城巴5,5C,5P,5S取消消息 (10/5生效)

原帖由 siusiupeople 於 2015-4-17 11:22 發表

呢個明顯係運輸署無加大力度宣傳路線重組的好處，特別用電視廣告，
之前TD 都有拍過呢類廣告，如果係西港島線通車前後日日播夜夜播，

果兩個影到成村私家車塞在大會堂出面,同告士打道的廣告?

如果建冷氣通道的代價是取消樓下的巴士線，不知那些人又會怎樣想？

流水線最大忌係班次疏,因為路線長,停站多,收費平,所以要十分高的客量才能回本. 可是,流水線如果班次疏,基本上沒有人願意去等. 以城巴5B,10為例,以前多人搭係因為2-3分鐘一班車,一落樓下就有站,連行去地鐵站既時間都慳番,上左車只需俾3.4,雖然車程比較長,但係計埋上落地鐵步行時間,唔差得遠. 可是,近十年港島北交通越來越糟,塞車係基本,流水線行車時間不斷增加,結果巴士公司得不償失,就肆意削減流水線班次,越減,班客就越走,你睇而家條10號就知.

由於2已經發揮不到流水線既功能,20分鐘一班冇幾多願意真心等,不過720,2A清唔晒D客,咪搞到2減班之後好似每班車多左人咁. 這不代表其有很高的生存價值,因為連流水線的基本要求的做不到,倒不如拎D資源做好720,收6.5兼回車快,總比收4.1回車慢好.

至於18,因為佢定線上係專登避開塞車路段,西行入灣北就係要避告士打道,所以有佢既價值,而且18收緊5.2,而不是4.1,更突顯出要回本相對4.1既線容易.反之,5既實際需求近乎0,銅鑼灣返大道中冇幾多個專登等5,連區議員都覺得5既作用低.試問係人多車多既軒尼詩道,一部又一部5B經過既時候,仲有幾多人願意等20分鐘一班既5?

原帖由 053h4 於 2015-4-17 13:27 發表
巴迷覺得巴士無敵好正常, 但去其他討論區, 例如地區性討論區, 樓盤討論區, 見唔少人爭取冷氣通道免日曬雨淋會好多人行

例子大把, 例如荔枝角, 又或愉景新城

荃灣西到荃灣天橋系統起好, 都多左人行路啦

根本好多客 ...

5 仔取消我就無咩意見
不過如果話 18，麻煩去睇下 18 上下繁幾多客

原帖由 siusiupeople 於 2015-4-17 00:25 發表

以今時今日的情況而言，我已經無眼睇，運輸署辦事不力，官員尸位素餐，無氣魄、無膽識，講句野都要買班議員怕。
用左納稅人咁多錢，起左條鐵，以鐵路優先的政策下巴士線一定要減，你連一個重組都做唔到，
交唔到功課，只有自行辭職下台 ...

點解西港島線通車唔做得? 點解班議員玩雙重標準，以上鐵路通車後巴士有削減就唔識反對?

你到底係真唔明定假唔明??
將軍澳線，西鐵，馬鐵路線重組，有要區外人找數咩?
將軍澳線，找數既主要係69＿系過海路線，並無牽涉到其他區外人既利益。
西鐵線通車，找數既係5/6區線，並無刻薄區外乘客。
馬鞍山線通車，找數既係8區線，多數都係區內線。

反觀西港島線通車，係咩線找緊數?
M47，根本就係華富，域多利美景線
5，軒尼詩道怡和街正貨大流水，係5B以外灣仔銅鑼灣人既另一絕佳選擇
18，北角，灣北（雙向），中上環穿梭專線，西區只係一小部份生意來源
40，又係華富線。。。取消理由根本就係為左保住23
113，中九龍專線

(5C，5S 呢兩條可以由得佢)
(論據來源：各位有興趣既版友請查閱巴士大典有關鐵路通車殺線的紀錄: http://hkbus.wikia.com/wiki/殺線潮 )
所以，今次西港島線重組最大問題係假借鐵路通車為由實行掠水趕客大計
你搵堅城專線5X 找數都無咁嬲
好心啦，其實城巴新巴咁多年黎無加過本地線既車費，我諗到左今時今日加少少其實都唔過份，例如跟新巴收$4.1 睇下盤數會唔會好d。。。
好過你係唔係都陰乾d流水線丫。。人地都係客黎架嘛
連電車都可以加價，咁解流水線唔得? 其實轉個角度諗，流水線加價其實唔係壞事，起碼好過而家咁樣，乘客可以買到更好既服務。。

你話官員尸位素餐，無guts，講句野都要買班議員怕
咁係咪運輸處話乜就乜，可以隨便硬推？
咁點解仲要開會？點解仲要請區議會日反夜反浪費納稅人資源?
難怪香港到今時今日都無真普選，只怪你呢d李光耀口中需要管既人。。
有班人口口聲聲話區議員出聲係買選票？咁點解區議員要買選票呀？
係因為區議員根本就係為居民服務！居民反對，所以佢地要代表居民表達訴求！
如果我唔回應，都唔知會因為呢個post 教壞幾多人。。。

[ 本帖最後由 admin69 於 2015-4-20 02:45 編輯 ]