西區巴士路線客量變化詳細數據

原帖由 _____________ 發表

720A 客量垃圾級你知唔知?

你既言論垃圾級都不如又知唔知?

720A早繁一樣爆囉........

原帖由 ______ 發表

你講緊咩線啊? 720日間中環客量係少過開得更密的788
8P又係多客過2X好多

早繁全日根本兩回事, 夾硬話人搞衰?

720客少?
之前講左，唔需要重覆

原帖由 siusiupeople 於 2015-4-23 13:30 發表

早繁爆，非繁呢?

非繁720A唔做唔緊要,
下繁呢?

原帖由 __________發表

區議會開會班議員咪又係吹水，up 完又唔駛負責既。

咁你講乜普選?

原帖由______ 發表

下繁跟住720 尾，執雞能力都無。

灣仔長抹玻璃你見過未架?

不過,我唔應詤期望失明人仕可以睇到嘢.....

原帖由 siusiupeople 於 2015-4-22 21:22 發表

北角同上環之間只要將2仔加價到5.2同改清風街上橋咪得囉，
我講過啦，有無正面回應過啊你?

你唔係覺得2號有咁容易加到價下話
係加到既，25就一早唔使改成而家咁啦
對唔住呀，你覺得改條2號行清風街，殺左18就好好，但對唔住，係。行。唔。通。的
之前既東區RDP就係先例，新巴根本唔會咁做

你再搞條鴨仔話要佢加價（喂大佬，一加加個一喎），東區區議會唔摙到你條頸好似筷子咁幼？你夠膽咪向區議會提出囉

原帖由 siusiupeople 於 2015-4-22 21:32 發表

正所謂民不與官爭，如果我係你，我就唔會花時間同官鬥，

鬥完巴士公司又蝕多左錢，到頭來加價收場，受害的咪又係市民，

反正新城服務係西環人心目中已經無分，既然政府想重組路線就仲好啦，

CUT 咁D 蝕錢線，對環境、對市民和對巴士公司直頭係三贏局面，

真係倒不如早尐影多幾張相仲好，唔係遲下想影都無得影。

你有無解釋過三贏局面係咩先？
西港島線通左，巴士公司cut 晒d西區線
南港島線通左，巴士公司又cut 晒d南區線
兩間公司連港島區既大本營都守唔住，咁仲講咩三贏局面姐？
除非你話兩巴唔使撈就係兩巴贏囉
係喎唔記得左有人話不如執_左佢架喎 丫唔知到底巴士公司係咪咁諗呢可

原帖由 Kaix 於 2015-4-23 10:38 發表


所以話香港人智慧非常有限，又不著重細節

白紙黑字寫到明一個係載客率，一個係乘客量，
載客率上升係因為大幅減班，但乘客量係下跌的，有幾難明？
咁多人仲好興奮咁話不跌反升

其實我都希望重組否決，等d巴士繼續少人繼續減班，
盤數差要全面加價，到時整體巴士競爭力削弱，
鐵路客量更高，巴士形象更差

但係咁喎，重組否決 =/= 巴士繼續少人喎
否決呢個重組 =/= 否決所有重組
起碼keep 番宜家呢組路線可以保住客源唔好流失
但係亂咁整d線／開d 唔make sense 既新線，係唔會有客浮上地面架
即係跟現有方案重組 = 減少客源，否決方案 = 起碼可以唔再趕客
趕客重組方案，係唔可以袋住先架，否則西環變為下一個將軍澳，任由地鐵擺佈，輸既係絕大多數持份者
全港巴士沒落，相信大家都唔想見到，但係袋住先，就係巴士既road to hell


大家唔好覺得「重組」左就可以改善競爭力先得架
M47 -> 兩頭唔到岸既43M 已經係一個極度明顥既大倒退


唔想巴士公司墮入蝕錢無極限既無限惡性循環，惟一既方法係唔好藥石亂投
其實講左咁耐，巴士公司做RDP 最失敗既野，係閉門造車
如果成個方案，當區居民係有份參與制訂，有say既，即係造出黎既線，會較合乎居民心意，換句話講，居民會更樂意乘搭
此舉不但可以減少每年RDP過會既阻力，更加可以間接提高各線既客量，其實點解唔可以聽下民意姐？
又要唔蝕錢，又要漠視民意咁改線，真係又要馬兒好，又要馬兒不吃草。。根本講不通