均都只係行多 10 分鐘，你班車呢段都行 70 分係慢到離晒譜。

其實依家個安排無咩問題，正如地鐵將軍澳線兩個總站咁多年，到今時今日都仲有將軍澳人會發癲去坑口搭錯康城車，
但唔代表係安排失當喎。
對於將軍澳居民黎講，你要無視 290A，咪當自己得條 20 分鐘一班既 290 搭，根本唔使理 290A，
唔介意上車兜多 10 分鐘然後同後面架 290 一齊到目的地，咁咪有 10 分鐘聯合班次，有得揀其實暫時都好公道（當然將來翠林上唔到 290 或者長期無位就另計）。

司傳唔鍾意條線係正常，因為佢地做開九巴唔會咁跳飛機，佢地亦唔鍾意人唔跟車，因為做 290/290A 唔止跳飛機，仲要換車，會將廠人跳荔廠車，
但你又要諗，呢組線咁長，開一日工又會跑幾多轉？跳幾多次？仲要跳黎跳去九成都係 ATENU，同對面海真係無得比。
最緊要係，290/290A 掛牌佬做極都係 290/290A，唔使柯打其他線，好唔好做，見人見智啦。

要怪就只怪自己無睇清楚路線資料上車，上車行到順利和秀茂坪才知中伏。
如果290A改編號291相信容易令將軍澳居民分辨快慢線。

雖然在其他版都有討論，但都想講講，
其實九巴今次咁大肆宣傳，出哂單張，
而開線後又有豬紙，點解仲有魚可以睇都唔睇就衝上車？

另外有唔少人話290A搭到頭暈，不如縮線好過，
但其實290A就係一條流水線而非等快線，
食將軍澳<>秀順<>黃大仙、荃灣條水，
初初只係開一條將荃線，而家只係有多一條一樣總站嘅副線咁解，
係咪因為叫290系就以為同290一樣好快去到荃灣？
上咗290A又嫌耐的魚只能怪自己唔睇清楚路線就上車
道理正如冇人會喺將軍澳搭93K出旺角，而去搭98C

初初開將荃線標書寫30分鐘一班啲人又嘈，
依家開20分鐘一班又嫌兜得耐，
但事實係290只係慢地鐵10分鐘左右，
而且仲唔使你左轉右轉幾條線，落地底上地面
（最多人無視搭地鐵呢啲時間）， 可以一程過，又平少少，
點解唔搭巴士？

我覺得乘客仲未好知兩條線嘅角色，
其實當290係可以追到10分鐘前開嘅290A，
九巴可多加宜傅搭去黃大仙/荃灣就用290我都同意3樓所講話改改大啲分別嘅編號，等人更容易分到兩線

利申：將線線受益者，很滿意現時兩線的服務

[ 本帖最後由 k_depot_tko 於 2015-4-6 08:16 編輯 ]

原帖由 k_depot_tko 於 2015-4-6 00:12 發表
雖然在其他版都有討論，但都想講講，
其實九巴今次咁大肆宣傳，出哂單張，
而開線後又有豬紙，點解仲有魚可以睇都唔睇就衝上車？

另外有唔少人話290A搭到頭暈，不如縮線好過，
但其實290A就係一條流水線而非等快線，
食將軍澳秀順黃大 ...

要改路線號，其實當初一開始就應該叫而家條
290A 做 290，
而家條 290 做 290X 咁就一天光哂，
改做 X 字，無非都係想突出條線真係快過而家 o既 290A ……

嫌巴士慢可以去搭的士
包中途無站

龍翔道有限度停站,的確只能夠怪乘客大意
290若行將隧+觀繞,走線會更轉折故不可取
不過呢條線有少許70X的影子,就係將軍澳開出
可以40分鐘後仍未到彩虹,結果彩明計可能搭鐵較好。

不過好在,假設翠林有坑位開出,經康盛寶達順秀,
12分鐘一班肯定維持到,另外藍田隧道落成時間以及
安達臣道住宅群入伙,亦比港鐵東九龍線通車早得多。
長遠會出現277X/E嘅情況,遠離港鐵嘅一條會密車得多,
而唔會出現74D每小時一班去服務小眾。

晒氣啦
就算白字黑字寫到明條線點行
或者條線點樣快好
啲客係要發癲都一樣搵到位發
怪就怪啲客自己出街個腦擺喺屋企
上車前唔睇資料就見車就上
根本係自己惱羞成怒就攞人嚟發洩

想直接？飛的或者叫Uber囉

班客眼殘叫咩編號都死

幾年前見過有人係永光上258D以為自己上左89B添
仲要去到畢架山都唔識落車
戇居居咁入左屯門

開線至今已多次搭過290/290A，基本上290A只係比290
慢8-20分鐘，視乎客量及路面情況等。
特別係往彩明方向非繁忙時間，290A只比290慢約8-12分鐘，
290在將軍澳不時都未能夠超前上一班290A