探討九巴290A車程過長的問題

原帖由 castanopsis 於 2015-6-29 00:31 發表

只可以話，30-45分鐘上唔到車仍然會出現
你可以試下下繁觀塘警署、泳池兩個站等車，包你等極都上唔到
假日夜晚亦係災難性，十架小巴入面隨時有五架係啟業已經打爆，其餘既都好少會挨得到觀塘

另外
印象中地鐵開通咗之後好 ...

嗰幾個站根本唔預你上車，情況同下繁山谷道98D一樣

原帖由 transbus 於 2015-6-29 00:18 發表

你不妨揭地圖,
將軍澳山下由英國佬規劃年代,
已經將地鐵預留位放正寶林坑口尚德調景嶺四小區正中,
同時將軍澳隧道出口放到四小區圍住佢一圈.

即係話卅年前政府已經要你地做地鐵主導市鎮,
而轉彎直上隧道咁直接, 根 ...

認同將軍澳設計不利巴士行業, 應該話, 其實成個香港既發展都不利巴士發展
我實我係第一代將軍澳人, 89年搬入寶林村寶泰樓,
睇住將軍澳交通基建, 巴士發展

其實將軍澳問題係分好多區, 區區都唔大, 而且好多新區都有鐵, 係好難做得到好快, 好直接
而且到現時來講係純住宅區, 上班時間係真係好靜
其實我諗到可以做既, 係真係好艱辛既工程, 就係之前講既全將軍澳重整路線,
姑終寶林存在有25年, 坑口都有20年
但而家仲有將南, 將中
其實一路都只係見一區出現就加線, 有好多重疊, 有線唔夠人, 有線好累聚
根本對resource 既運用都唔好,
其實真係令MTR 好多人, 亦非常間接令將隧多左車...
係唔係真係認真再諗下呢個問題?
290 既成事實, 已經好難變, 其實之前ching 都講得岩, 現實就係你搭就搭,唔搭就算
但其實, 在我來講, 真係好心傷....

原帖由 GA6072 於 2015-6-29 00:30 發表

曉光街上秀明道上下高度差距有幾多


客唔一定四肢健全,輪椅客點係曉光街上秀明道入將軍澳

該死既線應該係98A
而唔係93A/95M/93K


如果98A轉乘改放落95/93K
以今時今日290/290A係98A搶走既客睇
以98A用車數量收入 ...

來往曉光街同將軍澳冇幾個輪椅客.
過幾年金茂坪戲院出面有lift塔上中秀,
希望o的老人家對腳捱到.

其實我阿麻以前都會搭巴士由秀樂樓去聯合醫院,
整整下對腳退化, 企唔到咁耐, 結果轉投的士.

曾經我都反對93A撤出曉光街,
但我發覺只要合併95M後行秀明道,
其實除笨有精.

[ 本帖最後由 transbus 於 2015-6-29 00:48 編輯 ]

前文無追到，不過我都係繼續我一向嘅建議，
希望290A可以過翠琳落山後直駛寶康路去將廣翻調景嶺。

咁樣唯一壞處係會影響將軍澳<>九龍山上流水客，不過個人多次乘坐290A觀察其實大部份秀順客都係往返將南，影響其實不大。

尤其秀茂坪去寶坑基本上已有充足服務，唯獨順利比較尷尬，最多讓290有限度加停一站以填補缺口，建議加停利康樓(東行)/順利邨公園(西行)。

但改動帶來更大好處，一係吸引更多將南客乘坐290/290A，現時車程對他們而言過份冗長，以290A提速變相係減少將南侯車時間。同時可以善用290A在將軍澳區內運力，而家290響區內要載好多客，停站時間相當長，290A就空好多。我試過坐290到翠琳已經比後面遲十分鐘嘅290A爬頭。

同時，此改動亦完全解決290&290A現時在特定路段經常性"拖卡"&"20分鐘先有一班290/290A"嘅大問題，可望吸納更多客源，如彩虹、黃大仙往葵荃。

歡迎討論

原帖由 GK3258 於 2015-6-29 00:36 發表
嗰幾個站根本唔預你上車，情況同下繁山谷道98D一樣

但事實果個站都好多人
睇得出馬生都有照顧呢個位既, 只係resource 問題, 顧得呢個位, 前面埋站又排幾架車

原帖由 siusiupeople 於 2015-6-29 00:38 發表


講到咁唔理性，上山咁難為你，點解唔走去搭鐵?
98d 咁快都有坑口人搭鐵啦，坑口有2蚊機架。

290一次之後已經放棄
98D 都已經差不多....尖東其實都有2蚊機, 富寧唔會特登行去, 除非成家人一齊去街, 就一個人do 成家

原帖由 GW5878 於 2015-6-29 00:10 發表
某D區域既人口口聲聲話善用資源又話資源共享，講到好好聽
但實際上咪又係掩飾緊自私、霸權既事實

咁你口口聲聲話「霸王餐」既結論去左邊？
麻煩你解釋左點解九巴將清空 9 部車比 290 先？果 9 部車有似係全個九龍區有份出，
人地都未出聲，邊個「自私、霸權」先？

原帖由 GW5878 於 2015-6-29 00:10 發表
日日講290A有流水客搭，冇錯係，的確順利去將軍澳有需求
但係咪玩啦，觀乎成個將軍澳既區外線，唔計以觀塘為總站果D
得98S，796C，796X，798，893係完全觀塘區冇站，當中仲有一條係馬場線，一條係兩味線
其他呢?少則一個站，多則10個站都未走到出觀塘區
咁好啦，行過你條街又點解一定要有站?

