「舊電動巴士一部」

原帖由 AD118 於 2015-4-11 00:54 發表

電車太平好難生存，最應該加價係城巴同電車，最唔應該係九巴同新巴

咁年年城巴印免費乘車券
等各位坐免費(或者 優惠價)巴士,好唔好呢?
[聞說上年賺突0左要派出去0既優惠...
仲未用完個優惠彩池...]
喪加價之後,恐怕上述場面...年年回帶重播
到時班維記就真係多謝你「加辛」啦...XD

電車之所以生存得到
完全係因為佢由本來0既「輕鐵」系統
變成「交通、旅遊、文化、保育」兼具0既都市資產...
係,嫌佢阻地方0既朋友認為
電車有時要特登留個地方做專線...浪費路面資源
不過:去過銅鑼灣0既巴絲一定有留意
通常係出入銅鑼灣0既車路塞死,
而電車呢?居然爬過晒堆車龍0既頭...死未?
[呢個後備系統...估佢唔到佢係
塞車時0既「快速清客工具」呢?
唔信就平日下繁時間,由灣仔開始叮去北角睇睇...
可以咁講:比塞爆人0既地鐵更方便...
下次被困銅鑼灣之時,不妨試試]

此外,無錯: $2.3一位0既熱狗電車
未必靠一堆客去維持(某個巴士唔多理0既區去其他地方...之類)
而係同一時間,由遊客[電車河]、多個地區0既流水客、
仲有租電車搞Party、車身賣廣告...等等
去維持「美而廉(死喇,間餐廳已經失去了原本0既特色,絕望地OT了)」0既服務
另外,電車不受油價困擾[早前幾年一百廿幾美金一桶原油,
巴士公司嗌生嗌死要加價...OMG]
亦都係一個令票價維持到「低殘」水平0既原因
(邊度叫巴士公司陪埋批油國組織,一齊喪炒原油、柴油價格?!
身不由己咋,朋友。真係想趕客走咩?!)

至於城巴無軌電車點解衰0左:
(1) 已經有電車啦,仲有地方搭無軌電車電纜咩?
重覆地晌街上出現不同0既電車系統...唔怕出意外之時,跳制:
「港燈供電系統故障,大停電___小時...原因係電車撞電巴...」
夠理由「肥佬」李先生0既701晌街上行未?!
(2) 佢手上已經成堆黃巴士,
再開無軌電車的話:會唔會「自己打自己」呢?!
(港島北岸0既公交系統已經成熟到開新線
都唔知有無「路」可以行的話
輪得到全新系統0既無軌電車?!)
香港地方已經細,市區更加細得連公屋都要插針起...
晌迫到暈0既港島搞無軌電車...迫到先算啦...
而且已經係企圖「專利化」港島大部份0既路面交通
戰略上,政府根本早晌中巴專利權一役之中,學識一件事:
一間公司獨大:絕對危險...
[而電車之所以由1904年留到今日: 都係同一邏輯...
地鐵一出事:電車同巴士就要加班「打仗」...
一間公司玩晒所有公共交通工具?!
有為0既仲可以,不過而家0既政府就...
未踩死都俾成座山0既投訴信責死...
仲有好事可以做到?發夢啦...]
(3) 服務0既同質性:
既然無軌電巴同巴士一樣0既車廂
一樣0既操作的話 - 除0左能源0既提供方式唔一樣之外
市民0既睇法係點樣:
各位巴絲大家心裡有數...
巴士系統之上又再加入無軌電巴...
會唔會更加將「七國咁亂」(chaotic)0既交通系統
變成最麻煩0既「五代十國」(most chaotic) 0既亂局??
會唔會變成嚴重0既資源重疊,同埋分配不均
[中環 至於 天水圍、元朗 等等...]
製造更大殺傷力0既社會問題??
(一堆B線都搞到九巴癲癲喪喪,亂撲後備車加班啦...
更何妨一堆無軌電巴晌灣仔排長龍返灣碼「叉電」?!)

不過,限制還限制
如果限制令到服務由剛剛頂得順0既服務
變成八架巴士行十三條線,
嚴重地缺乏資源,去應付新增0既需求...
咁就比曾經同小弟交過手0既廖前局長秀冬
更加唔值得留底...(順便向廖前局長秀冬道歉~
小弟交來0既試煉太難、太正中要害了...)

PS 小弟見巴打不明原委,大筆疾書,痛陳利害
可能筆鋒銳利,以傷巴打之氣。在此 請恕小弟多話了

[ 本帖最後由 LNChickenRice 於 2015-4-11 02:45 編輯 ]

我只不過覺得好嘥者，城巴擺咗咁多錢落去搞，到頭來得個吉
所以先話用佢代電車就好啦

不過車巳拆，計劃告吹，無謂繼續再拗啦