九巴286P開辦及286X改路消息

原帖由 Haydn 於 2015-6-4 19:53 發表
2a. 燈多: 長沙灣道燈係較少, 但係要停既話盞盞都唔短, 再加埋而家昌華街果盞燈改到唔係咁順, 如果貿易廣場出面有工程 (好似呢期咁封左條慢線), 塞燈塞到懵, 等2-3轉先過到興華街交界好正常 (其實果度真係唔知點解成日都有工程...)

2b. 死車: 呢個明顯運吉要理la, 既然元州街有成3條線, 點解要容許d車泊街泊到得番1條線? 起碼都要有番2條線la, 唔係下下都要架巴士去就d死車下話

3. 長沙灣道如何方便更多客?

其實內街行到出長沙灣道既話, 點解唔落地底搭2min一班既鐵, 反且去等15-20min一班, 仲可能會脫班既286X? (for 大圍客, 不包括顯徑)

2a. 都無辦法....太子起計大蚒份燈都係大十字路口, 唔係得長沙灣道多車...
變相唔可以淨係得長沙灣道盞燈長...情況與亞皆老街旺角道彌敦道類同~
長沙灣係好旺工程...呢帶真係連居民都未必知做乜成日都有野要掘...
以前東京街仲離譜...工廠大廈/警察宿舍未拆果陣, 試過約莫有10年條東京街都係掘緊路...
仲要好多時同一格路鋪起都未夠一個月又封起再掘過...

2b. 其實好似連區議員都嘈過...不過就硬係無乜見有抄牌...
但調轉頭睇...好多地區有呢D內街都常見兩邊泊滿車, 唔係得長沙灣先係咁~

3. 直D講...行長沙灣道係方便車多過方便客~
車黎計咁行最快最順...又的確同真係會坐車果班客(即李鄭屋果邊)未至於遠到會完全唔行過去...
不過從客既角度, 入沙田既車主要都集中係青山道, 行多個街口落元洲街都算...
如果唔係日日都要搭, 不如青山道上沙田車入到沙田先轉車好過~

最係果個問題...其實識搭係唔會搭鐵, 上下繁時長沙灣站已經未必第一班就塞到上列車...
SSP站果D就同TST站西鐵轉過黎一樣...打欖球咁推上車...
正路東京街附近班客又識搭車既...早就已經702轉東鐵入新界東~
反而出返黎先慘...無左702, 焗轉鐵/等疏巴士返黎~

原帖由 siusiupeople 於 2015-6-4 22:25 發表


咪又係出面行番入去搭, 有咩分別?

影響? 行多少少對乘客有好大影響? 睇來盲撐的不是我呵.

其實果班嚴格上係舊86B客...即係青山道落黎, 唔係長沙灣道行入黎既客...
你搞清楚D客係邊度黎先LA~

原帖由 stevechau 於 2015-6-5 13:41 發表

回果位仁兄...咁觀塘道D巴士要避開道路不暢, 恐怕要行返入去牛頭角道都似~

牛頭角道下繁東行咪又係未到牛頭角站已經排哂隊...

原帖由 pch_yeung 於 2015-6-5 14:09 發表


牛頭角道下繁東行咪又係未到牛頭角站已經排哂隊...

又唔係呀...下繁坐紅小入去, 東行真係唔塞WOR, 西行又唔係特別多車~

286X線已出乘客通告
除之前提及改動外，星期一至五1700-1800時段加密至12分鐘一班

原帖由 stevechau 於 2015-6-5 14:05 發表
其實果班嚴格上係舊86B客...即係青山道落黎, 唔係長沙灣道行入黎既客...
你搞清楚D客係邊度黎先LA~

先利申, 對改道無立場, 同意286X係舊86B客

不過, 呢班客只係以前喺青山道上車, 佢哋真正出發嘅地方可以係青山道, 元州街,
又或者係遠啲嘅蘇屋, 長沙灣道...你單單總括班客係青山道落黎, 唔係長沙灣道行
入黎, 似乎太過武斷, 不排除有班長沙灣道嘅客, 由以前青山道嘅86B, 到現在元州
街嘅286X, 到將來長沙灣道嘅286X, 對佢哋嚟講係越來越方便

有便便你就食啦，講咩選擇權?
有假普選你就要啦，講咩選擇權?
有假藥你就食啦，講咩選擇權?

Right?

利申: 對改道意見不大，但唔認同某D物種既語氣
無疑地長沙灣道作為深水埗分界線或者叫中間線，係相對應地做到多D客既，因為感覺上對長沙灣道東西兩邊比較平衡
但某D___冇需要咁寸LOR

原帖由 pch_yeung 於 2015-6-5 15:10 發表


先利申, 對改道無立場, 同意286X係舊86B客

不過, 呢班客只係以前喺青山道上車, 佢哋真正出發嘅地方可以係青山道, 元州街,
又或者係遠啲嘅蘇屋, 長沙灣道...你單單總括班客係青山道落黎, 唔係長沙灣道行
入黎, 似 ...

講真...如果你想講既係居民, 咁都我老實搭你...
就我認識住怡靖怡閣麗閣班人...除左入新界西堆線之外, 其實唔多搭巴士出去...
所以舊86B同埋286X既客唔太多係佢地...
幸福邨都一樣...而且呢幾條邨連埋長沙灣邨佢地都太近地鐵站口...巴士就算停正門口都唔代表佢地會用~
反而元洲五期我知有班客係搭慣巴士返黎, 因為112/970系夠密又唔算貴...又係門口落~
不過五期出去就唔係下下揀巴士...所以我只算知道果班人部份既乘車習慣, 同埋呢頭大約D人既流向係點~
只能夠講...入沙田方向如果唔計LCK, 其實大部份客都係近大埔道果邊過黎的~
反而要真係要斟酌既係...沙田出黎果班人主力係邊落車~

[ 本帖最後由 stevechau 於 2015-6-5 15:36 編輯 ]

老實講....呢次改道從沙田角度出發, 係好事...亦都係大方向遲早要做~
呢樣野我早從286X就黎開線果陣已經係友壇講過~
所以佢咁改我無得別反對...亦都唔痕唔痛~

不過要講返呢邊D人搭車...其實主力位係近山...
因為你睇地圖都見...地鐵係正長沙灣道地底, 對長沙灣道既居民係好鬼近...
而長沙灣道海皮方向再入, 過左LCK道就幾無民居...
所以其實長沙灣道要FOCUS既客係近山果邊...

當然唔係要條條線都入黎...佢入條路都食唔到咁多車...
只係要知道...真正養起長沙灣道堆線...引申到呢帶可以令到唔少線都坐到滿...
其實好大部份係歸功於近山果邊既居民, 興華街以北既...就多謝上班客~