從西港島線通車對巴士的影響去分析南港島線

自從西港島線通車,西區巴士客量大幅下跌,對巴士的影響比預期中大,原因是當區居民已厭惡塞車漫遊的乘車模式,再加上西區本土線收費太平以致巴士公司無心經營,結果今天西區巴士線幾乎全軍盡墨,要透過削線和大幅減班去減輕虧蝕,甚至預期未來半年會再進一步削減巴士服務,情況如當年的將軍澳線相似.

今次西港島線的重組初稿,也見出巴士公司策劃和評估上出現失誤,一些本身嚴重虧蝕的路線,借西港島線的藉口去上路不無道理(例如3B,40M,43X,46X),但卻天真地以為將特快線改得更特快,可以和地鐵一爭. 西港島線三個站,雖然不是位於電車路附近,但卻位於近民居的地方,加上中環朝朝塞車,結果令原本坐巴士轉地鐵/船既西區居民轉投地鐵.

我相信,一天中環灣仔繞道未通車,巴士一天都無法從地鐵手上搶回大量西區客源.

從今次事件,可以看出南港島線一通車,對鴨利洲和黃竹坑的巴士將會是重傷,原因如下:
1/ 香隧早晚例塞,有時連非繁都塞
2/ 南區線大部分都是繁時爆但非繁冇人,情況像天水圍
3/ 走薄扶林道不見得比地鐵快
4/ 一村一線政策令現時南區路線盤數冇乜邊條好睇,條條非繁載空
5/ 南區居民忍夠塞車之苦

因此,我預期,以下路線將會傷亡慘重:
1/ 95B/97A----唔駛多講,本身都會取消
2/ 171系---早繁171P都仲有得爭下,因為金鐘轉車麻煩,但其他時間影響非常大,大減班在所難免
3/ 590---早繁出中環班客會冇晒,只淨番出灣仔既客,非繁本身客量唔係好,最終令成條線冇運行,建議改為只開早晚繁算
4/ 90/97/590---呢幾條本身客源係灣仔,但灣仔班客有部分係地鐵轉車客,預期非繁三條只能活一條
5/ 91/94---咪以為鴨島去西營盤一定會搭巴士,其實搭地鐵出金鐘轉,隨時快過巴士,所以影響也非常大
6/ 629---平時唔駛開,但大時大節冇佢唔掂,因為地鐵未必清得晒班客
7/ 71/75---本身黃竹坑都唔夠客,起埋地鐵更加死
8/ 671---條線咁兜,加上客量唔夠,留繁時算

不過,南港島線最大問題係三卡車,加上無人駕駛,擔心爆鑊機率高,以及應付不了需求,因此巴士仍有生存機會,但必需在走線上作出大變革,我個人建議可以重點加強以下路線功能:
90B/94X---嘗試在早晚繁增設少站快車,薄扶林道部分站不停,只做香港仔和鴨島,連西營盤和上環都唔好停,留番俾正線做算.

大家又點睇?

原帖由 FBI2 於 2015-5-5 10:41 發表
自從西港島線通車,西區巴士客量大幅下跌,對巴士的影響比預期中大,原因是當區居民已厭惡塞車漫遊的乘車模式,再加上西區本土線收費太平以致巴士公司無心經營,結果今天西區巴士線幾乎全軍盡墨,要透過削線和大幅減班去減 ...

我想問下，其實依家城巴10號係咪變咗做翻版51？
蝕住要做，唔能夠取消？

回正題，南區去東區嘅線通車後仲有冇得做？好似38，42，42C, 77, 99
唔駛轉車直達但仍然要受香隧例塞

原帖由 AD118 於 2015-5-5 10:52 發表


我想問下，其實依家城巴10號係咪變咗做翻版51？
蝕住要做，唔能夠取消？

回正題，南區去東區嘅線通車後仲有冇得做？好似38，42，42C, 77, 99
唔駛轉車直達但仍然要受香隧例塞 ...

