日期:4-4-2015
航線:香港 --->關島
航班:UA180
用機:737-800
起飛時間:21:55 LOCAL TIME
到達時間:04:35 LOCAL TIME
冇飛咁多年, 再一次飛上天, 都真係有點久違的感覺~ 不過以前選擇搭咩機咩航空公司, 今次呢個地方要直航就冇得選擇, 仲要唔係日日有得飛..
久違的客運廊...
同以往飛大機唔同, 今次要去北面既航天客運廊, 要落下面搭巴士...
初時仲驚會有排等..其實又唔係者..幾分鐘就攪掂
對上一次搭既係MAN雙頭巴士, 今時今日當然係剛換的國貨啦...其實以一個旅客角度來講, 真係冇乜分別..
去到航天客運廊, 又要上返去..
如果無人駕駛列車去到, 你話幾好呢..
空間感唔錯..
今次航程負責既飛機...太夜, 睇唔到reg no. , 只知係737-800
準備登機
入到去登機前再按美國規定檢查多次...不過其實都唔係太嚴謹~
對上一次搭737, 都要數到係歐洲既廉航..
個耳筒, 好似幾正wo..對比cx個d..
但係..睇真d..
唔係掛...三頭及單頭..夾硬來都唔work..算...見到有人自己有轉插, 難道是美國航空公司的特性?!
但個艙內廣播完全唔掂..聽唔到機師有交代航程...
照例影返d文件.
講起呢樣野, 佢地連逃生出口及安全示範都幾乎等於零, d空姐(其實就算最後生那個你都唔會叫佢做姐姐啦..不過預左,美國機英國機都會係咁..) 完全企係度, 0指示....睇套片完全千奇百趣, 開蓬巴士頂上面拍緊急逃生門個部份, 一時又係另一個場景..完全九唔搭八..
雖然話起飛前講呢d都有點忌諱..而套片都係想輕鬆帶過..但完全冇實物實景/ 有關係多些少既景睇下...真係有事都唔識走..
去到呢個位, 未起飛都已經對服務冇期望..
起飛前去到跑道, 一路跟著隻A380..可能737同A380 差距太多, 所以俾我地部機打尖先起飛..唔駛等A380行先..如果唔係真係有排等..
起飛攪左成接近個幾鐘先派餐...
反而算係咁...唔知係咪多人去關島結婚, 個餐竟然有嫁女餅?!
收完餐之後唔係俾人訓..而係叫你填一大堆關島入境表......5個鐘機程..咁就去左接近三個鐘..想訓..都有D難度..
最慘熄左燈之後, 前面頭頂個公用SCREEN繼續開...點訓呀..
好在班機都飛得快..係有好幾次都係震完先叫你扣安全帶者.
值得一提既係, 關島既進場路線相當直, 而且跑道算係長....所以TOUCH DOWN難度唔算高..
關島國際機場
階磚地, 令我諗起啟德機場..
雖然班機早到..但入美國境始終麻煩..攪足兩個幾鐘...
未出室外, 機場大堂內已經好有島既氣息...
加埋時間尚早, 乜都未開門....好平靜..
後記:
UA 獨市, 所以去關島直航點都要硬食呢D質素一般過一般既服務...好在機師技術還好, 機程才不至於太惡頂..
個餐比想像中好, 不過派餐時D人係要走來走去就成日攪到其他客, 呢樣又無計....
[ 本帖最後由 hkbw 於 2015-4-20 17:04 編輯 ] |