[大埔]由K17/K18取代71s,大家點睇？

見到有議員掛街招活要爭取K巴紅日照行，大家點睇？

我個人立場就係就算無轉車優惠都贊成，總好過71s又貴班次又少又吾準

邊個議員做show 咁爭取呀！果位議員又唔查點解k 巴無服務同紅日無轉乘優惠

係都爭取 K12 延長尾車時間先啦

K12 覆蓋市中心最深最廣,
但呢個年代竟然仲係十點鐘尾車
無嘢呀

原帖由 HU6455 於 2015-6-7 17:38 發表
見到有議員掛街招活要爭取K巴紅日照行，大家點睇？

我個人立場就係就算無轉車優惠都贊成，總好過71s又貴班次又少又吾準

重點係個老細而家係邊個？

十年前舊老細就有可能

而家佢真係彩你都傻

每樣野都要有原因，提出呢個要求係咩原因先？
1）如果係想紅日都有轉乘，咁就要K12/17/18都要有優惠一齊行；

2）嫌71S疏，咁又另一個講法，咁不如考慮將架71S加落71A/71K，做個雙向分段又得唔得呢？

選舉期到~ 明知不可能都掛左BANNER 先la

無肉食的巴士線, 某公司可能想摺鬼埋佢tim la~ 仲想佢開星期日?

71s 好心就拆開做2條, 一條專行富善, 一條專行廣福, 咁d 班次就會準好多la...
不過到時就要減價了, 尤其係廣福線

71K拆線方案係有考慮呢一點
不過時過境遷,當年係的士團體
反對影響生意,故此出現K12尾車
只到十點/周日及假日連K17/K18
都停埋,不過今時今日大埔連搭綠的
都唔容易,因為做邊境水貨物流更好。

要取消「原有」嘅又一定要補償,
強行取消就會有人引用魚蛋論;爭取
同樣服務又話無錢賺無配額……等,唔好
話東鐵其他沿線屋邨(例如270/273等)
想爭取轉為K巴,富亨一樣問點解條71A要收費
而沒有K巴…當然亦有區議員爭取富亨有港鐵特惠站
但不果,咁爭議落去香港好難有和諧。

想鐵路為主,偏偏大部分跨區線仲要
密車過區內接駁/去最近港鐵站嘅路線。
71K拆線方案,因部分原有乘客要轉車而
擱置,但雙向方段問題,在於做唔做街市一段?

71S有定點等於無定點又真係
苦了乘客,至於廣褔/富善各一條
不一定會減價,之前已經有唔少路線
縮短後,因未到達里數收費表之上一級
而沒減價,亦可以用廣福嘅一條做循環增加
里數,富善一條做兩頭總站。

[ 本帖最後由 kitarolo 於 2015-6-7 19:39 編輯 ]

如果要改善71S班次不穩(雨天
近乎無班次表可言,事關廣福邨
已經有唔少人選擇步行來往港鐵站,
不過雨天就令唔少人回流以致頂閘)

要用一條線做兩個屋邨(另一例子
為270)為何不讓71S服務時用回K18
站頭,作短暫停留以穩定班次? 因為現時
用街市一側上落,好多時阻住後面巴士入站。
寧願延長行車時間,都要一個可靠嘅時間表。
不過到時又會有人唔睇清楚就上車,投訴堅持
要分返開兩個站……

當然去到埔鐵也可停留,印象中北區巴士
路線重組,273A也會在華明短暫停留以穩定
班次,不過近來乘搭似乎已取消,未知是否諗縮數,
還是違反「引擎空轉逾時」條例的問題。

原帖由 kitarolo 於 2015-6-7 20:16 發表
當然去到埔鐵也可停留,印象中北區巴士
路線重組,273A也會在華明短暫停留以穩定
班次,不過近來乘搭似乎已取消,未知是否諗縮數,
還是違反「引擎空轉逾時」條例的問題。

車內有客，或辯稱「正在上客中」便不會違法。

K巴取代71S ?
唔該同我搞掂條71A先好同我講K17假日照開