依點仲唔係自私？觀塘區係原罪，
咁好簡單，所有車唔好停觀塘，連將軍澳上港鐵都比係觀塘出。
咩道理？咁最好 98C 唔可以係旺角、九龍城落車，297 唔好係九龍灣、九龍城，只准點到點。

原帖由 GW5878 於 2015-6-29 00:10 發表
798係將軍澳站、佛教志蓮小學、新都城、多石都冇站啦，點解其他將軍澳線唔得?
一句到尾咪又係山頭主義，一句有需求KO左
但係有需求係咪真係可以當飯食?

區議員日日爭取緊依以上車站加站，你問番你自己區區議員好，唔關觀塘事。

原帖由 GW5878 於 2015-6-29 00:10 發表
29M落老龍大把車比你轉啦，
剩係識叫人搭地鐵，甚至叫將南人搭返地鐵唔好搭290，咁點解佢地唔可以29M轉地鐵?
成個觀塘區差唔多度度都有車去將軍澳，係差碧雲道未有
咁洗唔洗叫690 694過海之前拜會下你地?

觀塘區好大下，我想講，今日今日秀茂坪、四順未有車出沙田，
油塘、碧雲道未有車去荃灣，690、694 係拜會之藍田，區區有難處，唔好成日講到將軍澳係悲劇受害者，
秀茂坪、四順今時今連地鐵都無，你憑咩話人？

原帖由 GW5878 於 2015-6-29 00:10 發表
人地長青隧道果邊，
有61X 62X 258D 258P 259D 268C 269C A29 E22A下一站畢架山花園
但係自己果區就得條兜到趕哂客既42C，近年有X42C叫有少少改善

係啦，點解 A22 去機場要經佐敦？我見到 A29、E22A 嫁，上次部 A29 去機場既車係觀塘道撞車，
害到我係的士塞左 30 分鐘，我係唔係可以向將軍澳居民投訴，你部巴士搞到東九龍大塞車？咩道理？

我想講，42C一點都唔兜，大地係做大窩口，對唔少上葵人而言，不知幾直接。

原帖由 GW5878 於 2015-6-29 00:10 發表
有373A 960系 961 962系 967 969系過海，
但係自己果區得條兩味加時線948，
行足十幾年人地有冇有一刻叫過一條線去大西北/北區之前拜會下綠島?冇，一條都冇!

真係無？機場車呢？你最愛既 E42 係其中一條。

原帖由 GW5878 於 2015-6-29 00:10 發表
甚至373A改全日既同時青衣夠爭取948全日，但係佢地都冇玩串北區重組個party，
因為佢地知道D野唔係佢地就唔係佢地， 如果搞爭取既佢地就行第二條路
唔行長青隧道仲有荃灣路，唔行荃灣路仲有東隧，唔行東隧仲有尖山，根本唔係must經你個綠島

關咩事先生？咁觀塘區幾時有要求過你地要 A29 去機場加站？幾時有要求過你地 98D、796C、798 要加站？幾時要求過 302A 要加站？

原帖由 GW5878 於 2015-6-29 00:10 發表
但係成個觀塘區就唔係咁玩法，覺得將軍澳車經自己果區係理所當然，仲要種站柱，有幾多種幾多
講真290夠唔係must經你樓企樓下，點解我要受你氣因為你冇車去荃灣同將軍澳而開條290A去拜會你?
講到底就將一大堆fact去美化包裝

先生，人地 2009 年已經要爭取一條荃灣線，世界上人地都有需求上車。
無人受你氣，大不了唔好開 290A，九龍區同葵青區仲開心，19 部車可以開其他線。

原帖由 GW5878 於 2015-6-29 00:10 發表
講到692冇人搭蝕到入肉、講到地鐵仲有空間載客、講到資源有多就要拎出黎、講到行其他路仲可能慢過行現時290行法
講真以上理由都只係關將軍澳人事，關你班霸權人乜事?
想搶左個主權就出聲啦，然後自己諗計開條油塘開既荃灣車經你果度，而唔係唔聲唔聲咁屈將軍澳人食左個「假將荃」
「假將荃」如假普選，開左就袋一世，六幹開左之後到山頭思想爆發，想改都難，到時真係條290慢過「行六幹既真將荃」啦

你咁鐘意資源論，客量，麻煩你自己用 2 部車開你心目中既 290X。
一口到尾都係觀塘係原罪，麻煩取消所有 296A、98A BBI 好唔好？

邊個自私？觀塘區咁大，市中心、藍田從來未出聲問你地拎車去開咩線，要求將軍澳線經觀塘，
你知唔知觀塘道好多條新好幾大阻力？當年 A29 行觀塘道，你知唔知幾大反響，麻煩你唔好咁自私，人地要都搭車。

[ 本帖最後由 dennis28a 於 2015-6-29 00:46 編輯 ]

原帖由 siusiupeople 於 2015-6-29 00:40 發表


點重整? 796 系淨係飛走彩明苑一個站都過唔到議會，
都仲未計e22a/a29 呢筆。

有另一個post 講緊