是集《星期二檔案》有感

個校長話唔羅B可以羅C,我就話合格都偷笑,
公開考試咁多課讀到痴線,果D名牌補習社的課程係定心丸

我覺得補習學校只係迎合考試大勢而已
香港填鴨式教育根本就3要大家死背爛背
tip中題比真正了解課程內容更為重要
所以,補習名師先會誕生,補習學校先會蓬勃

「求學不是求分數」根本就係大話
試問考試唔合格,可以升班嘛?
CE冇14分,可以升預科嘛?(一般而論)
AL是但一科唔合格,可以升大學嘛?
邊個話求學不是求分數呢?

當然,呢個現象係有問題
但係...要解決...看來並不容易

記得果個校長問左學生一個問題
大概係問個學生
佢寧願就咁過骨定係學野
俾在係我我會問番佢r
咁如果我過唔到骨
你間學校仲俾唔俾我升中六先？

係呀
佢講得o岩呀
佢請老師果陣
同一個九優生interview
佢話個九優生成舊蕃薯咁
又話一個博士生就淨係識讀書
話佢連周圍民生事項都唔識
究竟係邊個造成架？
咪香港既教育制度囉！

你試下求學唔求分數丫
如果你乜都識但係就偏偏唔識考試
我睇下你響香港升唔升到學！

冇計架
你接受得香港既教育制度
你就要跟佢既遊戲規則
話知你識四書五經丫
話知你識航天科技丫
你唔識考佢個試
話係再世孔子又好
識整飛機大炮又好
你答唔到佢要既野
你一樣要OUT!!!

你要學生「求學不是求分數」丫嘛
咁唔該就檢討下香港既教育制度啦大佬！

oh sorry!
家陣會考係求grade架呵...
(設計對白)
「好似有d 科拎70分都A架話？
咁我做七成就得啦
俾多個buffer位做夠八成又點話喇...」
「有d 科要合格就好似話拎廿零三十分就得
我冇乜大志架
我做o岩四成都pass硬啦
做四成夠喇！掂！」

咁叫考試...唉...

(不過話時話喇
呢個題目響A21出會好d 喎)

要解決其實好簡單
就係全面取消聯招
將中學入大學ge考核過程由考評局交番俾大學
各學院學系用佢地自己ge收人標準去考D中學生
interview又好,選拔考試又好,睇番中學成績又好....鐘意點考就點考
一黎大學唔會再嘈話收D高分低能ge學生(係ge話都係佢地自己攞黎)
學生又唔駛(亦都無得)靠機械式啃書黎過骨(如果都仲係ge話咁亦都係大學自己ge問題)

[ 本帖最後由 kychung 於 2006-4-25 22:23 編輯 ]