九巴288開辦消息(28/4開)

原帖由 BlackBird 於 2015-5-7 00:15 發表
首先請大家唔好再抽水啦,新田圍真係咁好抽咩?
日日抽水前請先搞清楚新田圍同美松美城呢D錦既孤島屋苑交通有幾垃圾先

先講下新田圍,新田圍都算好D,區內至少有282/81K/82K,對外都有87B/86/89
74A同80M.......照計啦, ...

請留意大家講既係某人良好既態度
新田圍既問題討論左都好多次
十居其九都支持新田圍真係有可以改善既地方

而其實
巴迷同樣地都可以有大眾市民既心態
但同時亦可以更了解巴士公司會諗咩
我又唔見得因為咁就一定會好離地

原帖由 Snoopy@FB8617 於 2015-5-7 00:23 發表
請留意大家講既係某人良好既態度
新田圍既問題討論左都好多次
十居其九都支持新田圍真係有可以改善既地方

而其實
巴迷同樣地都可以有大眾市民既心態
但同時亦可以更了解巴士公司會諗咩
我又唔見得因為咁就一定會好 ...

同意
新田圍你話交通全港最差又未必係，但絕對有改善空間
可能某些版友為自己區爭取服務時
會用一個比較山頭主義、極端少少既思路去考量
但你話好離地又唔係，至少我想像到真係會有居民有同樣既觀感
巴士迷作為市民同巴士公司之間既橋樑
喺例牌圍插人地之前不妨反思下究竟該區交通可以點改進

個人觀感：
新田圍、美松美城，以致區外的三彩、啟德，都係出名既孤島
巴士公司固然有機會大細超
秀安沙、上面282既BBI問題都係例子，巴士公司的確抵打
但我覺得造成孤島更重要既因素是屋苑本身的地理位置
以新田圍為例，有一部分乘客走咗上公路搭車，某程度上其實限制咗開線既空間
而新田圍本身地理位置唔好，一定要做頭站
市區線要夠客好多時要group多幾區，結果新田圍一係就無線，一係就281M式神級兜路
最後搞到巴士公司唔想做、居民唔想搭
先天因素，真係無計

原帖由 petcity 於 2015-5-7 13:05 發表
我想又重提，曾經新田圍有村巴出中環同尖咀，中環個條
仲曾經好風光，但客量跌，人口老化等，最終摺線

出尖咀就直頭做唔起老早冇左

有時，係人都想有直車，但現實情況唔容許，好似做人咁
如果不斷抱怨，可以有結果，而唔去搵其他出路，到 ...

獅隧整補差價轉乘，揾89做接駁就即刻解決晒新田圍交通。

原帖由 cong 於 2015-5-7 15:57 發表
點解篇文又被新田圍交通騎劫? 依家水泉澳開線又冇要新田圍找數,有咩好嘈

唔係騎唔騎劫既問題
而係水泉澳呢D孤島屋苑交通到最後一定會係大問題
當新田圍呢個幾十年既問題都未被解決既時侯
水泉澳到最後只會又成為另一個問題

根本就係因為無人肯正視孤島屋苑交通比其他上差既問題

人比人，比死人，獨立D睇啦。

碩門邨都只有一條早晨281B及小巴駁去沙田站，原來港鐵是多麼的偉大……
居民要搭巴士都係要行去濱景花園站，不過唔洗斜路咁解之麻。

無謂相比啦，係獨立地睇覺得O個度差，咪爭取囉。
我獨立睇，新田圍都叫有選擇，不過你要話唔好就一定有唔好既地方嫁喇……每一處都是，學阿姐話，總不能滿足每一位「觀眾」。

原帖由 BlackBird 於 2015-5-7 23:52 發表

唔係騎唔騎劫既問題
而係水泉澳呢D孤島屋苑交通到最後一定會係大問題
當新田圍呢個幾十年既問題都未被解決既時侯
水泉澳到最後只會又成為另一個問題

根本就係因為無人肯正視孤島屋苑交通比其他上差既問題 ...

觀塘的三彩（尤其彩福邨）已是前車可鑑。

當時運輸署以彩福邨往觀塘道或九龍灣港鐵站只有約10分鐘的路程為理由，故不會增設巴士路線，
導致當時地區人士相當不滿，認為令彩福邨出現「孤島效應」，幾經爭取才獲運輸署批准開辦專線小巴83A線服務該邨。

引自2010年8月6日成報
當時觀塘區議會增選委員、民建聯副發言人顏汶羽指出：

「這種除了步行外，便沒有其他交通接駁的做法，絕對會令彩福邨完全被孤立，這是市民完全不能接受的......
運輸署應該更設身處地，從居民的角度出發，從（新建公屋屋邨）入伙的那天開始便提供主要且基本的交通服務，
例如接駁往返菜市場、鐵路站等等。」

「從這次事件中，筆者想表達的是現時公屋因土地供應的關係，多處於半山上或者較偏遠的地區......
運輸署在房屋規劃時，是否應該參與更多，盡早解決市民的苦困。這些孤島的問題，是政府部門應該可以預視得到的。」

到今年運輸署才後知後覺，察覺到彩福一帶的孤島問題，於今年度的巴士路線計劃大幅增加三彩地區的全日巴士服務，
包括9號線全日拉上彩福、開辦新線2X由彩福至美孚等。

進一步來說，今年運輸署為安達臣發展區計劃安排六條新巴士線及兩條專線小巴路線，
估計也是汲取了三彩的教訓。

原帖由 lsc04d11 於 2015-5-8 06:02 發表
人比人，比死人，獨立D睇啦。

碩門邨都只有一條早晨281B及小巴駁去沙田站，原來港鐵是多麼的偉大……
居民要搭巴士都係要行去濱景花園站，不過唔洗斜路咁解之麻。

無謂相比啦，係獨立地睇覺得O個度差，咪爭取囉。
我獨立睇，新田 ...

哥仔,隔離大大個馬鐵站仲敢同人鬧慘,因住比人插死