如果用城巴既態度,今日的10,同對面海既51差唔多.
但係,人地對面海條51,都肯借區域重組逼班鄉紳"不反對"去縮短減班,但同時假日加班.
而家條51算數好左好多好多,假日15分鐘一班都爆到傻,半個鐘一班直情要企車頂都做唔切.不過,都仲係蝕.
可是,城仔條10,客就夠晒多,但係俾錢晒冇幾多呢.結果變成一條15分鐘一班既善堂線,鐘意等咪等,唔鐘意等咪唔好等.
城巴既10,新巴既2,都係策劃部放棄晒既路線,有獨市位,取消唔到,唯有係咁cut,係咁收車,有緣見到咪賺到你錢囉.

講番南區,38,42,77,99客量肯定會有所下跌,其中77和99如果唔改特快,都係死死地.

原帖由 FBI2 於 2015-5-5 10:41 發表
1/ 95B/97A----唔駛多講,本身都會取消
2/ 171系---早繁171P都仲有得爭下,因為金鐘轉車麻煩,但其他時間影響非常大,大減班在所難免
3/ 590---早繁出中環班客會冇晒,只淨番出灣仔既客,非繁本身客量唔係好,最終令成條線冇運行,建議改為只開早晚繁算
4/ 90/97/590---呢幾條本身客源係灣仔,但灣仔班客有部分係地鐵轉車客,預期非繁三條只能活一條
5/ 91/94---咪以為鴨島去西營盤一定會搭巴士,其實搭地鐵出金鐘轉,隨時快過巴士,所以影響也非常大
6/ 629---平時唔駛開,但大時大節冇佢唔掂,因為地鐵未必清得晒班客
7/ 71/75---本身黃竹坑都唔夠客,起埋地鐵更加死
8/ 671---條線咁兜,加上客量唔夠,留繁時算

不過,南港島線最大問題係三卡車,加上無人駕駛,擔心爆鑊機率高,以及應付不了需求,因此巴士仍有生存機會,但必需在走線上作出大變革,我個人建議可以重點加強以下路線功能:
90B/94X---嘗試在早晚繁增設少站快車,薄扶林道部分站不停,只做香港仔和鴨島,連西營盤和上環都唔好停,留番俾正線做算.

如果做重組, 我會建議這樣:
A: 97/97A/75 三合一, 97延長到鴨脷洲大街, 75改繁時, 其他時段97入深灣 (若大街允許的話, 可以不延長)
B: 90/590/590 非繁三合一, 90延長至海怡, 590只開繁時, 取消590A (或90縮到金鐘, 590不變或, 來回不停黃竹坑)
C: 91改工半, 做佔中版590
D: 77健康邨以西上東廊, 拉長到柴灣東 (柴灣想有南區車), 38繞經田灣
E: 171北行不停銅鑼灣
F: 71縮到石塘咀創業, 跟43X入西環及加經田灣, 華富, 做西段先導巴士

原帖由 FBI2 於 2015-5-5 10:41 發表
自從西港島線通車,西區巴士客量大幅下跌,對巴士的影響比預期中大,原因是當區居民已厭惡塞車漫遊的乘車模式,再加上西區本土線收費太平以致巴士公司無心經營,結果今天西區巴士線幾乎全軍盡墨

南港島線勢必令新城傷到大蝕呢點絕對認同再唔諗諗點算的話兩巴一齊執粒都似

因此,我預期,以下路線將會傷亡慘重:
2/ 171系---早繁171P都仲有得爭下,因為金鐘轉車麻煩,但其他時間影響非常大,大減班在所難免
3/ 590---早繁出中環班客會冇晒,只淨番出灣仔既客,非繁本身客量唔係好,最終令成條線冇運行,建議改為只開早晚繁算
4/ 90/97/590---呢幾條本身客源係灣仔,但灣仔班客有部分係地鐵轉車客,預期非繁三條只能活一條
5/ 91/94---咪以為鴨島去西營盤一定會搭巴士,其實搭地鐵出金鐘轉,隨時快過巴士,所以影響也非常大
6/ 629---平時唔駛開,但大時大節冇佢唔掂,因為地鐵未必清得晒班客
7/ 71/75---本身黃竹坑都唔夠客,起埋地鐵更加死
8/ 671---條線咁兜,加上客量唔夠,留繁時算



