九巴286P開辦及286X改路消息

原帖由 hon_son_wilson 於 2015-6-2 23:35 發表
286X入西九龍總站對乘客係好，亦都可以善用總站，
希望商場可以整理下出入總站的行人通道，特別係地下電梯旁的小門，
有時會擺攤位(派月餅之類)，可能阻礙行人進出。
另外，黃金行去西九龍/怡靖/怡閣苑上落車無宜家咁方便，可能有d ...

利申：元州商場站客

可以理解改道加快沙田來往深水埗既車程
而且便利長沙灣道沿線既怡閣苑/長沙灣邨/將來golf場公屋等等居民
但係另一方面
李鄭屋果邊，甚至係重建後既蘇屋邨一/二期
就要行超過400米先去到巴士站

個人更擔心如果遲下重推青沙計劃
行青山道/元州街既86/86A等等會繼續比人cut同改
然後大家會話元州街慢過長沙灣道
贊成將去新界東既線一條一條踢出去

改停欽州街總站
確係可以紓緩深水埗警署個站人迫人既情況
但係據我所憶，個總站唔太通風，又熱又焗
夏天入去等更加熱上加熱
不過呢啲硬件野，應該幾難改善到...

（後加：另外想知呢一串改動，其實有無諮詢，甚至知會過深水埗區
因為係深水埗區議會文件，似乎搵唔到有關修訂版286X改動...）

[ 本帖最後由 cch0074 於 2015-6-3 00:33 編輯 ]

72又會多左客，位位$9.60都幾好味

改入西九龍都算，可以睇住時間先入去搭車…
但係改出長沙灣道真係有啲擾民…

西九龍中心總站等車宜家有幾難頂，我已經唔知，因為太耐冇入去等車，遲D 59A走埋既話，剩番117，俾你都唔會再俾資源搞好個站吧……
不過，前52X條坑，同前66(即現117條坑)，個通風及舒適度差好遠……(起碼尾部有個出入口「索」風，而最入亦都有一排自然出風位，我又唔可以話O個D係窗……)
但正路作為一條中途站線，唔會將286X安排到最入條坑卦……

原帖由 cch0074 於 2015-6-3 00:28 發表

利申：元州商場站客

可以理解改道加快沙田來往深水埗既車程
而且便利長沙灣道沿線既怡閣苑/長沙灣邨/將來golf場公屋等等居民
但係另一方面
李鄭屋果邊，甚至係重建後既蘇屋邨一/二期
就要行超過400米先去到巴士站

個 ...

有諮詢既
286x同286P既改動係屬於上年RDP(2014至2015)，你可以揾下舊啲既區議會文件

開頭唔太鍾意286X唔入大圍站, 因為在大圍街市行去803/804小巴站是遠好多。

但是改了行長沙灣道希望令行車時間快了, 變了回程上到青沙轉車站有機會快過287X埋站先。 就算唔得, 睇下駁唔駁到249X (兩繁)/280X入到去先再算。

不過, 幾條線都夾唔到時間就無得怨, 唯有入到大圍搭馬鐵。

原帖由 jocosben 於 2015-6-3 08:55 發表
有諮詢既
286x同286P既改動係屬於上年RDP(2014至2015)，你可以揾下舊啲既區議會文件

原本計劃係九巴打算開四美區獨立全日青沙線246X（美田←→長沙灣（循環線），經美孚）
286X全日不入四美區
但被區議員以班次拉疏（兩條都要20分鐘一班）及四美區要轉車才能到深水埗反對
修訂方案就擱置246X，改為星期一至五早繁分拆四美特別班

另外，運輸署已向沙田區議會交運會出了正式文件，落實286P開辦及286X改動於2015年6月13日起實施



[ 本帖最後由 eric278 於 2015-6-3 09:45 編輯 ]

原帖由 siusiupeople 於 2015-6-3 08:14 發表

行多1個街口同行多3個街口有分別?
宜家286X 淨係服務你地蘇屋李鄭屋邨咩?
你連三幾個街口都唔肯行學咩人出街呵。

轉侳87B? 貪87B 食燈食得耐定係獅隧塞唔夠車先? ...

以你嘅邏輯，應該286X全日唔經四美而286P都唔使開(甚至早在86B變286X時都唔使入四美)。
「美田/美松行多幾百米去美桃樓有分別? 宜家286X淨係服務四美咩? 連幾百米都唔肯行學咩人出街呵。」
(李鄭屋邨-長沙灣道約600米； 美田/美松-美桃樓/積輝街約700米)

當年建議中指出「(286X)可以較直接及快捷地前往深水埗，乘客的乘車時間可以縮短」，
但其實大圍來往李鄭屋/蘇屋一帶的乘客，步行往返車站時間其實將會增加5分鐘。
對於286X偏離原有86B沿線，以及佔全線30%客量的元州街乘客旅程時間增加，班次卻無加密，值得商榷。

黃金至東京街一段的確比較塞車，但係去到東京街至興華街段就無咁塞。
所以我上年見到哩個改道方案，都有建議286X維持途經元州商場一段，盡量靠近山邊的李鄭屋/蘇屋，
改經長沙灣道、東京街、元州街及興華街，即使唔係全日繞經都可以係早繁後繞經。

仲有，286X班次不穩另一主因係欽州街(西)交通燈配置問題，但一直都無改善過。