今日架5D又新又大架左既..TH1110@5D

原帖由 ma212223 於 2015-4-18 01:43 發表
成篇文都係圍繞住N216 order

你走去講AP行14D同N216 order 14D 嘅字軌唔派大車係無乜關係
不過我理解未必所有人關注車務資料
你唔鍾意我咪改文
無所謂㗎,最緊要大家開心交流 ...

OK 明白, 謝謝提供資料

應該丫, 當年做機場後勤區都可以每天全日行走, 班次比現時密, 何況而家係一個人口過萬的新社區,
九龍城區去九龍城區(區內通勤)的需求總有番咁上下, 唔明白到現在仲未有聲音要求改回每天全日服務.

原帖由 EX-TL 於 2015-4-18 02:07 發表
應該丫, 當年做機場後勤區都可以每天全日行走, 班次比現時密, 何況而家係一個人口過萬的新社區,
九龍城區去九龍城區(區內通勤)的需求總有番咁上下, 唔明白到現在仲未有聲音要求改回每天全日服務. ...

麗晶個議員話佢繼續爭取wor

呢樣野唔知關唔關地鐵事
過多幾年沙中線一開,直達土瓜灣, 個站同啟德新區唔算遠
可以預料到o既就係d人會去晒搭地鐵
當然啦, 仲有幾年時間可以做o既, 而且內街o既支持都大, 係值得一試
到通車後結果係好似對面海條18X咁苦苦堅持, 但係狠狠地取消就到時先算啦
不過係九記角度, e+開全日去到果時想cut線又難過登天, 應該就係卻步原因

最後都想講, 我個人係贊成5D全日

沙中綫通車後好難改綫, 呢點的確值得詳細考慮, 而個人認為現時可以盡快做的是取消循環線
運作以穩定班次, 最好係延長到紅磡站, 來回程用紅磡繞道連接黃埔花園, 減低改道後對現有
乘客的不便(擺紅磡碼頭會非常之唔順路), 如果可以的話, 尖東麽地道都係唔錯選擇, 只怕拉左
出去尖沙咀之後, 又會有人爭取去埋碼頭或者廣東道.

至於沙中綫通車影響客量, 其實將來只需改一改走線, 麗晶後入啟晴邨, 再倒轉掃番過德朗邨,
行承啟道南段接土瓜灣道, 一來避開晒鐵路車站, 二來承啟道會繼續有新發展(包括社區設施),
連接啟德北及土瓜灣的最直接道路, 外區車輛唔會多, 塞車機會應會較低, 若真的可延至紅磡站,
此走線就會成為下路版沙中綫, 將啟德站.黃埔站同紅磡站連接起來, 而啟德係重點發展的社區,
將來要削減巴士服務, 應該有排唔輪到啟德.

老實講，身為巴士佬，見到月薪同事要攞咁大架做N216已經算辛苦嗱，通宵雖然路順，但唔好唔記得N216行旺區，半夜周街都係死車，過路口轉彎用「加4」短車都緊緊過到咋，仲要變長加大，塞一塞過鐘，N216定咗點都想玩到變失班，之後要柯打埋5D，你話俾日薪嘅就多謝啫，我地月薪嘅你俾咁大架嚟揸即係增加工作壓力啦～唔係技術唔夠嘅問題，除非你係巴士迷嚟揸就當玩下開心下，你俾咁大架又唔係多咗錢收又唔係特別舒服嘅話，一般打工嘅車長恨不得朝早臨柯打前「劈車」唔鬼同你做添呀～如果你要講客量多有需要嘅，唔該你公平啲俾埋5D全線都12米車行，一架唔會係「小改變，大改善」嘅，短車夠做有凸，除非你覺得繁忙時間企客喺企位辛苦咗人地，咁麻煩你唔係變大車而係加班次啦，做樣都要選擇做得好啲又全面，而唔係呢啲冇咩建樹嘅「小毛」。

順帶一提，N293同N691全部派車雙層化，其中單層字軌更係十二米雙層化咗，一嚟浪費燃料，二嚟浪費隧道費，都冇咁多人搭用咁大嚟做咩，完全唔係用「經濟學原理」嚟以最低成本賺取最高利潤，反而98A S1改每日用單層做上段，做692P俾人話明顯想趕客轉坐地鐵，下段隨時冇大車套，日薪掛牌一日就隨時賺少200蚊，話曬人地做咁耐對九記貢獻咁多年，無啦啦話慳隧道費出「加3車」，而通宵車就「加3」變「加5」，真係諗得好周詳而且「慳」得好多喎。

※如果你係做決定嗰位文職員工，甚至係「主任」或「經理」，請自行檢討，唔好玩「自打嘴巴」

N216同N293轉定點有冇加過時?

如果話唔夠細車用行大車都仲可以理解
但無啦啦長單變12米雙層真係唔明搞緊啲乜

不過5D果段時間多學生真係會頂閘
而果個時間已經做緊15分鐘一班
第一次修改:修正錯誤數字

[ 本帖最後由 ma212223 於 2015-4-20 03:56 編輯 ]

咁做通宵就應該要食得咸魚抵得渴啦,N216而家咁好時間都可以話會過鐘,除非你有心擺係到唔行啦,如果唔係塞中你咪抖小D,你講到月薪揸12米蝕底的確係,而且行大車都係遲早既事,我都了解入去先達果到有D炆水,但日頭咁多車都行到入先達果到塞架啦,通宵點會唔得呢?你話多車泊咁咪報幾日警搵慈母黎抄佢幾日就會小D擺架啦,問過N216幾個掛牌佬order5D果個字軌部28做頭車就無咩人,N216用加4都上唔哂,係九記立場你唔鐘意咪唔好做通宵,無人迫你做通宵架喎好老實果句,但荔廠,屯門班通宵有部份字軌都補4仔或以上人地工時咁長都接受到,工作量仲辛苦,不過係開工做,個感覺係唔同D既,講真果句N216,N293又無N237咁大限制一定要用加4就預左會比加5架啦,睇開D啦,荔廠就算有D線字軌客量偏低都唔出加4真係哂料

12米上德福夠轉架啦？

原帖由 ky927 於 2015-4-19 11:40 發表
12米上德福夠轉架啦？

話說以前224M有AVC做掛牌, 仲曾經有641 ORDER

原帖由 ma212223 於 2015-4-19 07:47 發表

不過5D果段時間多學生真係會頂閘
而果個時間已經做緊10分鐘一班 ...

5D 10分鐘一班? 有加班車?