90B/94X---嘗試在早晚繁增設少站快車,薄扶林道部分站不停,只做香港仔和鴨島,連西營盤和上環都唔好停,留番俾正線做算

呢度既野可以逐樣慢慢講：
2) 171系方面，由於南港島線同港島線／荃灣線既轉乘仲未有得試，比乘客既觀感如何，真係唔知。。情況有如西港島線果d幾百米長既通道一樣，即使幾咁不可C2都有一定使用量，所以171應該係果d通左車一排先可以「審判」既線。。
3+4) 590唔駛講啦。。得個灣北係唔近地鐵。。死硬咁滯。。況且地鐵（將會）收既價錢應該都係590果個價位，所以由於價錢上無優勢，客量下場將等同現時18X，但唔知新巴會唔會想好似18X咁死攬
5) 91 / 94會好少少，因為地鐵車費預料無六七蚊都落唔到樓，無可能平過上述兩線，而薄扶林塞車問題不嚴重，所以呢兩條線，一定有班字軌客留低。
7) 71絕對好過75，因為71可以擔當南港島線西段先導巴士既角色，接載地鐵轉乘客（呢個我地可以用90B同590A作比喻，兩線雖然總站一致，但由於走線相反，無構成搶客問題的可能）。相反75就真係同地鐵大幅度重疊，要保線有難度。。。
8) 671唔知，因為轉地鐵轉到核爆，客量流失係未知之數。

好啦，講晒呢幾項，宜家返轉頭講埋最後一項，亦係南港島線最備受矚目既一項：629
何解要留到最後，係因為諗到南港島線對旅客既承受力，同埋南區居民對海洋公園遊客既忍受程度
因為南港島線有個弊病係將遊客同居民共冶一爐，而南港島線比迪士尼線更縮骨，得三卡車
根據報章，海洋公園每年既人流量都好高，甚至到左2014仍然有持續增長，所以629先長做長有，越開越勁
可惜南港島線得十抽車，但係要服務晒居民同埋遊客，而短期內要大幅加班甚至加卡既可能性亦不大，所以承受力難以預計，而南區居民可能係通車後慢慢厭倦同遊客逼地鐵，漁人得利既，係咩交通工具？暫時唔知，話唔定係90B之類既薄扶林穩定巴士線。

搵返將軍澳線通車嚟講，盤數一定會差咗。
但縮數還縮數，用 cut 出嚟嘅資源開下其他新線可能有機會幫補下。
始終巴士公司變通得太慢，798 用咗 8 年、290 用咗 10 年先開得成，
睇埋西港島線重組，相信南港島線通車之時，
一堆對居民有用嘅線（例如講咗幾年嘅 901 982 等等）打死都唔會出現。

原帖由 reason 於 2015-5-5 11:32 發表
搵返將軍澳線通車嚟講，盤數一定會差咗。
但縮數還縮數，用 cut 出嚟嘅資源開下其他新線可能有機會幫補下。
始終巴士公司變通得太慢，798 用咗 8 年、290 用咗 10 年先開得成，
睇埋西港島線重組，相信南港島線通車之時，
一堆對 ...

老實講我都想要901。。
可惜現時既城巴／九巴根本唔會想做
一句西環無客，就乜線都唔使開
因為佢地根本開始放棄西區。。淨係睇今次個所謂「重組」已經知根本城巴就係想諗縮數，淨係識節流，連開源都懶

又系喎，點解唔開翻少少新線比西區呢...

我個人意向系送屯門線，比如961行法的

930A全日變930X囉
930+30X +971, 可考慮